Эмнэл зүйн судалгааны явцад ажиглагдсан гаж нөлөө
- Клопидогрелын аюулгүй байдлын судалгааг 44000-с олон өвчтөнд явуулсан бөгөөд ялангуяа 12000-с олон өвчтөн нь жил болон жилээс удаан хугацаагаар эмчилгээ хийлгэсэн өвчтөн байсан.
- CARPIE судалгаагаар клопидогрелыг хоногт 75мг тунгаар хэрэглэхэд түүний зохимж нь ерөнхийдөө ацетилсалицилын хүчлийг хоногт 325мг тунгаар хэрэглэх үеийн зохимжтой тохирч байсан ба өвчтөний нас, хүйс, арьс өнгөөс хамаарахгүй байжээ.
- Дор дурьдсан эмнэлзүйн ач холбогдол бүхий гаж нөлөө нь 4 том хэмжээний эмнэлзүйн судалгааны (CARPIE, CURE, CLARITY, COMMIT) явцад ажиглагдсан болно.
Цус алдалт, цус харвалт
- Клопидогрел ба ацетилсалицилын хүчлийн дан эмчилгээг харьцуулахад
- CARPIE эмнэлзүйн судалгаагаар:
- Клопидогрел ба ацетилсалицилын хүчлийг хэрэглэсэн өвчтөний цус алдалтын нийт бүх давтамж 9,3% байв. Хүнд явцтай цус алдалтын давтамж клопидогрелыг хэрэглэх үед 1,4%, ацетилсалицилын хүчлийг хэрэглэх үед 1,6% тус тус байсан байна.
- Хоол боловсруулах замын цус алдалт клопидогрел хэрэглэсэн өвчтөнд 2,0% (0,7%-д нь эмнэлэгт хэвтэх шаардлага гарсан), ацетилсалицилын хүчил хэрэглэсэн өвчтөнд 2,7% (1,1%-д нь эмнэлэгт хэвтэх шаардлага гарсан) тус тус тохиолдсон байна.
- Бусад цус алдалтын давтамж клопидогрел хэрэглэсэн өвчтөнд ацетилсалицилын хүчил хэрэглэсэн өвчтөнөөс илүү (7,3%-ын эсрэг 6,5%) байсан. Гэхдээ хүнд явцтай цус алдалтын давтамж дээрх 2 бүлэгт адил (0,6%-ын эсрэг 0,4%) адил байжээ. Уг 2 бүлгийн аль алинд нь арьсанд цус харвах, арьс хөхрөх, хамраас цус алдах шинж олонтаа ажиглагдсан. Харин цус хурах, цустай шээх, нүдэнд цус харвах (гол нь нүдний салст) зэрэг шинж ховор тохиолдсон.
- Тархины цус харвалтын давтамж клопидогрел хэрэглэсэн өвчтөнд 0,4%, ацетилсалицилын хүчил хэрэглэсэн өвчтөнд 0,5% илэрсэн байна.
- Клопидогрел+ацетилсалицилын хүчлийн хавсарсан эмчилгээг плацебо+ацетилсалицилын хүчлийн эмчилгээтэй харьцуулахад
- CURE эмнэлзүйн судалгаагаар клопидогрелыг ацетилсалицилын хүчилтэй хамт хэрэглэсэн бүлгийг плацебо-г ацетилсалицилын хүчилтэй хамт хэрэглэсэн бүлэгтэй харьцуулж судлахад том хэмжээний цус алдалт үүсэх давтамж (3,7% ба 2,7%) болон бага хэмжээний цус алдалт илрэх давтамж (5,1% ба 2,4%) ихэссэн байна. Том хэмжээний цус алдалт илрэх үндсэн эх үүсвэр нь хоол боловсруулах зам ба артерийн судсанд хатгалт хийсэн хэсэг юм.
- Клопидогрелыг ацетилсалицилын хүчилтэй хамт хэрэглэсэн бүлгийг плацебо-г ацетилсалицилын хүчилтэй хамт хэрэглэсэн бүлэгтэй харьцуулж судлахад амь насанд аюултай цус алдалтын давтамж (2,2% ба 1,8%) болон нас баралтаар төгсөх цус алдалтын давтамж (0,2% ба 0,2%) үнэн магадтайгаар ялгаагүй байсан байна.
- Клопидогрелыг ацетилсалицилын хүчилтэй хамт хэрэглэсэн өвчтөнд амь насанд аюулгүй том хэмжээний цус алдалт үүсэх давтамж плацебо-г ацетилсалицилын хүчилтэй хамт хэрэглэсэн бүлэгтэй харьцуулахад үнэн магадтайгаар ихэссэн (1,6% ба 1%) ба харин тархин доторх цус харвалтын давтамж адил (2 бүлэгт 0.1%) байсан байна.
- Клопидогрелыг ацетилсалицилын хүчилтэй хамт хэрэглэсэн үеийн том хэмжээний цус алдалтын давтамж ацетилсалицилын хүчлийн тунгаас хамаарсан (< 100мг – 2,6%; 100-200мг – 3,5%, >200мг – 4,9%) ба плацебо-г ацетилсалицилын хүчилтэй хамт хэрэглэсэн үеийн давтамжтай төстэй (< 100мг – 2,0%; 100-200мг – 2,3%, >200мг – 4,0%) байсан.
- Гол ба титэм судсыг холбох мэс ажилбар хийлгэхээс 5-с олон өдрийн өмнө бэлдмэлийг хэрэглэхээ зогсоосон өвчтөнд уг ажилбарыг хийснээс хойш 7 хоногийн хугацаанд том хэмжээний цус алдалт илэрсэн тохиолдол ихсээгүй (клопидогрелыг ацетилсалицилын хүчилтэй хамт хэрэглэсэн бүлэг 4,4% ба плацебо-г ацетилсалицилын хүчилтэй хамт хэрэглэсэн бүлэг 5,3%) байна.
- Гол ба титэм судас холбох ажилбар хийхийн өмнөх сүүлийн 5 өдөр тромбоцитын агрегацийг дарангуйлах эмчилгээг зогсоолгүй үлдээсэн өвчтөнд дээрх эрсдэлийн давтамж ажилбарын дараа 9,6% (клопидогрелыг ацетилсалицилын хүчилтэй хамт хэрэглэсэн үед) ба 6,3% (ацетилсалицилын хүчлийг плацебо-той хэрэглэсэн үед) байсан байна.
- CLARITY эмнэлзүйн судалгаагаар том хэмжээний цус алдалт (тархины цус харвалт буюу эсвэл гемоглобин >5г/дл багасалт бүхий цус алдалт) 2 бүлэгт адил (клопидогрелыг ацетилсалицилын хүчилтэй хамт хэрэглэсэн үед 1,3%, плацебо-г ацетилсалицилын хүчилтэй хамт хэрэглэсэн үед 1,1%) болох нь тогтоогдсон. Энэ нь 2 бүлэгт фибрин хайлуулах буюу гепарин эмчилгээний төрлөөс хамаарахгүй адил байсан.
- Үхэлд хүргэх цус алдалт (клопидогрелыг ацетилсалицилын хүчилтэй хамт хэрэглэсэн үед 0.8%, плацебо-г ацетилсалицилын хүчилтэй хамт хэрэглэсэн үед 0.6%) болон тархины цус харвалтын давтамж (клопидогрелыг ацетилсалицилын хүчилтэй хамт хэрэглэсэн үед 0.5%, плацебо-г ацетилсалицилын хүчилтэй хамт хэрэглэсэн үед 0.7%) дээрх 2 бүлэгт бага бөгөөд ялгаагүй байсан байна.
- COMMIT эмнэл зүйн судалгаагаар тархины ба тархины бус том хэмжээний цус алдалтын нийт давтамж клопидогрелыг ацетилсалицилын хүчилтэй хамт хэрэглэсэн болон плацебо-г ацетилсалицилын хүчилтэй хамт хэрэглэсэн бүлгийн аль алинд нь бага байсан (0,6% ба 0,5%) ба хоорондоо ялгаагүй байсан нь тогтоогдсон.
- ACTIVE-A эмнэл зүйн судалгаагаар том хэмжээний цус алдалт илрэх давтамж клопидогрелыг ацетилсалицилын хүчилтэй хамт хэрэглэсэн бүлэгт (6,7%) плацебо-г ацетилсалицилын хүчилтэй хамт хэрэглэсэн бүлгээс (4,3%) илүү байсан байна. 2 бүлгийн том хэмжээний гол цус алдалт нь тархины цус харвалт (5,3% ба 3,5%) ба хоол боловсруулах замын цус алдалт (3.5% ба 1,8%) юм. Клопидогрелыг ацетилсалицилын хүчилтэй хамт хэрэглэсэн бүлгийн тархины цус харвалт нь плацебо-г ацетилсалицилын хүчилтэй хамт хэрэглэсэн бүлгийнхээс илүү (1,4% ба 0,8%) байсан. Эдгээр бүлгийн хооронд үхэлд хүргэх цус алдалтын (1,1% ба 0,7%) болон цус алдалтын цус харвалтын (0,8% ба 0,6%) давтамж нь статистикын ач холбогдол бүхий ялгаагүй байсан байна.
Цусны зүгээс илрэх өөрчлөлт
- CARPIE эмнэл зүйн судалгаагаар клопидогрел хэрэглэсэн 4 өвчтөн (0,04%), ацетилсалицилын хүчил хэрэглэсэн 2 өвчтөнд (0,02%) хүнд явцтай нейтропени (нейтрофилийн тоо цөөрөл (<0.45×109/л) ажиглагдсан.
- Клопидогрел хэрэглэсэн 9599 өвчтөнөөс 2-т нь нейтрофилийн тоо 0-той тэнцүү байсан ба харин ацетилсалицилын хүчил хэрэглэсэн 9586 өвчтөний нэгд нь ч ийм хэмжээний багасалт ажиглагдаагүй. Клопидогрелыг хэрэглэх үеийн цус төлжилтийг дарангуйлах нөлөө маш бага байдаг боловч клопидогрел хэрэглэж байгаа өвчтөнд халуурах болон халдварын бусад шинж илэрвэл нейтропени байж болзошгүй тул өвчтөнийг шинжлэх шаардлагатай.
- Клопидогрелын эмчилгээний явцад цус төлжилгүйдлийн цус багадалтын нэг тохиолдол ажиглагдсан байна.
- Хүнд явцтай томбоцитопени (тромбоцитын тоо цөөрөлт <80×109/л) клопидогрел хэрэглэсэн бүлэгт 0,2%, ацетилсалицилын хүчил хэрэглэсэн бүлэгт 0,1% байсан. Маш ховор тохиолдолд тромбоцитын тоо ≤30∙109/л багассан талаар тэмдэглэгдсэн байна.
CARPIE, CURE, CLARITY, COMMIT, ACTIVE-A зэрэг эмнэлзүйн судалгаагаар ажиглагдсан эмнэлзүйн ач холбогдол бүхий бусад гаж нөлөө
- Дээр дурьдсан эмнэл зүйн судалгаа явуулах үед ажиглагдсан гаж нөлөөний давтамжийг ДЭМБ-ын ангиллаар ангилж доор жагсаав. Байнга ≥10%, олонтаа ≥1% ба < 10%, хааяа ≥0,1% ба < 1%, ховор ≥0,01% ба < 0,1%, маш ховор <0.01%, давтамж тодорхойгүй – байгаа мэдээллээр гаж нөлөөний давтамжийг тодорхойлох боломжгүй.
Мэдрэлийн системийн зүгээс илрэх өөрчлөлт
- Хааяа илрэх – Толгой өвдөх, толгой эргэх, гаж мэдрэхүй.
- Ховор илрэх – толгой эргэх
- Хоол боловсруулах замын зүгээс илрэх гаж нөлөө:
- Олонтаа илрэх – хэвлийн өвдөлт, хоол боловсруулах замын хямрал, суулгалт
- Хааяа илрэх - ходоод ба 12 хуруу гэдэсний шархлаа, ходоодны үрэвсэл, бөөлжилт, дотор муухайрах, өтгөн хатах, гэдэс дүүрэх.
Арьс ба арьсны дайврын зүгээс илрэх өөрчлөлт
- Хааяа илрэх – Загатнаа, тууралт.
- Цус ба тунгалгийн системийн зүгээс илрэх өөрчлөлт:
- Хааяа: цус гоожих хугацаа уртсах, захын цусан дахь тромбоцит, лейкроцит, нейтрофилийн тоо цөөрөх, эозинофилийн тоо олшрох.
- Зах зээлийн судалгааны үед илэрсэн гаж нөлөө:
- Цус ба тунгалгийн системийн зүгээс илрэх өөрчлөлт:
- Давтамж тодорхойгүй: хүнд явцтай цус алдалт, ялангуяа арьсан доорх, яс булчингийн, нүдний цус харвалт (нүдний салст бүрхүүлийн, нүдний эд болон торлог бүрхүүлд), амьсгалын замын цус алдалт (цустай цэр гарах, уушгины цус алдалт), хамрын цус алдалт, цустай шээх, хагалгааны дараах шархнаас цус алдах, үхэлд хүргэх цус алдалт (ялангуяа гавлын доторх цус алдалт, хоол боловсруулах замын цус алдалт, хэвлийн гялтангийн арын цус харвалт), агранулоцитоз, гранулоцитопени, цус төлжилгүйдлийн цус багадалт/цусны бүх эсийн тоо цөөрөх, бүлэнт тромбоцитопенийн пурпур, олдмол гемофили А.
Дархлалын системийн зүгээс илрэх өөрчлөлт
- Давтамж тодорхойгүй. анафилакс төст урвал, ийлдсийн өвчин, бусад тиенопиридинуудтай (тиклопиди, празугрел) солбицсон харшлын урвал болон цусны зүгээс урвал илрэх (онцгой анхааруулга гэсэн хэсгийг үз)
Сэтгэцийн зүгээс илрэх өөрчлөлт
- Давтамж тодорхойгүй: ухаан балартах, хий үзэгдэл
Мэдрэлийн системийн зүгээс илрэх өөрчлөлт
- Давтамж тодорхойгүй: амтлах мэдрэхүйн өөрчлөлт
Судасны системийн зүгээс илрэх өөрчлөлт
- Давтамж тодорхойгүй: судасны үрэвсэл, цусны даралт багасах.
Амьсгалын систем, цээжний хөндийн эрхтэн, голтын зүгээс илрэх өөрчлөлт
- Давтамж тодорхойгүй: бронх агчих, уушгины завсрын эдийн үрэвсэл, эозинофилийн уушгины үрэвсэл
Хоол боловсруулах замын зүгээс илрэх өөрчлөлт
- Давтамж тодорхойгүй: бүдүүн гэдэсний үрэвсэл (ялангуяа бүдүүн гэдэсний шархлаат болон лимфоцитар үрэвсэл), нойр булчирхайн үрэвсэл, амны хөндийн үрэвсэл.
Элэг ба цөсний замын зүгээс илрэх өөрчлөлт
- Давтамж тодорхойгүй: элэгний цочмог дутагдал, элэгний үрэвсэл(халдварын бус).
Арьс ба арьсан доорх эдийн зүгээс илрэх өөрчлөлт
- Давтамж тодорхойгүй: толбот гөвдрүүт улайралт буюу эсвэл эксфолиатив тууралт, судас мэдрэлийн хаван, арьсны цэврүүт үрэвсэл (олон хэлбэрийн улайрал, Стивенс -Джонсоны хам шинж, эпидермийн хордлогот үхжил), цочмог явцтай тархмал экзантем хэлбэрийн пустулез, эмийн хэт мэдрэгшлийн хам шинж, системийн илрэлтэй болон эозинофилийн тоо ихсэлт бүхий эмийн шалтгаантай тууралт, намарс, хавтгай үлд
Яс булчин, холбогч эдийн зүгээс
- Давтамж тодорхойгүй: үений өвдөлт, үений үрэвсэл, булчингийн өвдөлт.
Бөөр ба шээс дамжуулах замын зүгээс илрэх өөрчлөлт
- Давтамж тодорхойгүй: бөөрний түүдгэнцрийн үрэвсэл.
Бэлэг эрхтэн, хөхний булчирхайн зүгээс илрэх өөрчлөлт
- Давтамж тодорхойгүй: эрчүүдийн хөх томрох
Ерөнхий өөрчлөлт ба хэрэглэсэн хэсэгт илрэх өөрчлөлт
- Давтамж тодорхойгүй: халууралт.
Лабораторийн ба багажийн шинжилгээний өөрчлөлт
- Давтамж тодорхойгүй: элэгний үйл ажиллагааны үзүүлэлт хэвийн хэмжээнээс хазайх, цусан дахь креатининий хэмжээ ихсэх.