Барбитал
5 мг
Фенобарбитал – Phenobarbital
Монос эмийн үйлдвэр
Эмийн хэлбэр: Шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 390

ЭМД хөнгөлөх хэмжээ: 273

Даатгуулагч төлөх дүн: 117

Эмчийн ангилал:

B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

  • Эпилепси
  • нойргүйдэл
  • мэдрэлийн хөөрөл
  • хорей
  • цусны даралт ихсэх өвчин
  • зүрхний бах
  • мигрень
  • гипертиреоз
  • цусан дахь билирубиний хэмжээ ихсэх үед/урьдчилан сэргийлэх ба эмчлэх/
  • айдас түгшүүрийг багасгах зэрэг өвчнүүдэд хэрэглэхээс гадна ходоод гэдэсний гөлгөр булчингийн агчлын үед гуа хатан
  • папаверин болон бусад агчил тавиулах эмүүдийн хамт хэрэглэнэ
  • Бэлдмэлд агуулагдах бодисуудад хэт мэдрэг хүмүүс хэрэглэхийг хориглоно. Цус багадалт, чихрийн шижин, элэгний ком, бөөрний дээд булчирхайн үйл ажиллагаа дарангуйлагдсан, сэтгэл гутрал, хэт хөдөлгөөнтөх, тиреотоксикоз өвчний үед болон бронхоспазм, астмын шинж тэмдэгтэй, хурц болон архаг өвдөлттэй, бөөрний дутагдалтай, эмийн хамааралтай өвчтөнд хэрэглэхийг хориглоно. Хөхүүл болон жирэмсэн үе, амьсгал дарангуйлагдсан өвчтөн, порфири өвчний үед хэрэглэхгүй. 
  • Тохиромжтой тунг өвчний хүнд хөнгөнтэй уялдуулан килограмм жинд тохируулан эмчилгээний тунг эмч тодорхойлно. 
  • Хүүхдэд 1-10мг/кг-аар өдөрт 3 удаа хоол идэхээс 30-40 минутын өмнө эмийг нухаж, 10-15 мл усанд уусгаж уулгана. Дараа нь 20-30мл ус нэмж уулгана. 

Тун хэтрэлт

  • Хурц хордлого, нистагм, тэнцвэр алдагдах, толгой эргэх, толгой өвдөх, гуйвах, сульдах, рефлекс алдагдах, нойрмоглох, биеийн дулаан буурах, эсвэл ихсэх, амьсгал давчдах, амьсгал удаашрах, амьсгаадах, сэтгэл хөөрөх, хүүхэн хараа нарийсах, шээс ховордох, зүрхний хэм түргэсэх эсвэл удаашрах, царай хөхрөх эсвэл улайх, кома-д орох зэрэг шинж тэмдэг илрэх ба 2-10 г уухад ухаан самуурлын, ухамсарт ухаан балартлын байдалд орно. Хожим нь уушигны үрэвсэл, цус багадалт үүсдэг. 

Фенобарбиталыг удаан хугацаагаар хэрэглэхэд бие эвгүйцэх, нойрмоглох, толгой өвдөх, цусанд өөрчлөлт гарах зэрэг гаж нөлөө илэрч болно. Энэ нь голдуу эмийн тунг хэтрүүлснээс үүснэ. Фенобарбиталыг таталдааны эсрэг эмүүдтэй хамт хэрэглэхэд түүний гаж нөлөө үлэмж багасдаг. 

  • Мэдрэлийн эрхтэн тогтолцооны талаас: Толгой эргэх, бие сульдах, муужрах, хөдөлгөөний баримжаа алдагдах, гар салганах, толгой өвдөх, нойрмоглох, сэтгэл гутрах, сэтгэл хөөрөх, хэт мэдрэг болох, нойргүйдэх, хар дарах шинж тэмдэг илэрч болно. 
  • Тулгуур эрхтний талаас: Удаан хэрэглэхэд яс хэврэгших /остеофороз /, рахит үүснэ. 
  • Хоол боловсруулах эрхтэн тогтолцооны талаас: Бөөлжих, өтгөн хатах, дотор муухай оргих, удаан хугацаагаар хэрэглэхэд элэгний үйл ажиллагаа алдагдах шинж тэмдэг илэрч болно. 
  • Цусны эргэлтийн эрхтний талаас: Цус багадалт, цусан дахь ялтаст эс, цагаан эсийн тоо цөөрөх. 
  • Харшлын урвал: Арьсны тууралт, чонон хөрвөс, арьсны үрэвсэл, нүүр уруул хавдах, Стивенс-Жонсоны хам шинж, амьсгалахад хүндрэлтэй болох шинж тэмдэг илэрч болно. 
  • Бусад- Хараа муудах, урт хугацаагаар хэрэглэхэд эмийн хамаарал, “Үгүйлэх” хам шинж үүсэх, айдас түгшүүр, артерийн даралт буурах, шөрмөс татах зэрэг шинж илэрч болно. 
  • Нойрсуулах, тайвшруулах, таталдаа бууруулах үйлдэл үзүүлнэ. Барбитуратууд нь төв мэдрэлийн системийн сонгомол бус дарангуйлагчид юм.
  • Фенобарбитал нь барбитуратын уламжлалын бусад эмүүдтэй харьцуулахад тархины хөдөлгөөний төвүүдийн сэрэх чанарыг хүчтэй бууруулах ба бага тунгаар судасны агчил, артерийн даралт ихсэх эхний үед сайн нөлөө үзүүлнэ.
  • Фенобарбитал нь ГАМК-н рецепторт нөлөөлж симпатик саадыг нэмэгдүүлдэг ба таталдалтын голомтын нейроны сэрэмтгий чанарыг бууруулж, таталдалтын тархалтыг бууруулдаг.
  • Фенобарбиталын нойрсуулах үйлдэл ууснаас хойш 1-1.5 цагийн дараа эхэлж, 6-8 цаг үргэлжилнэ.
  • Фенобарбитал эпилепсийн эсрэг сайн нөлөөлнө.
  • Уналт таталтын эсрэг үйлдэл нь симпатик мэдрэлийн Төв мэдрэлийн системд сэрэл дамжуулалтыг дарангуйлах процесстой холбоотой үүсдэг.
  • Фенобарбитал нь глюкуронилтрансфераза ферменттэй холбогдон цусны сийвэн дахь билирубиний хэмжээг бууруулна. 
  • Фенобарбиталын шимэгдэлт ууж хэрэглэх, шулуун гэдсээр, болон арьс салстаар зэрэг хэрэглэх арга замаас хамаарч харилцан адилгүй байна.
  • Давс хэлбэрээр хүчил хэлбэрээс илүү шимэгддэг. Цусны сийвэнгийн уурагтай 20-45% холбогдоно.
  • Ихэвчлэнэлгэнд CYP2C19 нөлөөгөөр метаболизмд ордог.
  • Хагас задралын хугацаа 53-118 цаг буюу дунджаар 79 цаг байна. 
  • Антибиотик ба сульфаниламидын бактерийн эсрэг идэвх, гризеофульвины мөөгөнцөрийн эсрэг үйлдлийг сулруулна.
  • Шууд бус үйлдэлтэй цусны бүлэгнэлтийн эсрэг бэлдмэлүүд, доксициклин, гризеофульвин, ГКС, эстрогений цусан дахь агууламжийг бууруулна.
  • Атропин, декстроз, тиамин, никотины хүчил, аналептик, сэтгэц сэргээх эмтэй нэг дор хэрэглэхэд нойрсуулах үйлдэл нь буурна.
  • Фенотоин ба вальпроат нь цусны сийвэн дэхь фенобарбиталын агууламжийг нэмэгдүүлдэг.
  • Таталдаа намдаах үйлчилгээ нь резерпин хэрэглэхэд буурч, диазепам, ниаламид, хлордиазепоксид, амитриптилин хэрэглэхэд нэмэгдэнэ.
  • Этанол болон төв мэдрэлийн системийг дарангуйлах бусад эмүүдтэй хамт хэрэглэхэд төв мэдрэлийн систем хэт дарангуйлагдаж болно.
  • Ацетазоламидтай хэрэглэхэд фенобарбиталын бөөрний эргэн шимэгдэлт буурдаг. 

Анхааруулга ба болгоомжлол

  • Хэрэглэгч та эмийг худалдан авахдаа дараах 3 зүйлийг шалгана уу! 
  • Тун хэмжээ, хүчинтэй хугацааг нь сайн харж авах 
  • Эмчийн бичсэн жортой эмийн тунг тулгаж харах 
  • Хүүхдэд хэрэглэх тунгаар олгож байгаа эсэхийг жор баригчаас лавлаж асуух. 

Бие султай эмчлүүлэгчдэд ердийн тунгаар ч хэрэглэхэд ой санамжаа алдах, сэтгэл гутралд орох, өмнө хэрэглэсэн эмийн үйлдэл өөрчлөгдөх өндөр эрсдэлтэй тул  болгоомжтой хэрэглэнэ үү. 

Эмийн хэлбэр, савлалт

  • Барбитал 5 мг  шахмал эмийг 10 ширхэгээр PVC/PTP блистерт савлаж,1 блистерийг зориулалтын хэвлэмэл хаяг бүхий хайрцагт хийж, хэрэглэх зааврыг хавсаргана. 

Хадгалах нөхцөл

  • Бэлдмэлийг 250С-аас дээшгүй хэмд гэрлээс хамгаалж,  хүүхэд хүрэхээргүй газар  хадгална. 

Хүчинтэй хугацаа

  • 3 жил
  • Хүчинтэй хугацаа дууссан бэлдмэлийг хэрэглэж болохгүй. 

Үйлдвэрлэгчийн хаяг

Сонсголонгийн гудамж- 32/2, Үйлдвэрийн баруун бүс-4, 

4-р хороо, Баянгол дүүрэг, Улаанбаатар-16103-0006, Монгол улс 

Утас: 77173117, 1800-1883, E-mail: pharma@monos.mn, Web: www.emonos.mn 

Бүтээгдэхүүнтэй холбоотой хэрэглэгчийн санал хүсэлтийг авах утасны дугаар: 94041883 

Шинээр нэмэгдсэн:

Засвартай байна...

Энэхүү платформ нь энгийн иргэдэд зориулагдаагүй зөвхөн анагаах ухааны салбарын мэргэжилтнүүдэд зориулагдсан болно. Дур мэдэн өөрийгөө эмчлэхийг хориглоно ! Дур мэдэн хийсэн үйлдлээс гарах үр дагаврыг бид хариуцахгүй.

Бид күүки буюу үйлдлийг бүртгэх технологи ашиглан тодорхой төрлийн мэдээллийг хадгалах ба энэ нь үйлчилгээг сайжруулах, түүнд дүн шинжилгээ хийх зорилготой юм. Таны мэдээлэл бусдад дамжуулагдахгүй.