Ламолеп 50мг (Lamolep 50mg)

• Ламолеп нь эпилепсийн эсрэг бүлгийн бэлдмэлд ордог. Түүнийг эпилепси болон хоёр туйлт эмгэгийн эмчилгээнд хэрэглэдэг. 
• Ламолеп нь эпилепсийн үед төв мэдрэлийн тогтолцоонд эпилепсийн уналтын дохиог дарангуйлдаг. 
• • Эпилепсийн үед насанд хүрэгчдэд болон 13-аас дээш насны хүүхдэд ламолепийг дангаар эсвэл эпилепсийн бусад бүлгийн бэлдмэлтэй хамт хэрэглэнэ. Леннокс-Гасто хам шинжийн үед эпилепсийн бусад бүлгийн бэлдмэлтэй хамт хэрэглэнэ. 
  • 2 болон 12 хүртэлх насны хүүхдэд ламолепийг эпилепсийн бусад бүлгийн бэлдмэлтэй хамт хэрэглэнэ. Мөн хэв шинжид абсансийн үед ламолепийг дангаар хэрэглэнэ. 
• Ламолепийг хоёр туйлт эмгэгийн үед хэрэглэнэ. 
• Хоёр туйлт эмгэг (заримдаа үүнийг маникал депресс гэж нэрлэдэг)-ийн  үед  өвчтөний сэтгэл санааны огцом өөрчлөлт нь депресстэй (хэт гуниглах болон гансрах) ээлжлэн илэрдэг. 18  болон түүнээс дээш насны өсвөр үеийнхний хоёр туйлт эмгэгийн үед ламолепийг дангаар  эсвэл сэтгэл гутралын эсрэг бэлдмэлтэй хамт хэрэглэнэ. 
• Одоо хүртэл ламолепийн энэ үйлдэл нь төв мэдрэлийн тогтолцоонд яаж нөлөөлдөг тодорхойгүй. 

• Хэрэв та ламотриджин болон түүний найрлаганд орсон туслах бодист харшилтай бол ламолепийг хэрэглэхгүй (туслах бодисийн талаарх мэдээллийг 7 хэсгээс үзнэ үү). 

Ламолепийг дараах тохиолдолд болгоомжтой хэрэглэнэ. Үүнд: 

• Хэрэв та бөөрний эмгэгтэй бол
• Хэрэв та эпилепси болон хоёр туйлт эмгэгийг эмчлэх зорилгоор ламотриджин болон бусад таталдааны эсрэг бэлдмэлийг хэрэглэх явцад арьсанд туурал гарсан тохиолдолд 
• Ламотриджиныг хэрэглэх явцад менингит илэрсэн (зааврын 4-р хэсэгт бусад гаж нөлөө гэсэн хэсгээс харна уу) 
• Та одоо ламотриджин агуулсан бэлдмэлийг хэрэглэж байгаа тохиолдолд 

Дээр дурьдсан дөрвөн хэсэгт та хамаарагдаж байгаа, мөн өөртөө итгэлгүй байгаа бол эмчлэгч эмчид хандсанаар эмч таньд ламолепийн тохирох тунг зөвлөх болно.