Эманера 40мг (Emanera 40mg)
- B, C, D
А, В – ангиллын эмийг өрх, сум, тосгоны эрүүл мэндийн төв, клиникүүд,
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулагдсан.
Хэрэглэх заалт
- Эманера® агуулагдах идэвхтэй бодис – “протоны шахуурга дарангуйлагч” хэмээн нэрлэгдэх эмийн бүлэгт багтах эзомепразол магни дигидрат юм. Протоны шахуургыг дарангуйлснаар ходоодны хүчлийн ялгарал, агууламжийг бууруулна.
Эманера® гэдсэнд уусдаг бүрээсд бэлдмэлийг насанд хүрэгчидэд дараах заалтаар хэрэглэдэг.
- Ходоод улаан хоолойн сөөргөөт эмгэг
- Энэ нь ходоодны хүчил ходоодноос улаан хоолой руу (залгиураас ходоод хүртлэх хэсэг) эргэн орсоноор үрэвсэл, цээж хорсолтоор илэрдэг эмгэг.
- Helicobacter pylori шалтгаант ходоод, арван хоёр хуруу гэдэсний шархлаат эмгэг. Хэрэв та энэ төрлийн өвчинтэй бол эмч танд бактерийн эсрэг эмийн бэлдмэлүүдтэй хослуулан хэрэглэхийг зөвлөх болно.
- СБҮЭБ (стероид бус үрэвслийн эсрэг бэлдмэл) хэрэглээнээс үүдэлтэй ходоодны шархлаа
- Хэрэв та СБҮЭБ хэрэглэх бол Эманера® эмийг ходоодны шархнаас урьдчилан сэргийлэх зорилгоор хэрэглэж болно.
- Нойр булчирхайн өөрчлөлтөөс шалтгаалсан ходоодны хүчил ихэссэн (Золлингер-Эллисоны хам шинж)
- Ходоодны шархлаанаас цус алдалтын урт хугацааны эмчилгээний дараа дахилтаас сэргийлэх зорилгоор хэрэглэнэ.
12 болон түүнээс дээш насныханд:
- Ходоод улаан хоолойн сөөргөөт эмгэг
- Энэ нь ходоодны хүчил ходоодноос улаан хоолой руу (залгиураас ходоод хүртлэх хэсэг) эргэн орсноор үрэвсэл, цээж хорсолтоор илэрдэг эмгэг.
- Helicobacter pylori шалтгаант ходоод, арван хоёр хуруу гэдэсний шархлаат эмгэг. Хэрэв та энэ төрлийн өвчинтэй бол эмч танд бактерийн эсрэг эмийн бэлдмэлүүдтэй хослуулан хэрэглэхийг зөвлөх болно.
Эсрэг заалт
Эманера® хэрэглээг хориглоно:
- Хэрэв та эзомепразолд эсвэл бэлдмэлийн найрлага дах бусад нэгдэлд харшилтай бол (хэрэглэх зааврын 6-р хэсэгт жагсаасан),
- Хэрэв танд протоны шахуурга дарангуйлагч бусад (пантопразол, ланзопразол, рабепразол, омепразол) бэлдмэлийн хэрэглээнд харшил үүсдэг,
- Хэрэв та нелфинавир (ХДХВ-ийг эмчлэхэд ашигладаг) агуулсан бэлдмэл хэрэглэж буй бол.
- Дээрх зүйлс танд хамаатай бол Эманера® эмийг бүү хэрэглэ. Хэрэв та энэ талаар сайн мэдэхгүй бол энэ эмийг хэрэглэхээс өмнө эмчээс лавлана уу.
Тусгай заавар, урьдчилан сэргийлэх арга хэмжээ
- Эм уухын өмнө эмчид хандана уу:
- Хэрэв таны арьсан дээр ялангуяа нарны гэрэлд өртсөн хэсэг тууралт гарсан бол эмийн хэрэглээг зогсоон эмчид даруй мэдэгд. Бусад эмгэг нөхцөлүүдийн талаар жишээ нь үе мөчний өвдөлт үүсвэл заавал мэдээлэх ёстой.
Эманера® нь зарим өвчлөлийн шинж тэмдгийг бүдэгрүүлж болно. Тиймээс, хэрэв та эм уухаас өмнө эсвэл дор дурдсан шинж тэмдгүүдийн аль нэг нь байвал эмчид яаралтай мэдэгдээрэй:
- Тодорхой шалтгаанаар жин ихээр хасаж буй болон залгихад асуудалтай бол
- Таны ходоод өвддөг эсвэл хоол боловсруулалт алдагдсан
- Цустай бөөлжсөн
- Өтгөн хар өнгөтэй гардаг (цустай ялгадас).
- Хэрэв та Эманера® бэлдмэлийг ууж байгаа боловч өвчний шинж тэмдэг өөрчлөгдөхгүй эсвэл нэмэгдэж байвал эмчид мэдэгдэх нь зүйтэй.
Протоны шахуурга дарангуйлагчидийг, ялангуяа нэг жилээс дээш хугацаагаар хэрэглэх үед шилбэ, бугуй эсвэл нурууны хугарал үүсэх эрсдэл бага зэрэг нэмэгдэж болзошгүй юм. Хэрэв та ясны сийрэгжилттэй эсвэл кортикостероид ууж байгаа бол эмчид хандана уу (ясны сийрэгжилт үүсэх эрсдэл ихэснэ).