Ацикловир Денк (Acyclovir-Denk)

Ацикловир-Денк

5%-5 г

Ацикловир – Acyclovir

Rubie Pharm Arzneimittel GmbH

Эмийн хэлбэр: Тосон түрхлэг

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 15000

ЭМД хөнгөлөх хэмжээ: 4500

Даатгуулагч төлөх дүн: 10500

Эмчийн ангилал:

B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Ацикловир Денк 5% тосон түрхэц нь зарим вирүсийн үржлийг саатуулах бэлдмэл юм. (ДНХ-ийн нийлэгжилтийг саатуулж вирусийн эсрэг үйлдэл үзүүлнэ)
Ацикловир Денк 5% тосон түрхэцийг герпес вирүсийн архаг халдварын шалтгаант уруул болон бэлэг эрхтэний орчим гарсан цэврүүний өвдөлт, загатнааг намдаах зорилгоор хэрэглэнэ.

Хэрэв Ацикловир, валацикловир болон бэлдмэлийн найрлага дахь бусад бодист харшилтай (хэт  мэдрэгшилтэй) бол.
Хэсэг газар хэрэглэхэд салстын мембран (жишээ нь амны хөндий, нүд, үтрээний салст) хэт цочирч байвал тус тус хэрэглэхийг хориглоно.

Тун

Хоногт 4 цагийн зайтай 5 удаа тосон түрхэцийг нимгэн түрхэж хэрэглэнэ.

Хэрэглэх арга

Ацикловир Денк 5% тосон түрхэцийг үзүүртээ хөвөнтэй савхаар арьсанд түрхэнэ.
Тосон түрхэцийг херпес вирүсийн шинж илэрсэн (цэврүү, улайлт) хэсэгт төдийгүй эргэн тойрны хэсэгт түрхэнэ.
Хэрэв хуруугаараа түрхэхээр  бол түрхэхийн өмнө болон дараа нь гараа заавал угаах нь арьсны гэмтсэн хэсэгт нянгийн халдвар оруулах, арьс болон салст бүрхүүлд вирүсийн халдвар тараахаас сэргийлнэ.

Хэрэглэх хугацаа

Бэлдмэлийг херпес вирүсийн халдварын шинж (халуу оргих, загатнах, хөндүүрлэх, улайх) илэрсэн даруйд түрхэхэд үр дүнтэй. Вирусийн үржлийг зогсоох эмчилгээ хийлгэсний дараа тав тогтсон бол ацикловир агуулсан бэлдмэл хэрэглэх шаардлагагүй.

Хэрэв Ацикловир Денк 5% тосон түрхэцийг хэрэглэхээ мартсан тохиолдолд

Санасан даруйдаа бага хэмжээний тосон түрхэцийг түрхэх бөгөөд цаашид зааврын дагуу хэрэглэнэ.

Хэрэв Ацикловир Денк 5% тосон түрхэцийг хэрэгэлэхээ зогсоох тохиолдолд

Ацикловир Денк 5% тосон түрхэцийг хангалттай хугацаагаар хэрэглэж үр дүнд хүрсэн тохиолдолд хэрэглэхээ зогсооно.

Бусад эмийн бэлдмэлтэй адил Ацикловир Денк 5% тосон түрхэцийг хэрэглэхэд гаж нөлөө илэрч болох ч хүн бүрт илрэхгүй байж болно.

Гаж нөлөө илрэх давтамжийг дараах байдлаар ангилав

Нийтлэг илрэх:	10 хэрэглэгчийн 1-10 тохиолдолд илрэх
Олонтаа илрэх:	100 хэрэглэгчийн 1-10 тохиолдолд илрэх
Хааяа илрэх:	1000 хэрэглэгчийн 1-10 тохиолдолд илрэх
Ховор илрэх:	10000 хэрэглэгчийн 1-10 тохиолдолд илрэх
Маш ховор илрэх:	10000 хэрэглэгчийн 1 тохиолдолд илрэх
Давтамж тодорхойгүй илрэх:	Байгаа тоон мэдээллээс тооцох боломжгүй

Дараах гаж нөлөө илэрч бүртгэгдсэн байна.

Арьс болон арьсан дорх эдийн эмгэгүүд

Хааяа илрэх: Тосон түрхэц түрхсэний дараа түр зуурын хугацаанд халуу оргих, хатгуулах шинж илэрнэ. Арьс хуурайших, гуужих, загатнах шинж илэрнэ.
Ховор илрэх: Улайх, бэлдмэл хэрэглэсэн хэсэгт хавьтлын болон харшлын арьсны үрэвсэл илэрнэ. Гэвч ацикловирын найрлага дахь нэмэлт бодисуудаас ихэнх тохиолдолд гаж нөлөө илэрдэг нь туршилтаар нотлогдсон.
Хэрэв дээр дурдагдсан гаж нөлөөнүүд хүчтэй илэрч, тосон түрхэц түрхээгүй хэсгийг хамарч байвал арьсны хавьтлын үрэвсэл байж болзошгүй тул эмчид хандаж зөвлөгөө авна.

Дархлааны системийн эмгэгүүд

Маш ховор: Огцом хэлбэрийн хэт мэдрэгшлийн урвал, судасны хаван (Квинкийн хаван, арьс хавагнах, ялангуяа нүүр хэсгээр хавагнах)
Хэрэв танд эдгээр гаж нөлөө хүчтэй илрэх эсвэл эмийн зааварт тэмдэглэгдээгүй гаж нөлөө илэрвэл эмчлэгч эмч, эм зүйчдээ мэдэгдээрэй.

Дараах тохиолдолд Ацикловир Денк 5% тосон түрхэцийг болгоомжтой хэрэглэнэ.

Дархлааны хүнд хэлбэрийн дутагдалтай бол бэлдмэлийн эмчилгээний өмнө эмчтэй зөвлөнө үү.
Ацикловир Денк 5% тосон түрхэцийг бэлэг эрхтэн болон хошного орчим түрхсэн үед түүний найрлага дахь вазелин ба парафины нөлөөгөөр латекс бүтээгдэхүүн (жишээлбэл, бэлгэвч) хэрэглэхэд урагдах эрсдэлтэй.
Бэлдмэл нь пропилен гликоль ба цетилийн спирт агуулдаг тул арьсыг цочроож болзошгүй. Найрлага дахь бодист хэт мэдрэг бол бэлдмэлийг хэрэглэхгүй.

Жолоо барих ба машин механизмтай ажиллах

Бэлдмэл жолоо барих ба машин механизмтай ажиллах чадварт нөлөөлөхгүй.

Жирэмсэн үед бэлдмэл хэрэглэхэд илэрсэн гаж нөлөөний талаарх мэдээлэл байхгүй боловч эмчилгээний ашигтай үр нөлөө болон эрсдлийг сайтар харьцуулж үнэлсний дараа  бэлдмэлийг хэрэглэнэ.
Ацикловир нь ууж хэрэглэх үед хөхний сүүгээр ялгарна. Гэхдээ Ацикловир Денк 5% тосон түрхэцийг хэрэглэхэд хөхний сүүгээр ялгарах хэмжээ нь маш бага юм.

Ацикловир Денк 5% тосон түрхэцийг хэрхэн хадгалах вэ?

250-с ихгүй хэмд хадгална. Хөргөгч хөлдөөгчид хадгалаж болохгүй. Бэлдмэлийн савлагаан дээрх хүчинтэй хугацаа хэтэрсэн бол хэрэглэхгүй. Бэлдмэлийг нарны гэрлээс хамгаалж, хүүхдээс хол байлгана уу.
Хадгалах хугацаа 36 сар.
Бэлдмэлийн хайрцаг, савлагааг шингэн болон ахуйн хогонд хаяж болохгүй бөгөөд богино хугацаанд хэрэглэх бол хэрхэх  талаар эм зүйчээс лавлана уу. Энэ арга хэмжээ нь хүрээлэн байгаа орчноо хамгаалахад тань тусална.

Нэмэлт мэдээлэл

Ацикловир Денк 5% тосон түрхэцийн найрлага

Үйлчлэгч бодис: ацикловир. 1 гр тосон түрхэцэд 50 мг ацикловир агуулагдана.
Бусад туслах бодис: стеароил макрогол-глицерид, диметикон, цетилийн спирт, зөөлөн, цагаан парафин, шингэн парафин, пропилен гликол, цэвэршүүлсэн ус.

Ацикловир Денк 5% тосон түрхэцийн дүрслэл, савлалт