Дуовелл А (Duowell A)
Yuhan Corporation
Эмийн хэлбэр
Бүрхүүлтэй шахмал
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
40 / 5 / 10 мг · 30 шахмал
40 / 5 / 20 мг · 30 шахмал
80 / 5 / 10 мг · 30 шахмал
80 / 5 / 20 мг · 30 шахмал
Хэрэглэх заалт
- Телмисартан/амлодипины тохирох тунг розувастатинтай тусад нь хэрэглэж байсан насанд хүрэгчдийг ижил тунгийн тогтмол хослолд шилжүүлэн эмчлэхэд хэрэглэнэ.
- Телмисартан/амлодипины хэсэг нь амлодипин эсвэл телмисартаны дан эмчилгээгээр хангалттай хянагдахгүй артерийн даралт ихсэлтийн эмчилгээнд зориулагдана.
- Розувастатины хэсэг нь хоолны дэглэм болон бусад эмийн бус арга хангалтгүй үед анхдагч гиперхолестеринеми, холимог дислипидеми, гомозигот гэр бүлийн гиперхолестеринеми, анхдагч дисбеталипопротеинемийн эмчилгээнд хэрэглэгдэнэ.
- Зүрх судасны өндөр эрсдэлтэй насанд хүрэгчдийн харвалт, зүрхний шигдээс болон артерийн судас сэргээх ажилбарын эрсдэлийг бууруулахад хэрэглэнэ.
Эсрэг заалт
- Телмисартан, амлодипин, розувастатин, дигидропиридины уламжлал эсвэл туслах бодист хэт мэдрэг бол хэрэглэхгүй.
- АХФ саатуулагч эсвэл ангиотензин II рецептор хориглогчтой холбоотой ангионевротик хавангийн өгүүлэмж, удамшлын ангионевротик хавантай бол хэрэглэхгүй.
- Жирэмсэн, жирэмслэх боломжтой боловч найдвартай жирэмслэлтээс хамгаалах арга хэрэглэдэггүй болон хөхүүл үед хэрэглэхгүй.
- Цөсний зогсонгишил, цөсний замын бөглөрөл, элэгний хүнд эмгэг, элэгний идэвхтэй өвчин эсвэл шалтгаан тодорхойгүй трансаминазын тогтвортой ихсэлттэй бол хэрэглэхгүй.
- Хүнд хэлбэрийн аортын нарийсал, шок, миопати эсвэл креатинины клиренс 30 мл/мин-ээс бага бөөрний хүнд дутагдалтай бол хэрэглэхгүй.
- Чихрийн шижин эсвэл бөөрний үйл ажиллагааны алдагдалтай, түүдгэнцрийн шүүлтийн хурд 60 мл/мин/1.73 м²-ээс бага өвчтөнд алискирентэй хамт хэрэглэхгүй.
- Циклоспоринтой хамт хэрэглэхгүй.