Нобивент (Nobivent)

2.5 мг - 2.5 мл

Сальбутамол – Salbutamol

Ahlcon parenterals Ltd

Эмийн хэлбэр: Уусмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Сальбутамол сульфатыг гуурсан хоолойн хурц багтраа болон гуурсан хоолойн архаг агчилтат өвчинд ердийн эмчилгээ үр дүн өгөхгүй байгаа тохиолдолд тогтсон дэглэмээр хэрэглэнэ.
Эмнэлзүйн практикт ихэвчилэн гуурсан хоолойн багтраа өвчний үед хэрэглэдэг. Энэ нь магадгүй сэдрэлийн үеийн шинж тэмдэг намдаах, хүнд хэлбэрийн гуурсан хоолойн хурц багтраа өвчний үед яаралтай арга хэмжээ авах эмчилгээ, гуурсан хоолойн багтраа өвчний удаан хугацааны архаг эмчилгээ хийхэд тохиромжтой байдагтай холбоотой.

Сальбутамол сульфат болон уг бэлдмэлийн найрлагад байгаа аль нэг бодист хэт мэдрэг гэсэн асуумжтэй өвчтөнгүүдэд хэрэглэж болохгүй.

Насанд хүрэгсэд болон хүүхэд

Сальбутамолын эмчилгээг эхлэх тохиромжтой тун 2.5 мг (нэг ампул) аэрозолоор хэрэглэх ба тунг 5 мг хүртэл нэмэгдүүлж болно.
Небулайзер эмчилгээг өдөрт дөрвөн удаа давтаж болно. Харин аэрозолоор хэрэглэж байгаа бол нүүрний “Т” хэлбэрийн маскаар хэрэглэнэ.
Зориулалтын сальбутамол сульфатыг 2.5 мг бэлдмэлийг шингэлэхгүй хэрэглэнэ.
Удаан хугацаагаар болон давтамжаар хэрэглэх шаардлагатай бол (10 удаа болон түүнээс дээш) ердийн давсны уусмал болон ариутгасан тарилгын усаар шингэлж болно.

Тунг хэтэрсэн үеийн шинж тэмдэг ба түүнд тохирох эмчилгээ

Голдуу сальбутамол сульфатын тунг хэтрүүлсэн тохиолдолд антидотоор нь зүрхэнд сонгомол нөлөөлөлтэй бетта-блокатор эмүүдийг хэрэглэх ба бетта-блокаторуудыг гуурсан хоолойн агчилт өгч байсан асуумжтай өвчтөнгүүдэд болгоомжтой хэрэглэнэ.

Сальбутамолын тунг өндөр хэмжээгээр хэтрүүлсэн тохиолдолд өвчтөний зүрхний хэм ихсэж болно. Энэ нь тийм ч түүгээмэл тохиолддоггүй тул зүрхний цахилгаан бичлэгт ямар нэгэн өөрчлөлт илрэхгүй байж болно.
Сальбутамолыг утлагын аппаратаар утаж маш өндөр тунгаар хэрэглэсэн тохиолдолд бусад гаж нөлөө болох захын судас өргөсөх, араг ясны булчин татвалзах гаж нөлөө илэрч болно.

Сальбутамол нь сонгомол бетта2-адренорецепторын агонист.
Эмчилгээний тунгаараа гуурсан хоолойн булчинд байрлах бетта2-адренорецепторт нөлөөлж гуурсан хоолойг тэлдэг.
Үйлдэл нь богино хугацаанд илэрдэг (5 минутын дотор) тул ялангуяа гуурсан хоолойн сэдрэлээс сэргийлэх болон сэдрэлийг намжаах зорилгоор хэрэглэхэд тохиромжтой.
Сальбутамолын үйлдэлийн үргэлжлэх хугацаа ихэнх өвчтөнд 4-6 цаг байдаг.

Сальбутамол сульфатыг утаж хэрэглэсний дараа гуурсан хоолойн гөлгөр булчинд нөлөөлөх бөгөөд эхэндээ уг эмийн цусанд концетраци нь тодорхойлогддоггүй. 2-3 цагийн дараа бага зэрэг концентраци бий болсон байх бөгөөд энэ нь нийт хэрэглэсэн тунгийн бага зэрэг нь залгигдаж нарийн гэдсэнд шимэгдсэнтэй холбоотой.
Утлагын аппаратаар утаж хэрэглэх үед хагас задралын хугацаа 2.5 ба 5 цагийн хооронд хэлбэлздэг. Сальбутамол сульфат нь уушгинд хувиралд орохгүй бөгөөд элгэнд 4’-0-сульфат эфир болж хувирдаг. Сальбутамол сульфат нь шээстэй хамт чөлөөт болон метаболит хэлбэрээрээ гадагшилдаг. Утаж хэрэглэсний дараа нийт тунгийн 58-78% нь 24 цагийн дотор шээстэй хамт гадагшлах бөгөөд ойролцоогоор 60% нь метаболит хэлбэрээр ялгарч, багахан хэсэг нь өтгөнтэй хамт гадагшилна.

Бусад богино хугацаат үйлдэлтэй гуурсан хоолойн тэлэгч симпатомиметик аэрозолууд болон эпинефринтэй сальбутамол сульфатыг хамт хэрэглэж болохгүй.
Хэрэв амьсгалын замаар өөр нэмэлт эм хэрэглэх шаардлага гарвал зүрх судасны системд үзүүлэх сөрөг нөлөөллөөс зайлсхийх хэрэгтэй.

Сальбутамол сульфатын 2.5мг небулайзераар хэрэглэх буюу эмчийн заавраар, түүний хяналтанд хэрэглэнэ.
Уг уусмалыг тарих болон ууж хэрэглэж болохгүй. Өвчтөний гэрээр сальбутамол сульфат 2.5мг эмчилгээ хийж байгаа бол өвчний шинж тэмдэгийн намдалт болон үйлдлийн үргэлжлэх хугацаа буурдаг тул тунг нэмэгдүүлэх ба эмчилгээний давтамжийг нэмэгдүүлэх шаардлагтай байдаг тул нарийн мэргэжлийн эмчийн зөвлөгөөг сайн өгч эмчилгээг хийнэ.