Бугуйн сувгийн хам шинж (Carpal tunnel syndrome/CTS)
Гар сарвууны мэс засал, Мэс засал, Үндсэн хам шинжүүд
Тойм
Карпалтуннел (Canalis carpi) буюу бугуйн суваг дотор N. medianus гэмтэхийг карпалтуннел хам шинж (carpal tunnel syndrome) гэж нэрлэдэг. Бугуйн суваг (Canalis carpi) нь гарын антериор буюу алган талд бугуйн яснууд болон Retinaculum flexorum-ын хооронд нум үүсгэн байрших ба үүгээр шуунаас ирэх мэдрэл, шөрмөсүүд гарын алга руу дамждаг. Retinaculum flexorum-г Retinaculum musculorum flexorum manus хэмээн дэлгэрүүлэн нэрлэдэг ба энэ нь хатуу холбогч эдээс бүрдсэн лигемант буюу холбоосоос бүрдэнэ. Ихэнх эмчилгээ нь мэс заслын эмчилгээ байх ба мэс ажилбарт Retinaculum flexorum-г зүсэж голчийн мэдрэл буюу N. Medianus-д очих даралтыг механикаар бууруулна.
Эмнэлзүйн хувьд карпалтуннелээс дисталд буюу хурууны үзүүр лүү чиглэсэн N. medianus-ын үүрэг, үйл ажиллагаа алдагдсантай холбоотой шинж тэмдэгүүд илрэх бөгөөд эхэн үедээ шөнөөр гарын эрхий, долоовор болон дунд хуруунд өвдөлт мэдрэгддэг бол хожим нь эрхий хурууны угийн булчингийн хатингаршил үүсч хүндэрнэ. Янз бүрийн клиникийн сорилуудын тусламжтай урьдчилсан оношийг тавих боломжтой бөгөөд мэдрэлийн дамжуулах хурдыг шинжлэх электронейрографи (electroneurography) оношилгооны шийдвэрлэх ач холбогдолтой. Хэрэв шинж тэмдэг нь зөвхөн шөнийн өвдөлтөөр хязгаарлагдаж байвал гараа шөнийн турш хамгаалж хөдөлгөөнгүй байлган богино хугацааны өвдөлт намдаах эмийн эмчилгээ хийх боломжтой. Гэсэн хэдий ч ихэнх тохиолдолд эртхэндээ мэс ажилбар хийн шинж тэмдэгийг бууруулахыг эрмэлзэнэ.
Энэ бүлэгт гар сарвууны мэс заслын эмчийн нарийн мэргэжлийн мэдээлэл ороогүй болхыг анхаарна уу!
Тархвар зүй
- Хүйс:
> 
- Нас: Ихэвчлэн 40–50 насанд тохиолддог
- Ихэнх тохиолдолд хоёр гарт зэрэг илэрдэг