Бамбай булчирхайн дутмагшил - Гипотиреодизм (Hypothyroidism)

Бамбай булчирхайн үйл ажиллагаа буурах /бүрэн алдагдсан үед бамбайн даавруудын дутагдлын улмаас эрхтэн тогтолцоонуудад үйл ажиллагааны өөрчлөлт үүсдэг өвчнийг Гипотиреодизм гэнэ.

• Анхдагч гипотиреодизм  – Бамбай булчирхай бамбайн дааврыг хангалттай ялгаруулж чадахгүй улмаас үүснэ.
• Хоёрдогч гипотиреодизм – Бамбай булчирхай хэвийн боловч өнчин тархинаас ялгарах тиреотропин дааврын дутагдлын улмаас үүснэ.
• Гуравдагч гипотиреодизм – Гипоталамусаас тиреотропин-сэдээгч даавар хангалттай ялгарахгүйн улмаас үүснэ. Ховор тохиолдоно.

Дэлхий даяар иод дутагдлын улмаас үүсэх гипотиреодизм хамгийн түгээмэл тохиолдоно. Иодын хэрэглээ хэвийн улс орнуудад Хашимотогийн өвчин түгээмэл тохиолдох ба бусад шалтгаанд эмийн шалтгаант, ятроген шалтгаант байна.