Opiclam 150 mg - ErdeMED

Опиклам 150 мг

150 мг

Клиндамицин – Clindamycin

PT. Otto Pharmaceutical Industries

Эмийн хэлбэр: Шахмал, Капсул

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 650

ЭМД хөнгөлөх хэмжээ: 195

Даатгуулагч төлөх дүн: 455

Эмчийн ангилал:

C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Клиндамициныг  хүндэрсэн халдварын эмчилгээнд хэрэглэнэ. Агаартан ба агааргүйтэн грам эерэг бактериаар үүсгэгдсэн клиндамицинд мэдрэг тухайлбал  Streptococcus, Pneumococcus,  Staphylococcus-аар үүссэн халдварт хэрэглэнэ. Үүнд :

Амьсгалын замын халдвар
- эмпием
- хатгалгаа
- уушигны буглаа
- агааргүйтэн бактериаар үүсгэгдсэн хатгалгаа
Арьс болон арьсны эдийн халдварууд
Хэвлийн хөндийн халдварууд
- перитонит
- хэвлийн хөндийн буглаа
Эмэгтэйчүүдийн халдварууд
- эндометрит
- бага аарцгийн хөндийн халдварууд
- мэс заслын дараах үтрээний халдварууд
Яс болон зөөлөн эдийн халдварууд

Клиндамицинд хэт мэдрэг хүнд хэрэглэхгүй.

Насанд хүрэгсэд

Хүндэрсэн халдварын үед : 150 – 300 мг/6 цагаар,
Хүнд халдварын үед 300 – 450мг/6 цагаар ууна.

Хүүхдэд

Өдрийн тунг 3-6мг/кг биеийн жинд тооцон өдрийн тунг дөрөв хувааж уулгана.

Капсулыг залгиж хангалттай хэмжээний усаар даруулж ууна.

Цус задлагч стрептококкоор үүссэн халдварын үед эмчилгээг  10 хоногоос доошгүй үргэлжлүүлнэ. Хэрэв суулгах гаж нөлөө илэрвэл эмчилгээг яаралтай зогсооно.

Тунгийн хэтрүүлэлт

Өвөрмөц эмчилгээ байхгүй
Хэрвээ клиндамицинээр эмчлэх явцад харшлын урвал илэрвэл яаралтай кортикостероид, антигистамин, эпинефринээр эмчилгээг хийнэ

Ходоод гэдэсний талаас
- дотор муухайрах
- бөөлжих
- суулгах
- псевдомембраноз колит
- хэвлий өвдөх
Хэт мэдрэгшил
- Загатнаа
- тууралт гарах
- гүвдрүүт тууралт гарах
- Стивен жонсоны хам шинж
- анафлаксийн шок
Элэгний үйл ажиллагаа муудах, арьс шарлах
Бөөрний үйл ажиллагааны алдагдал, цусанд азот ихсэх, шээсэнд уураг илрэх болон илрэхгүйгээр шээс ховордох
Цусны шинжилгээнд өөрчлөлт орох
Ховор тохиолдолд полиартрит, уушиг зүрхний үйл ажиллагаа удаашрах, артерийн даралт багасах шинж илэрсэн.

Клиндамицин нь линкозамидын бүлэгт антибиотик бөгөөд бактериостатик үйлдэлтэй, грам эерэг агаартан ба агааргүйтэн бактерид нөлөөлдөг. Бактерийн уургийн рибосомын 50S түвшингийн  нийлэгжлийг дарангуйлдаг.

Клиндамицин ба эритромицин нь хоорондоо антагонист шинжтэй тул хамт хэрэглэхгүй.
Клиндамицинийг мэдрэл булчин саатуулах эмтэй хамт хэрэглэхэд мэдрэл булчин саатуулах эмийн үйлдэл ихэсдэг байна. Клиндамицинийг мэдрэл булчин саатуулах эмтэй хэрэглэх үед үйлдэл нь уртасч болохыг анхаарах хэрэгтэй.

Клиндамицинийг хоол боловсруулах эрхтний өвчний түүхтэй, бүдүүн гэдэсний үрэвсэлтэй өвчтөнд болгоомжтой хэрэглэнэ.
Клиндамицинийг хүнд хэлбэрийн бөөр ба элэгний дутмагшилтай  өвчтөнд болгоомжтой хэрэглэх ба  өндөр тунгаар хэрэглэх болвол цусан дахь клиндамициний концентрацийг хянах шаардлагатай.
Өндөр настангуудаад суулгалт илэрч болзошгүй тул клиндамицинийг болгоомжтой хэрэглэж (өтгөний хэмжээ өөрчлөгдөх) ба хянах шаардлагатай.
Клиндамицинийг атопик хэлбэрийн харшилтай хүнд болгоомжтой хэрэглэх
Клиндамицинийг хэрэглэхэд хэвийн микроорганизм буурч бусад халдварын микроорганизм ихсэх шалтгаан үүсч болно.
Клиндамицинаар удаан хугацаагаар эмчилгээ хийх бол элэг ба бөөрний үйл ажиллагааны шинжилгээ хийлгэж мөн цусны эсийг тодорхой хугацаанд тогтмол тоолж байх шаардлагатай.
Клиндамицин нь төв мэдрэлийн систем рүү хангалттай хүрч чаддагүй тул ТМС-ын халдварын үеийн эмчилгээнд хэрэглэхгүй.
Клиндамицин нь хөхний сүүгээр ялгарна. Иймээс  хөхөөр хооллодог нярайд клиндамициний гаж нөлөө хүчтэй илрэх эрсдэлтэй. Иймээс хөхөөр хооллохгүй байх эсвэл эм хэрэглэхээ зогсоох шаардлагатай. Хэрвээ клиндамицинийг дөнгөж төрсөн нярайд хэрэглэх бол эрхтэн системийн үйл ажиллагааг хянах шаардлагатай.