Мелбек (Melbek)
7.5 мг
Мелоксикам – Meloxicam
Nobel Almaty Pharmaceutical Factory JSC
Эмийн хэлбэр: Бүрхүүлтэй шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 920

ЭМД хөнгөлөх хэмжээ: 276

Даатгуулагч төлөх дүн: 644

Эмчийн ангилал:

B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

  • Бэлдмэлийг хэрэх өвчний шинж тэмдгийн эмчилгээнд хэрэглэнэ
    • хэрэхийн гаралтай артрит
    • хөдөлгөөн нь хязгаарлагдсан үений спондилит (Бехтеревийн өвчин)
    • реактив артрит. 
  • Остеоартроз ба өвдөлтийн шинж бүхий үе болон нугалам нурууны бусад үрэвсэлт болон сөнөрөлт өвчин
  • Янз бүрийн шалтгаантай өвдөлтийн хам шинж (дорсалгии, миалгии, бурсит, тендинит, фасцит, ишиас, люмбаго, шүдний өвдөлт, гэмтлийн дараах өвдөлт, хагалгааны дараах өвдөлт)

Бэлдмэлийг дараах тохиолдолд хэрэглэхийг цээрлэнэ. 

  • Мелоксикам болон бэлдмэлийн найрлага дахь бүрэлдэхүүн хэсгүүдэд  хэт мэдрэг хүмүүс.
  • Ацетилсалицилын хүчил болон стероид бус үрэвслийн эсрэг бусад бэлдмэлийг хэрэглэсний улмаас үүссэн арьсны тууралт, судас мэдрэлийн хаван, нүдний салст бүрхүүлийн үрэвсэл, хамрын салстын уйланхай,  гуурсан хоолойн багтраа илэрч байсан өгүүлэмжтэй хүмүүс.
  • Ходоод ба 12 хуруу гэдэсний шархлааны хурцдалын үе
  • Ходоод гэдэсний цус алдалт, тархины судасны цус алдалт болон бусад цус алдамтгай  өвчин
  • Гэдэсний үрэвсэлт өвчний хурцдалын үе,  Кроны өвчин,  бүдүүн гэдэсний өвөрмөц бус шархлаат үрэвсэл
  • Гол судас-титэм судас холбох ажилбарын дараах өвдөлтийн хам шинж.
  • Зүрхний илэрхий дутагдал
  • Элэг болон бөөрний хүнд явцтай дутагдал
  • 18 хүртэл насны хүүхэд
  • Жирэмсэн болон хөхүүл үе
  • Шахмалыг хооллох үед усаар даруулж ууна.
  • Мелбек бэлдмэлийг зөвхөн насанд хүрэгсдэд болон 18-с дээш насны өсвөр үеийнхэнд хэрэглэж болно.
  • Остеоартроз
    • хоногт 7,5мг тунгаар хэрэглэх бөгөөд шаардлагатай үед тунг 15мг хүртэл нэмэгдүүлж болно. 
  • Хэрэхийн гаралтай артрит
    • хоногт 15мг тунгаар хэрэглэх бөгөөд  эмчилгээний үр дүнгээс хамаарч хоногийн тунг 7,5мг хүртэл багасгаж болно.
  • Хөдөлгөөн нь хязгаарлагдсан спондилит
    • хоногт 15мг тунгаар хэрэглэнэ.
  • Янз бүрийн шалтгаантай өвдөлтийн хам шинжийн үед: бэлдмэлийг хоногт 7,5мг-с эхэлж хэрэглэх ба шаардлагатай үед тунг 15мг хүртэл нэмэгдүүлж болно.
  • Хоногийн дээд тунг 15мг-с хэтрүүлэхгүй.
  • 18-аас дээш насны өсвөр үеийнхэнд 0,25мг/кг тунгаар хэрэглэхийг зөвлөнө.
  • Бөөрний хүнд явцтай дутагдалтай өвчтөнд гемодиализын үед тунг хоногт 7,5мг-с хэтрүүлэхгүй.
  • Эмчилгээний үргэлжлэх хугацааг эмчлэгч эмч хүн бүрт өвөрмөцөөр тохируулна.

Тун хэтэрсний улмаас илрэх нөлөө

  • Шинж тэмдэг
    • хоол боловсруулах үйл ажиллагаа хямрах, дотор муухайрах, бөөлжих,  хэвлийн өвдөлт зэрэг гаж нөлөө хүчжиж болно.
  • Эмчилгээ
    • ходоод угаах ба шинж тэмдгийн эмчилгээ хийх шаардлагатай.
    • Өвөрмөц антидот байдаггүй.
    • Мелоксикамын ялгаралтыг түргэсгэхийн тулд холестирамин хэрэглэж болно. Гемодиализ болон шээсний ялгаралтыг ихэсгэх нь үр дүнгүй. 
  • Хоол боловсруулах үйл ажиллагаа хямрах, хэхрэх, дотор муухайрах, бөөлжих, хэвлийн өвдөлт, өтгөн хатах, суулгах, гэдэс дүүрэх, улаан хоолойн үрэвсэл, амны хөндийн үрэвсэл, ходоодны үрэвсэл 
  • Хоол боловсруулах замын улайлтат-шархлаат эмгэг, хоол боловсруулах замын далд болон ил цус алдалт, бүдүүн гэдэсний үрэвсэл
  • Трансаминаз ферментийн идэвх, билирубины түвшин, элэгний үйл ажиллагааны бусад үзүүлэлт түр зуур өөрчлөгдөх, элэгний үрэвсэл.
  • Цус багадалт, лейкоцитын дүрст элементүүд өөрчлөгдөх, лейкоцит болон тромбоцитын тоо цөөрөх, ясны хэмийн үйл ажиллагаа дарангуйлагдах.
  • Гуурсан хоолойн агаар дамжуулах замын цочмог өөрчлөлт,  бронхын багтраа (өртөмтгий бүлэг өвчтөнд)
  • Толгой өвдөх, толгой эргэх, чих шуугих,  нүд харанхуйлах,  нойрмоглох,  ухаан балартах,  баримжаа алдагдах, сэтгэл санаа өөрчлөгдөх
  • Хаван,  артерийн даралт ихсэх,  зүрх дэлсэх, нүүр улайх.
  • Бөөрний үйл ажиллагааны үзүүлэлт өөрчлөгдөх (цусан дахь мочевин ба креатинин ихсэх), бөөрний цочмог дутагдал, нефрит.
  • Загатнаа, арьсны тууралт,  чонон хөрвөс,  гэрэлд мэдрэгших,  цэврүүт тууралт, олон хэлбэрийн улайрал, Стивенс-Джонсоны хам шинж, эпидермийн хордлогот үхжил, судас мэдрэлийн хаван,  түргэн хэлбэрийн харшлын урвал (ялангуяа анафилаксын ба анафилакс төст).
  • Нүдний салст бүрхүүлийн үрэвсэл, харааны өөрчлөлт (хараа бүрэлзэх)
  • Мелоксикам нь ЦОГ-2 ферментийг сонгомлоор хориглогч стероид бус үрэвслийн эсрэг эм. Тэрээр оксикамууд ангилалд хамаарах бөгөөд энолын хүчлийн уламжлал юм.
  • Үрэвслийн эсрэг, өвдөлт намдаах, халуун бууруулах үйлдэл үзүүлнэ.
  • Үйлдлийн механизм нь ЦОГ ферментийн идэвхийг саатуулсны үр дүнд простагландины нийлэгжилтийг  дарангуйлсантай холбоотой. Мелоксикам нь үрэвслийн голомт дахь простагландины нийлэгжилтэнд оролцдог ЦОГ-2 ферментэд их хэмжээгээр нөлөөлж хоол боловсруулах замын дээд хэсгээс илрэх гаж нөлөөний эрсдлийг багасгах ба  ЦОГ-1 ферментэд бага нөлөөлдөг байна. 
  • Бэлдмэлийг ууж хэрэглэхэд хоол боловсруулах замаар 89% шимэгдэнэ. Хооллох үед хэрэглэх нь мелоксикамын шимэгдэлтэнд нөлөөлдөггүй.
  • Мелоксикамын цусан дахь тогтмол концентраци нь 3-5 хоногийн хугацаанд тодорхойлогддог. Бэлдмэлийг удаан хугацаагаар (1 жилээс дээш) хэрэглэхэд хүрсэн түвшинтэй харьцуулахад түүний цусан дахь концентраци нь ихэсдэггүй.
  • Бэлдмэлийг хоногт 1 удаа хэрэглэх үед  концентрацийн хэлбэлзэл нь бага байх ба 7,5мг-р хэрэглэх үед 0,4-1,0мг/мл, 15мг-р хэрэглэх үед 0,8-2,0мг/мл тус тус байна.
  • Мелоксикамын 99% нь цусны сийвэнгийн уурагтай холбогддог.Тэрээр үений шингэнд нэвтрэх ба энд цусны сийвэнгийн концентрацийн 50% нь байна.
  • Мелоксикам бараг бүрэн метаболизмд орж идэвхгүй метаболит үүсгэдэг.
  • Мелоксикамын хагас ялгарлын хугацаа нь 20 цаг.
  • Бэлдмэлийн сийвэнгийн клиренс нь дунджаар 8мл/мин. Уг үзүүлэлт нь янз бүрийн өвчтөнүүдэд 30-40% өөрчлөгддөг.
  • Мелоксикамыг салицилат болон стероид бус үрэвслийн эсрэг бусад бэлдмэлтэй хамт хэрэглэвэл хоол боловсруулах замын улайлтат-шархлаат гэмтэл болон хоол боловсруулах замын цус алдалт үүсэх эрсдэл ихсэнэ.
  • Мелоксикамыг  цусны бүлэгнэлтийг саатуулагч эм, тиклопидин, гепарин, бүлэн хайлуулах бэлдмэлтэй хамт хэрэглэвэл цус алдах эрсдэл ихсэнэ.
  • Литий агуулсан бэлдмэлтэй хамт хэрэглэх үед мелоксикам нь цусан дахь литийн концентрацийг ихэсгэж болно.
  • Метотрексаттай хамт хэрэглэх үед цусан дахь бүх эсийн тоо цөөрөх эрсдэл ихсэнэ.
  • Мелоксикамыг шээс хөөх эмтэй хамт хэрэглэх үед бие махбодын усгүйжлийн шинж бүхий өвчтөнд бөөрний цочмог дутагдал үүсгэж болно. Усгүйжлийг нөхөх шаардлагатай бөгөөд бөөрний үйл ажиллагааг хянана.
  • Мелоксикам нь ангиотензин хувиргагч ферментийг саатуулагч эм, бета-адреноблокатор, судас өргөсгөгч эм, шээс хөөх эмийн цусны даралт бууруулах үйлдлийг нь сулруулна.
  • Холестирамин хоол боловсруулах замд мелоксикамтай холбогдох ба энэ үед түүний шимэгдэлт өөрчлөгддөг.
  • Циклоспоринтой хамт хэрэглэх үед бөөр хордуулах үйлдэл нь ихсэж болно. Учир нь мелоксикам бөөрөнд нийлэгждэг простагландинд нөлөөлдөг.
  • Стероид бус үрэвслийн эсрэг бусад эмтэй хамт хэрэглэх үед хоол боловсруулах замын улайлтат-шархлаат гэмтэл үүсэх эрсдэл нэмэгдэж болно.
  • Ууж хэрэглэдэг чихрийн шижингийн эсрэг бэлдмэлтэй харилцан үйлчлэлцэж болохыг үгүйсгэж болохгүй.
  • Стероид бус үрэвслийн эсрэг эмийг ангиотензин II-ын рецепторыг хориглогч эмтэй (түүнчлэн ангиотензин хувиргагч ферментийг саатуулагч эмтэй нэгэн адилаар) хамт хэрэглэхэд түүдгэнцрийн фильтрацийг багасгах үйлдэл ихсэж болно.
  • Бөөрний үйл ажиллагааны өөрчлөлттэй өвчтөнд бөөрний цочмог дутагдал үүсэж болно.
  • Бэлдмэл умайн дотор байрлуулдаг жирэмслэлтээс хамгаалах хэрэгслийн үйлдлийг багасгаж болно. 

Онцгой анхааруулга

  • Хоол боловсруулах замын дээд хэсгийн эмгэгтэй өвчтөн болон цусны бүлэгнэлтийг саатуулах эм хэрэглэж байгаа настай өвчтөн зэрэгт болгоомжтой хэрэглэнэ.
  • Хоол боловсруулах замын улайлтат-шархлаат эмгэг болон хоол боловсруулах замын цус алдалт үүсвэл бэлдмэлийг зогсооно.
  • Бөөрний цусны урсгал багассан өвчтөн болон эргэлдэх цусны хэмжээ багассан өвчтөнд бэлдмэлийг хэрэглэх үед эмнэл зүйн илрэл бүхий бөөрний дутагдал үүсэж болох ба энэ нь бэлдмэлийг зогсоох үед арилдаг.
  • Уг хүндрэл үүсэх эрсдэлд  усгүйжлын шинж бүхий өвчтөн, зүрхний зогсонгишилт дутагдал, элэгний хатуурал, нефроз хам шинж, бөөрний өвчин, шээс хөөх эм хэрэглэх, том хэмжээний хагалгааны дараа гиповолемид орсон өвчтөн илүү өртөмхий байна.
  • Бэлдмэлийн эмчилгээг эхлэхээс өмнө эдгээр өвчтөний хоногт ялгарах шээсний хэмжээ болон бөөрний үйл ажиллагааг сайтар шалгана. Бэлдмэл ховор тохиолдолд бөөрний завсрын эдийн үрэвсэл, гломерулонефрит, бөөрний медуляр үхжил, нефроз хам шинж үүсгэж болно.
  • Гемодиализ-д байгаа бөөрний дутагдалтай өвчтөнд хэрэглэх мелоксикамын тунг 7,5мг-с хэтрүүлж болохгүй.
  • Бөөрний үйл ажиллагааны хөнгөн болон дунд зэргийн багасалтын (креатинины клиренс 25мл/мин-с их) үед бэлдмэлийн тунг зохицуулах шаардлагагүй.
  • Стероид бус бүтэцтэй үрэвслийн эсрэг бусад эмийн бэлдмэлийг хэрэглэхтэй нэгэн адилаар трансаминазын идэвх болон элэгний үйл ажиллагааны бусад үзүүлэлт ихсэж болох ба эдгээр өөрчлөлт нь хөнгөн явцтай илрэх ба түр зуурын шинжтэй байна. Хэрэв эдгээр үзүүлэлтүүд удаан хугацаагаар илэрхий ихэсвэл бэлдмэлийг зогсооно.
  • Ацетилсалицилын хүчил болон стероид бус бүтэцтэй үрэвслийн эсрэг бусад бэлдмэлийг хэрэглэсний дараа бронхын багтраа, хамрын салст бүрхүүлийн уйланхай, судас мэдрэлийн хаван,  чонон хөрвөс илэрч байсан өгүүлэмжтэй өвчтөнд бэлдмэлийг хэрэглэхгүй.
  • Стероид бус үрэвслийн эсрэг эмийг хэрэглэх үед эксфолиатив дерматит, Стивенс-Джонсоны хам шинж, эпидермийн хордлогот үхжил зэрэг хүнд явцтай арьсны урвал ховор тохиолдолд илэрсэн талаар мэдээлэгдсэн. Дээр дурьдсан урвал илрэх эрсдэлтэй өвчтөнд эмчилгээний эхний сарын хугацаанд арьс болон салст бүрхүүлийн зүгээс гаж нөлөө ажиглагддаг.
  • Арьсны тууралт болон салстын гэмтлийн шинж илэрвэл бэлдмэлийг хэрэглэхээ яаралтай зогсооно.
  • Сульдсан болон туйлдсан өвчтөнд гаж нөлөө хүнд явцтай илэрч болох ба ийм өвчтөнг стероид бус үрэвслийн эсрэг бусад бэлдмэлийг хэрэглэхтэй нэгэн адилаар сайтар ажиглах шаардлагатай.
  • Мелоксикамыг хэрэглэх үед ЦОГ буюу простагландины нийлэгжилтийг дарангуйлдаг бусад бэлдмэлийн нэгэн адилаар үр тогтох чадварыг өөрчилж болно. Иймээс жирэмслэхээр төлөвлөж буй эмэгтэйд хэрэглэхийг зөвлөхгүй. Үүнтэй холбоотойгоор үр тогтоох чадварын өөрчлөлттэй буюу эсвэл уг шалтгааны улмаас шинжилгээ хийлгэж байгаа өвчтөнд бэлдмэлийг зогсооход анхаарлаа хандуулах хэрэгтэй.
  • Төрөлхийн галактоз зохидоггүй өвчтөн, Lapp лактазын дутагдал буюу эсвэл глюкоз-галактозын шимэгдэлтийн алдагдлын хам шинжтэй өвчтөнд уг бэлдмэлийг хэрэглэхийг хориглоно. 

Жолоо барих болон машин механизмтай ажиллах чадварт үзүүлэх нөлөө

  • Бэлдмэлийн анхаарал төвлөрүүлэлт болон  түргэн урвалд нөлөөлөх үйлдлийг тогтоох судалгаа хийгдээгүй.
  • Гэвч толгой эргэх, нүд харанхуйлах зэрэг гаж нөлөө үүсэх үед жолоо барих болон анхаарал төвлөрүүлэлт шаардлагатай бусад үйл ажиллагаа явуулахаас зайлсхийхийг зөвлөнө. 
  • Жирэмсэн болон хөхүүл үед хэрэглэхгүй

Найрлага

  • 1 шахмалд
    • Үйлчлэгч бодис: 7,5мг мелоксикам
    • Туслах бодис: усгүй лактоз, кросповидон, повидон (ПВП К30), бичил талст целлюлоза РН 102, натрийн цитрат, коллоид кремнийн хоёрч исэл (Аэросил 200), магнийн стеарат. 

Дүрслэл

  • Дугуй хэлбэртэй, цайвар шар өнгөтэй, нэг талдаа хэрчлээс бүхий шахмал. 

Эмийн эмчилгээний бүлэг 

  • Стероид бус үрэвслийн эсрэг эм: Оксикамууд
  • АТХ код: М01АС06

Эмийн хэлбэр, савлалт

  • Бэлдмэлийг 10 шахмалаар хөнгөн цагаан фольги ба поливинилхлоридын хальснаас тогтсон тусгай үүр бүхий савлалтанд савлана.
  • 1 ба 3 савлалтыг эм хэрэглэх зааврын хамт цаасан хайрцагт савлан гаргана. 

Хадгалалт

  • 25°С-аас доош хэмийн хуурай газар гэрлээс хамгаалж хадгална.
  • Хүүхэд үзэж хүрэхээргүй газар хадгална. 

Хадгалах хугацаа

  • 4 жил.
  • Хүчинтэй хугацаа дууссанаас хойш хэрэглэхгүй. 

Шинээр нэмэгдсэн:

Засвартай байна...

Энэхүү платформ нь энгийн иргэдэд зориулагдаагүй зөвхөн анагаах ухааны салбарын мэргэжилтнүүдэд зориулагдсан болно. Дур мэдэн өөрийгөө эмчлэхийг хориглоно ! Дур мэдэн хийсэн үйлдлээс гарах үр дагаврыг бид хариуцахгүй.

Бид күүки буюу үйлдлийг бүртгэх технологи ашиглан тодорхой төрлийн мэдээллийг хадгалах ба энэ нь үйлчилгээг сайжруулах, түүнд дүн шинжилгээ хийх зорилготой юм. Таны мэдээлэл бусдад дамжуулагдахгүй.