Беуфлокс (Beuflox)

Беуфлокс

0.3% - 5 мл

Ципрофлоксацин – Ciprofloxacin

Incepta Pharmaceuticals Limited

Эмийн хэлбэр: Нүдний дусаалга, Чихний дусаалга

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Beuflox® нүд болон чихний уусмалыг түүнд мэдрэг доор дурьдсан нянгаар үүсгэгдсэн халдваруудын эмчилгээнд хэрэглэнэ. Үүнд:

Нүдний халдварууд
- Эвэрлэгийн шархлаа: Pseudomonas aeruginosa, Serratia marcescens, Staphylococcus aureus, Staphylococcus epidermidis, Streptococcus pneumoniae, Streptococcus(Viridan Group).
- Салстын үрэвсэл: Haemophilus influenzae, Staphylococcus aureus, Staphylococcus epidermidis, Streptococcus pneumoniae.
Чихний халдварууд
- Гадна чихний үрэвсэл, дунд чихний цочмог үрэвсэл, дунд чихний архаг бөглөрөлтөт үрэвсэл. Хөхлөгийн мэс засал зэрэг чихний мэс заслын халдвараас урьдчилан сэргийлэх зорилгоор тус тус хэрэглэнэ.

Ципрофлоксацин болон уг эмйин найрлаганд буй аль нэгэн бодисд хэт мэдрэгшсэн өвчтөнд хэрэглэхгүй.

Нүдний халдварууд
- Эвэрлэгийн шархлаа
  - Эмгэгтэй нүдэнд 2 дуслаар 15 минутын зайтайгаар 6 цагийн турш хэрэглээд цаашид эхний өдөрт 2 дуслаар 30 минутын зайтай дусаана. 2-р өдөрт нь 2 дуслаар цаг дутамд дусаана. 3-14 дахь хоногт 2 дуслаар 4 цагаар дусаана. Хэрвээ эвэрлэг нөхөн төлжихгүй байвал эмчилгээг 14 дээш хоног үргэлжлүүлнэ.
- Салстын үрэвсэл
  - Нянгийн гаралтай салстын үрэвслийн үед 2 дуслаар 2 цаг тутамд 2 өдрийн туршид дусааж хэрэглээд цаашид 1-2 дуслаар 4 цагийн зайтай 5 хоног хэрэглэнэ.
Чихний халдварууд
- Бүх төрлийн халдварын үед 2-3 дуслаар 2-3 цаг дутамд дусааж эхлээд цаашид эмчилгээний үр дүнг харгалзан тунг багасган давтамжийг цөөлөн хэрэглэнэ. Эмчилгээг 7 хоногоос багагүй хугацаагааар үргэлжлүүлнэ.

Хэсэг газар хорсох болон эвгүй оргих гаж урвал олонтоо тохиолддог болох нь бүртгэгдсэн.
Нүдний эвэрлэгийн шархлаатай хүмүүсд хийсэн судалгаагаар уг эмийг хэрэглэх үед цагаан өнгийн тунадас үүсэх шинж ойролцоогоор өвчтөний 17%-д нь тохиолдсон байна.
Өвчтөний 10%-аас цөөн хэсэгт нь тохиолдсон бусад гаж нөлөө гэвэл нүдний сормуусны орчим талст үүсэх, нүд торох, загатнах, салтс улайх болон эвгүй амт амтагдах зэрэг гаж нөлөө илэрч байжээ.
Мөн өвчтөний 1%-аас цөөн хэсэгт нь эвэрлэг чинэрэх, эвэрлэг үрэвсэх, харшлын урвал илрэх, зовхи хавагнах нулимас гоожих, эвэрлэгт нэвчидэс үүсэх, нүд гялбах, дотор муухайрах болон хараа бүүдийх зэрэг шинж тэмдэг илэрч байжээ.

Beuflox® нүд болон чихний дусал(Ципрофлоксацин гидрохлорид нүдний уусмал) нь нийлэг, ариун, олон удаа хэрэглэх тунтай, хэсэг газарт хэрэглэх зориулалттай нянгийн эсрэг үйлдэлтэй бэлдмэл болно.
Ципрофлоксацин нь фторхинолоны уламжлалын нянгийн эсрэг бэлдмэл бөгөөд нүдний эмгэг үүсгэгч Грам эерэг болон Грам сөрөг нянгийн эсрэг нөлөөлнө.
Тэр нь 1-cyclopropyl-6-fluoro1,4-dihydro-4-oxo-7-(1-piperazinyl)-3-quinolline-carboxyl-ийн хүчлийн моногидрохлорид моногидратын давс болно.
Тэрээр 385.8 молекул жинтэй цайвар шаргал нунтаг талст юм.  Түүний химийн томъёо: C17H18FN3O3HCL.H2O.

Ципрофлоксацинийг нүдэнд дусааж хэрэглэхэд бусад эмтэй өвөрмөгцөөр харилцан нөлөөлсөн тухай судалгааний мэдээлэлгүй байна.

Болгоомжлол

Нянгийн ижил бусад бэлдмэлүүдийн нэгэн адилаар ципроофлаксацинийг удаан хугацаагаар хэрэглэвэл мөөгөнцөртөх зэргээр мэдрэг бус нянгууд хэт үржиж болох юм. Хэрэв супер инфекци тохиолдвол тохирох эмчилгээ хийнэ. Ципрофлоксацинийг хэрэглэж байгаа үед арьсанд тууралт гарах буюу хэт мэдрэгшлийн урвалын ямар нэгэн эхний шинж тэмдэг илрэнгүүт л эмчилгээг зогсоох ёстой.

Жирэмсний категори С. Жирэмсэн эхэд тохиромжтой хэлбэрээр  сайтар хяналттайгаар хийгдсэн судалгаа байхгүй. Уг бэлдмэлийг урагт үзүүлэх сөрөг өртөмжөөсөө эхэд үзүүлэх ашигтай тал нь давуутай үед л сая хэрэглэж болно.
Хэсэг газар хэрэглэсэн ципроофлаксацин хүний хөхний сүүгээр ялгардаг эсэх нь тодорхойгүй байна. Иймээс хөхүүл эхэд Beuflox® нүд болон чихний дусал эмийг маш болгоомжтой хэрэглэх нь зүйтэй.