Доксон 100мг (Doxon 100mg)
Монос эмийн үйлдвэр
Эмийн хэлбэр
Капсул
Эмийн тун
100 мг
Жор бичих эмчийн ангилал
- B, C, D
А, В – ангиллын эмийг өрх, сум, тосгоны эрүүл мэндийн төв, клиникүүд,
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулагдсан.
Үндсэн үнэ: 520 төг
ЭМД хөнгөлөлт: 156 төг
Даатгуулагч төлөх үнэ: 364 төг
Хэрэглэх заалт
Бэлдмэлд мэдрэг бактериар үүсгэгдсэн дараах халдварын гаралтай үрэвсэлт өвчний эмчилгээнд хэрэглэнэ. Үүнд:
- Амьсгалын зам, чих хамар хоолойн халдвар (гуурсан хоолойн архаг үрэвслийн цочмог сэдрэл, хамрын ойролцоох дайвар хөндийн халдвар, хэнгэргэн хальсны үрэвсэл, микоплазм, риккетси, хламидаар үүсгэгдсэн уушигны зарим халдвар);
- Шээс бэлгийн замын халдвар (Chlamydia, Ureaplasma urealyticum-аар үүсгэгдсэн шээсний сүвний үрэвсэл, түрүү булчирхайн үрэвсэл, хүндрэлгүй заг хүйтэн, эм бэлэг эрхтэний халдвар, пенициллинд харшилтай өвчтөний тэмбүү, шээсний замын халдвар);
- Хоол боловсруулах зам (холер, Campylobacter, Yersinia ба Shigella-аар үүсгэгдсэн халдвар) ба цөсний замын халдвар;
- Арьсны өвчин (хүнд явцтай энгийн батга, улаан батга), Chlamidia-аар үүсгэгдсэн нүдний салст бүрхүүлийн үрэвсэл ба трахома;
- Borrelia-аар үүсгэгдсэн өвчин (архаг явцтай шилжимтгий улайрал ба Лаймын өвчин);
- Бруцеллёз, орнитоз, бартонеллез, листериоз, риккетсиоз, мелиоидоз, тарваган тахал, цавины granuloma зэрэг ховор тохиолдох халдвар;
- Бусад эмгэг (гэдэсний шимэгдэлт өөрчлөгдөх, Уиплийн өвчин зэрэг шимэгдэлтийн алдагдлын хам шинж, хоол боловсруулах явц хямарсантай холбоотой эмгэг);
- Мэс ажилбарын дараах идээт хүндрэлээс урьдчилан сэргийлэх зорилгоор тус тус хэрэглэнэ.
Эсрэг заалт
- Бэлдмэлийн найрлага дахь бодисуудад хэт мэдрэг хүмүүс;
- Мөөгөнцөрийн өвчний үед;
- Лактоз үл тэвчих, лактаза ферментийн дутагдлын үед;
- Элэгний хүнд хэлбэрийн дутагдлын үед;
- Лейкопенитэй өвчтөнд;
- Хөхүүл эх, жирэмсэн үед;
- 8 хүртэлх насны хүүхдэд хэрэглэхийг хориглоно.