Плогрель 75 мг
75 мг
Клопидогрел – Clopidogrel
Oxford Laboratories PVT. Ltd
Эмийн хэлбэр: Шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 600

ЭМД хөнгөлөх хэмжээ: 180

Даатгуулагч төлөх дүн: 420

Эмчийн ангилал:

D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

  • Миокардын инфаркттай өвчтөнд (хэдэн өдрөөс 35 хүртэл хоногоор), ишемийн инсульт (7 хоногоос 6 хүртэл сараар) эсвэл захын артерийн судасны эмгэгийн үед
  • Титэм судасны цочмог дутагдал, эмгэгтэй хүмүүст
    • Титэм судасны ST сегмент өргөгдөөгүй цочмог хам шинж (тогтворгүй бах, эмгэг Q-гүй миокардын инфаркт), судсан дотуурх эмчилгээ буюу стент тавиулсан хүмүүст ацетилсалицилын хүчилтэй (АСХ) хавсран хэрэглэнэ
  • ST сегмент өргөгдсөн цочмог миокардын инфарктын үед ацетилсалицилын хүчилтэй (АСХ) хавсран тромболитик эмчилгээ хийлгэх шаардлагатай хүмүүст хэрэглэнэ.
  • Эмийн бэлдмэлийн идэвхитэй үйлчлэгч бодис болон түүний найрлаганд агуулагдах бодисуудад хэт мэдрэг үед
  • Элэгний цочмог эмгэг, гэмтэл
  • Ходоодны шархлаа, гавал дотрох цус алдалт зэрэг цочмог цус алдалтын үед хэрэглэхийг хориглоно.

Амаар ууж хэрэглэнэ, хоолтой хамааралгүй.

  • Миокардын инфаркт, цус хомсролын цус харвалт, захын артерийн судасны эмгэгтэй хүмүүст цус бүлэгнэлтийн хүндрэлээс урьдчилан сэргийлж
    • Хоногийн тун 75мг-аар өдөрт нэг удаа уулгана.
  • Миокардын инфаркттай өвчтөнд
    • Инфаркт болсон эхний өдрөөс эхлэн 35 дахь өдөр хүртэл, цус хомсролын цус харвалттай өвчтөнд эмчилгээг харвалт оношлогдсон өдрөөс хойш 7 хоногоос 6 сар хүртэл хугацаагаар хийж болно.
  • Титэм судасны цочмог хам шинжтэй, ST сегмент өргөгдөөгүй (тогтворгүй хэлбэрийн зүрхний бах, Q-гүй зүрхний миокардын инфаркт) үед эмчилгээг
    • өдөрт цохилтын тун 300мг-аар нэг удаа уулгаж эхлэж болно
    • улмаар өдөрт барих тун 75мг-аар (АСХ-тэй хавсарсан бол хоногт 75-325мг-аар, өдөрт 100мг-аар) уулгах нь тохиромжтой.
    • Эмийн хамгийн сайн үр нөлөө нь 3 сарын дараа илэрнэ. Эмчилгээг 1 жил хүртэл хугацаагаар үргэлжлүүлнэ.
  • Титэм судасны ST сегмент өргөгдсөн, цочмог хам шинжтэй өвчтөнд (ST сегмент өргөгдсөн миокардын цочмог инфаркт) цус бүлэгнэлтийн хүндрэл үүсэхээс урьдчилан сэргийлж клопидогрель эмчилгээг
    • 75 мг-аар нэг удаа, АСХ-тэй болон тромболитик бэлдмэлүүдтэй хавсран  (хавсрахгүй ч байж болно) эхлүүлж болно.
  • Хавсарсан эмчилгээг шинж тэмдэг илэрсэн даруйд
    • яаралтай эхлэн багаар бодоход 4 долоо хоногийн турш үргэлжлүүлнэ. 75-аас дээш насны өвчтөнд клопидогрель эмчилгээний цохилтын тунгүйгээр эхлүүлж болно.
  • CYP2C19 изоэнзимын удамшлын алдагдалтай хүмүүст клопидогрелийн эмчилгээний үр нөлөө сул илэрч болно. Ийм бүлгийн өвчтөнгүүдэд тохирох эмчилгээний тунг тогтоогоогүй байна. Зүрхний болон элэгний дутагдалтай өвчтөнгүүдэд уг эмийг хэрэглэх талаар мэдээлэл хомс байна.

Тун хэтрүүлэх

  • Клопидогрель эмчилгээний тунг хэтрүүлсэн тохиолдолд цус гоожих хугацаа уртсах, цус алдалттай холбоотой бусад зовиурууд илэрч болно. Хэрэв цус алдалтын шинж тэмдгүүд илэрвэл зохих эмчилгээг эхлүүлэх нь зүйтэй.
  • Клопидогрелийн фармакологийн үйлдлийн эсрэг ерөндөг тогтоогдоогүй байна. Цус гоожих хугацаа хэт уртсаад цус ихээр алдаж байвал клопидогрелийн үйлдлийг сулруулахын тулд цусны ялтас эсийн бүтээгдэхүүн сэлбэж болно. 
  • Цусархаг хам шинж, цус гоожимхой, гэмтэмхий, хоол боловсруулах замын хямрал, суулгалт, өтгөн хаталт илэрч болно.
  • Гэхдээ ходоод, гэдэс, нүд, тархинаас цус алдалт тохиолдохыг үгүйсгэхгүй. Үүнээс гадна клопидогрель нь ховор тохиолдолд цусны маш хүнд эмгэг болох тромботик тромбоцитопенийн пурпур үүсгэж болно. Шинж тэмдэг нь эмчилгээг эхэлсний дараа хэзээ ч илэрч болно.
    • Дараах шинж тэмдэгүүд илэрсэн даруйд эмнэлэгийн тусламж авах хэрэгтэй:
        • хэвлийн цочмог өвдөлт, ам хамраас хяналтгүй цус гоожих, цусархаг, хар баас, толгой эргэх, халуурах, арьс гэнэт цайрч, зэвхий болох, арьсны хөх толбо, тууралт үүсэх, ухаан балартах, зүрхний цохилт олшрох, гэнэт толгой хүчтэй өвдөх, гэнэт сульдах, ядрах, цустай болон кофены шаар шиг зүйлээр бөөлжих, үечлэн ярих, харааны чадвар алдагдах, саа үүсэх, нүд, арьс шарлах, цустай, улаан, ягаан, хар өнгөөр шээх, шээсний гарц өөрчлөгдөх.
  • Энэ эмийн эмчилгээний үед маш цочмог харшлын урвал өрнөх нь ховор. Гэхдээ хэрэв улайлт, загатнаа, нүүр, хэл, хоолой хавагнах, толгой эргэх, амьсгалахад хүндрэлтэй болох зэрэг харшлын урвал илэрвэл зайлшгүй эмнэлгийн тусламж аваарай.

Үйлдлийн механизм

  • Клопидогрель нь түүний нэг метаболит нь ялтас эсийн агрегацийг дарангуйлдаг үйлдэл үзүүлдэг эмийн урьдал нэгдэл юм. Клопидогрель нь CYP450 энзимээр хувирч үүссэн идэвхитэй хэлбэрийн метаболит нь ялтас эсийн агрегацийг саатуулна.
  • Клопидогрелийн идэвхитэй метаболит нь аденозиндифосфатыг (АДФ) ялтас эсийн P2Y12 рецепторт холбогдох үйлдлийг сонгомлоор хориглосноор АДФ хамааралт  GPIIb/IIIa гликопротеидын комплекс идэвхижих урвалыг саатуулж ялтас эсийн агрегацийг хориглоно. Эргэшгүйгээр холбогдсон тохиолдолд ялтас эсүүд үлдсэн амьдралынхаа туршид (ойролцоогоор 7-10 өдөр) үйл ажиллагаагаа алдах бөгөөд шинэ ялтас эсүүд үүсч байж хэвийн үйл ажиллагаа сэргэдэг. АДФ-ээс өөр агонистуудаар өдөөгдсөн ялтсын агрегаци нь чөлөөлөгдсөн АДФ-ээр  ялтсын хуваагдал хориглогдох замаар мөн дарангуйлагддаг.
  • Идэвхитэй метаболит нь CYP450 энзимээр үүсгэгддэг, мөн зарим нь полиморф шинж чанартай, бусад эмийн бэлдмэлээр саатуулагддаг учраас бүх өвчтөнд ялтас эсийн агрегаци дарангуйлагддаггүй.

Шимэгдэлт 

  • Өдөрт 75 мг-аар дангаар болон давтаж уусны дараа клопидогрель маш хурдан шимэгддэг. Хувираагүй клопидогрелийн цусны сийвэн дэх хамгийн их концентраци нь (75мг-аар дангаар хэрэглэсэн үед ойролцоогоор 2,2-2,5нг/мл байна) эм ууснаас ойролцоогоор 45 минутын дараа үүсдэг. Шимэгдэлт багаар бодоход 50%, клопидогрелийн метаболитууд нь шээсээр ялгарна. 

Тархалт

  • In vitro нөхцөлд клопидогрель 98%, түүний сийвэнд эргэлдэх идэвхигүй, үндсэн метаболит нь 94%-тайгаар цусны сийвэнгийн уургуудтай эргэх байдлаар холбогдоно. Эмийн бодисын концентраци ямар ч байсан in vitro нөхцөлд ингэж холбогдох нь ханаагүй шинж чанартай байдаг. 

Биотрансформаци

  • Клопидогрель нь элгэнд голлон хувиралд ордог. In vitro, In vivo нөхцөлд клопидогрель нь хоёр үндсэн солилцоогоор хувирдаг: нэг нь эстераза ферментээр задарч, улмаар гидролизд орж идэвхигүй хэлбэрийн карбоксилийн хүчлийн уламжлалт нэгдлийг үүсгэнэ (нийт эргэлдэх метаболитын 85%), нөгөө зам нь хэд хэдэн цитохром Р450-аар өдөөгддөг зам юм. Клопидогрель нь эхлээд 2-окси-клопидогрель гэдэг завсрын метаболитод хувирна. 2-окси-клопидогрель нь цаашид идэвхитэй метаболитод хувирч клопидогрелийн хүхэр агуулсан уламжлалт нэгдлийг үүсгэнэ. In vitro нөхцөлд хувирах зам нь CYP3A4, CYP2C19, CYP1A2 болон CYP2B6 зэрэг энзимүүдээр нөхцөлдөнө. In vitro нөхцөлд ялган авсан хүхэр агуулсан, идэвхитэй метаболит нь  ялтас эсийн рецепторт хурдан, эргэшгүйгээр холбогдон ялтсын агрегацийг дарангуйлна.
  • Идэвхитэй метаболитын Смах нь цохилтын тун 300мг-аар дан тунгаар хэрэглэсэн үед 75мг-аар 4 өдрийн турш барих тунгаар хэрэглэснээс 2 дахин өндөр байдаг. Эм хэрэглэснээс хойш ойролцоогоор 30-60 минутын дараагаар Смах-даа хүрнэ. 

Биеэс ялгарах

  • 14С тэмдэглэгээт клопидогрель уулгасан хүнд 120 цагийн дараагаар ойролцоогоор 50% нь шээсээр, ойролцоогоор 46% нь өтгөнөөр эм ууснаас ялгарч байсан.
  • 75мг-аар дангаар нь уусан үед клопидогрелийн хагас задралын хугацаа ойролцоогоор 6 цаг байв. Эмийг дангаар болон давтан хэрэглэсний дараа цусанд эргэлдэх үндсэн метаболитын хагас задралын хугацаа ойролцоогоор 8 цаг байв. 
  • Типранавир, сэтгэл уналын эсрэг бэлдмэлүүдтэй (амитриптилин, кломипрамин, парокситин/циталопрам зэрэг SSRI, дулокксетин/венлафаксин зэрэг SNRI) хавсран хэрэглэхэд эмийн харилцан үйлчлэл илэрч болно. Зарим эмийн бэлдмэлүүдийн нөлөөлөлөөс клопидогрелийн үйлчлэл суларч болно. Жишээ нь тодорхой хүчил бууруулагч (омепразол, эзомепразол зэрэг протоны шахуурга хориглогч/РРI), флувоксамин, флюоксетин, циметидин, флюконазол, кетоконазол, вориконазол, этравирин, фелбамат, тиклопидин зэрэг.
  • Хэрэв та аспирин хавсарч хэрэглэж байгаа бол төны өвчний үед үргэлжлүүлэн хэрэглэх үү эсвэл зогсоох уу гэдгийг эмчлэгч эмчээс яаралтай асуугаарай (зүрхний зарим эмгэгүүд болон зүрхний титэм судсанд стент тавьсан үед аспирин клопидогрель хоёрыг хавсран хэрэглэж болно). Хэрэв аспирин хэрэглээгүй бол ямар ч нөхцөлд хэрэглэхээсээ өмнө эмчлэгч эмчтэйгээ заавал зөвлөөрэй.
  • Зарим эмүүд клопидогрель биеэс ялгарах хурдад нөлөөлж болох учраас түүний үйлчлэлд бас нөлөөлдөг. Жишээ нь хүчил бууруулагч (омепразол, эзомепразол зэрэг протоны шахуурга хориглогч/РРI), флувоксамин, флюоксетин, циметидин, флюконазол, кетоконазол, вориконазол, этравирин, фелбамат, тиклопидин зэрэг. Нарийвчилсан мэдээллийг эмчлэгч эмч болон эм зүйчээс асуугаарай.
  • PPI агуулсан жоргүй олгодог эмнүүдийг (омепразол, эзомепразол) болон хоол боловсруулах замын хямралыг бууруулах циметидин зэргийг хэрэглэж болохгүй. Эдгээр эмнүүд нь клопидогрелийн үйлдлийг сулруулна. Шингэн антацид, ранитидин, фамотидин зэрэг бусад эмийг хэрэглэж болох эсэх талаар эмч болон эм зүйчээс асуугаарай.
  • Олон эмнүүд өвдөлт намдаах болон халуун бууруулах (ибупрофен, напроксин, аспирин зэрэг үрэвслийн эсрэг стероид бус бэлдмэлүүд) бэлдмэлүүдийг агуулдаг учраас жороор болон жоргүй олгодог эмийн шошгыг анхааралтай унших хэрэгтэй.
  • Эдгээр эмнүүд нь клопидогрель хэрэглэж байх үед цус алдах эрсдэл, ялтсын эсрэг үйлдлийг нэмэгдүүлж болно. Эдгээр эмнүүдийг зөв, аюулгүй хэрэглэх талаар эмч болон эм зүйчээс тодруулаарай. 

Цус алдалт болон гематологийн өвчний үед

  • Тус бэлдмэлээр эмч лэх үед цус алдалт болон бусад гематологийн шалтгааны улмаас цус алдалтын эмнэл зүйн шинж тэмдэгүүд илүү илэрч болох бөгөөд цусны эсүүдийн тоо бусад шаардлагатай шинжилгээг яаралтай хийх хэрэгтэй. Ялтсын аргрегацийн эсрэг бусад эмүүдийн нэгэн адилаар гэмтэл, мэс засал, бусад эмгэг өвчний улмаас цус алдах эрсдэлтэй, мөн АСХ, гепарин, гликопротеин IIb/IIIa хориглогч эсвэл Сох-2 хориглогч зэрэг үрэвслийн эсрэг стероид бус эмийг хэрэглэж байгаа өвчтөнд  цус алдах эрсдлийг клопидогрель нэмэгдүүлдэг учраас болгоомжтой хэрэглэнэ. Далд цус алдалтын шинж тэмдэг илэрсэн, ялангуяа зүрхний инвазив эмчилгээ, оношлогоо, мэс ажилбар хийлгэсэн өвчтний эмчилгээний эхний долоо хоногуудад маш болгоомжтой хэрэглэнэ. Клопидогрелийг бусад антикоагулянттай хавсарч хэрэглэхэд цус алдалтыг нэмэгдүүлэх магадлалтай учраас хавсарч хэрэглэхийг хориглодог.
  • Төлөвлөгөөт хагалгаа хийлгэх өвчтөнд ялтсын эсрэг эмчилгээ тухайн үед шаардлагагүй бол хагалгаанаас өмнө 7 хоногийн өмнө клопидогрель эмчилгээг зогсооно. Өвчтөн төлөвлөгөөт хагалгаа болон эмчилгээний шинэ бүтээгдэхүүн эхлэхийн өмнө клопидогрель эмчилгээ хийлгэж байсныгаа эмчлэгч эмч болон шүдний эмчид зайлшгүй мэдэгдэх ёстой. Клопидогрель цус бүлэгнэлтийн хугацааг уртасгадаг учраас цус алдах магадлал бүхий шархлаатай (ялангуяа хоол боловсруулах замын болон нүдний дотоод) өвчтөнд маш болгоомжтой хэрэглэнэ.
  • Эмчийн зүгээс өвчтөнд клопидогрель эмчилгээ (дангаар нь болон АСХ-тэй хавсран) хийлгэж байх үед цус алдвал цус бүлэгнэлт илүү удааширдаг учраас ямар нэг байдлаар цус алдсан тохиолдолд хаанаас болон хир удаан алдаж буйг эмчлэгч эмчдээ мэдэгдэхийг зөвлөнө. 

Тромботик Тромбоцитопенийн пурпур

  • Клопидогрель хэрэглэсний дараа тромботик тромбоцитопенийн пурпур тохиолдох нь маш ховор. Энэ нь мэдрэлийн, бөөрний үйл ажиллагааны алдагдал, халууралттай хавсран тромбоцитопени болон микроангиопатийн гемолизын цус багадалтаар илэрдэг. Тромботик тромбоцитопенийн пурпур нь яаралтай плазмофорез зэрэг эмчилгээ шаарддаг, үхлийн эрсдэлтэй эмгэг юм. 

Олдмол гемофили

  • Клопидогрель эмчилгээ хийлгэхэд олдмол хэлбэрийн гемофили үүсч байсан. Цус алдсан болон алдаагүй ч зориуд идэвхижүүлсэн тромбопластины хугацаа (аРТТ) уртассан л бол олдмол хэлбэрийн гемофили үүссэн гэж үзнэ. Хэрэв олдмол хэлбэрийн гемофили оношлогдсон тохиолдолд цусны мэргэжлийн эмч эмчилгээг удирдаж, клопидогрель эмчилгээг зогсоох нь зүйтэй. 

Ишемийн харвалт

  • Энэ талаар мэдээлэл бага байгаатай холбоотой цочмог цус харвалтын дараа эхний 7 хоногт клопидогрель эмчилгээг хийхгүй байх нь зүйтэй. 

Цитохром Р450 2С19 (СҮР2С19)

  • Фармакогенетик: СҮР2С19 энзимийн төрөлхийн дутагдалтай, зөвлөх тунгаар  клопидогрель хэрэглэж байгаа хүмүүст түүний идэвхитэй метаболитод шилжих идэвхи муу байх учраас клопидогрелийн ялтас эсийн агрегацид нөлөөлөх нөлөөлөл бага байна. Өвчтөний СҮР2С19 энзимийн генийн шинжилгээ хийлгэх хэрэгтэй.
  • Нэгэнт СҮР2С19 энзимийн тусламжтай клопидогрель хэсэгчлэн идэвхитэй метаболитдоо шилждэг учраас энэ энзимийн идэвхийг саатуулагч эмийн бэлдмэл хэрэглэж байгаа тохиолдолд клопидогрель эмийн идэвхитэй метаболитын төвшин бага болохыг анхаарна уу. Ийм эмүүдийн харилцан үйлчлэлийн эмнэл зүйн ач холбогдол одоогоор тодорхойгүй байна. СҮР2С19 энзимийн идэвхийг хүчтэй болон сул саатуулагч эмийн бэлдмэлийг хавсран хэрэглэх шаардлагагүй. 

Харшлын солбицох урвал

  • Клопидогрель хэрэглэхэд Тиенопиридинтай харшлын солбицох урвал ажиглагдаж байсан учраас өвчтөнд тиклопидин, прасугрель зэрэг тиенопиридинд харшилтай эсэхийг тодруулах хэрэгтэй. Өмнө нь бусад төрлийн тиенопиридинд хэт мэдрэгшиж, харшиж байсан өвчтөнд эмчилгээний явцад клопидогрельд харшлын шинж тэмдэг өгөх эсэхийг сайн ажиглах хэрэгтэй. 

Бөөрний үйл ажиллагааны алдагдал

  • Бөөрний үйл ажиллагааны алдагдалтай өвчтөнд клопидогрель эмчилгээ хийж байсан туршлага, мэдээлэл бага учраас ийм өвчтөнд клопидогрель эмчилгээг маш болгоомжтой хийнэ. 

Элэгний үйл ажиллагааны алдагдал

  • Цусархаг диатез бүхий элэгний эмгэгтэй хүмүүст клопидогрель эмчилгээ хийж байсан туршлага, мэдээлэл бага учраас ийм өвчтөнд эмчилгээг маш болгоомжтой хийнэ. 

Туслах бодис

  • Ийм төрлийн эмийн бодисууд нь гидрогенжсэн касторын тос агуулдаг учраас хоол боловсруулах замын алдагдал, суулгалт үүсгэж болно. 

Жирэмсэн

  • Жирэмсэн үед клопидогрелийг эмчилгээнд хэрэглэхэд эмнэл зүйн талаас гарах өөрчлөлтийн талаар мэдээлэл дутмаг учраас эрсдэлээс урьдчилан сэргийлэх үүднээс клопидогрелийг хэрэглэх шаардлагагүй.
  • Амьтан дээр хийсэн судалгаагаар жирэмслэлтийн явц, ургийн хөгжил, төрөхийн болон төрсний дараах хөгжилд шууд болон шууд бус аюултай нөлөө үзүүлж байгаа нь тогтоогдоогүй. 

Хөхөөр хооллох

  • Клопидогрель нь хүний хөхний сүүгээр ялгардаг эсэх нь тогтоогдоогүй. Амьтад дээр хийсэн судалгаагаар клопидогрель хөхний сүүгээр ялгарч байсныг тогтоосон. Эрсдэлээс урьдчилан сэргийлэх үүднээс Клопидогрель 75мг, хальсан бүрхүүлт шахмалаар эмчилж байгаа үед хөхөөр хооллохыг зогсоох нь зүйтэй. 

Үр тогтоолт

  • Амьтад дээр хийсэн судалгаагаар клопидогрель үр тогтоолтонд нөлөөлөхгүй байсан. 

Эмийн хэлбэр 

  • Картон хайрцагт 2*14 шахмалыг блистерт савлан зааврын хамт хийсэн байна. 

Хадгалах нөхцөл

  • 25°С-ээс ихгүй температурт, хуурай, гэрэлгүй газар хадгална.
  • Хүүхдийн гар хүрэхээргүй газар хадгална. 

Хадгалах хугацаа

  • 3 жил. 

Үйлдвэрлэгч

Oxford laboratories Pvt.Ltd 

B/306, Crystal Plaza, New Link Road 

Andheri (W), Бомбей 400 053. Энэтхэг 

Шинээр нэмэгдсэн:

Засвартай байна...

Энэхүү платформ нь энгийн иргэдэд зориулагдаагүй зөвхөн анагаах ухааны салбарын мэргэжилтнүүдэд зориулагдсан болно. Дур мэдэн өөрийгөө эмчлэхийг хориглоно ! Дур мэдэн хийсэн үйлдлээс гарах үр дагаврыг бид хариуцахгүй.

Бид күүки буюу үйлдлийг бүртгэх технологи ашиглан тодорхой төрлийн мэдээллийг хадгалах ба энэ нь үйлчилгээг сайжруулах, түүнд дүн шинжилгээ хийх зорилготой юм. Таны мэдээлэл бусдад дамжуулагдахгүй.