Пирален 10мг (Piralen 10 mg)

Пирален 10 мг

10 мг

Метоклопрамид – Metoclopramide

PT. Otto Pharmaceutical Industries

Эмийн хэлбэр: Шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Ходоод саажих болон гэдэсний түгжрэл (ileus) зэрэг ходоод гэдэсний хөдөлгөөн багассан эмгэг
Ходоод улаан хоолойн сөөргөөт өвчин ба хоол боловсруулах үйл ажиллагааны хямрал
Ходоод гэдэсний замын бусад эмгэг, мигрень, мэс заслын дараах болон хавдрын эмчилгээтэй тус тус холбоотой  дотор муухайрах ба бөөлжих  эмгэгийн үед хэрэглэнэ.
Мөн рентген тодосгогч бодисын шинжилгээний үед ходоодны хоосрох үйл явцыг идэвхжүүлэх, нарийн гэдсэнд интубаци тавих үйл ажиллагааг хөнгөвчлөх болон аспирацийн хам шинж зэргийн үед хэрэглэнэ

Пирален бэлдмэлийг дараах тохиолдолд хэрэглэхийг цээрлэнэ.

Метоклопрамид болон түүний бүрэлдэхүүн хэсгүүдэд хэт мэдрэг хүмүүс
Феохромоцитомтой өвчтөн
Ходоод гэдэсний замын цус алдалт, түгжрэл, цооролт, мэс заслын дараа шууд хэрэглэхийг тус тус цээрлэнэ.

Пираленыг хэрэглэх үед экстрапирамид системийн шинж илэрч болно.
Паркинсонизм болон хожуу үеийн хөдөлгөөний өөрчлөлт зэрэг шинж хааяа ихэвчлэн өндөр настай өвчтөнд удаан хугацаагаар хэрэглэх үед үүсч болно. Мөн тайван бус болох, нойрмоглох, суулгах зэрэг бусад гаж нөлөө илэрч болно.
Цусны даралт буурах болон ихсэх, толгой эргэх, толгой өвдөх, сэтгэлээр унах зэрэг шинж тохиолдож болно.
Пирален нь пролактины ялгаралтыг идэвхижүүлэх нөлөө үзүүлснээр хөхнөөс сүү ялгарах болон түүнтэй хамааралтай эмгэг үүсч болно.

Метоклопрамидын гидрохлорид нь бензамид нь халагдсан прокинетик болон бөөлжилтийн эсрэг бэлдмэл.
Бэлдмэл нь ходоод, цөс, нойр булчирхайн шүүрэлд нөлөөлөхгүйгээр ходоод гэдэсний дээд замын хөдөлгөөний идэвхжүүлэх ба ходоодны гүрвэлзэх хөдөлгөөнийг ихэсгэн ходоодны хоосрох үйл ажиллагааг хурдасгадаг. Мөн 12 хуруу гэдэсний гүрвэлзэх хөдөлгөөнийг ихэсгэж нарийн гэдсээр дамжин өнгөрөх хугацааг багасгадаг.
Ходоод улаан хоолойн хуниасны тонусыг ихэсгэх болон ходоодны амсарын хуниасыг сулруулна.
Метоклопрамидын гидрохлорид нь парасимпатомиметик үйлдэлтэй ба zona trigger-ын хеморецепторт шууд нөлөөлснөөр дофамины рецепторт хориглодог. Мөн серотонины (5-HT3) рецепторыг саатуулдаг.

Хүүхэд болон өндөр настанд экстрапирамид системийн урвал үүсэх эрсдэл ихэсдэг учир  болгоомжтой хэрэглэнэ.
Пирален бэлдмэлийг бөөрний үйл ажиллагааны өөрчлөлтэй, эпилепси, Паркинсоны өвчин болон сэтгэл гутралын өвчний өгүүлэмжтэй өвчтөнүүдэд болгоомжтой хэрэглэнэ.
Пирален бэлдмэл нь өвчтөнд нойрмоглох болон эмгэг урвал үүсгэж болзошгүй учир жолоо барих болон машин механизмтай ажиллах үед хэрэглэж болохгүй.
Эмнэл зүйн ач холбогдол бүхий элэгний үйл ажиллагааны өөрчлөлттэй  өвчтөн, дунд зэргийн болон хүнд явцтай бөөрний үйл ажиллагааны өөрчлөлттэй өвчтөнүүдэд пирален бэлдмэлийн тунг багасгах хэрэгтэй.