АВ зангилааны риентрант тахикарди (Atrioventricular nodal reentrant tachycardia/AVNRT)

АВ зангилааны риентрант тахикарди нь пароксизмаль суправентрикуляр  тахикардийн (Eng. Paroxysmal supraventricular tachycardia (PSVT)) хамгийн түгээмэл хэлбэр юм. Атриовентрикуляр зангилаанд үйл ажиллагааны хувьд хурдан (“fast pathway”) болон удаан (“slow pathway”) гэсэн хоёр төрлийн дамжуулах зам бий. Энэ замаар сэрэл дамжуулах үйл ажиллагаанд алдаа үүсэх нь төрөлхийн АВ зангилааны дутагдалтай холбоотой гэж үздэг ба дийлэнх өвчлөгсөд залуу байдаг нь мөн үүнтэй холбоотой.

Тосгуурын экстасистол нь АВ зангилааны риентрант тахикардийг өдөөгч хүчин зүйл болдог. АВ зангилааны физиологийн онцлогоос шалтгаалан эмгэг жамыг сэрэл хэрхэн дамжих байдлаар нь хэвшинжит болон хэвшинжит бус гэж хоёр ангилдаг.

Эмнэлзүйд зүрх дэлсэх, толгой эргэх, амьсгал давчдах, шээс ялгаралт ихсэх зэрэг шинж тэмдэг гэнэт эхэлж, хэдэн минутаас хэдэн цаг үргэлжилж гэнэт дуусдаг.  Зүрхний цахилгаан бичлэгт илрэх онцлог нь хэмнэл жигд, нарийн QRS бүрдэл болон Р шүдний өөрчлөлтүүд байдаг. Эхний шатны эмчилгээнд цусны хөдлөлзүй тогтвортой болон тогтворгүйгээс хамаарч вагусын сорил хийх эсвэл электрик кардиоверси, үр дүнгүй тохиолдолд дараагийн шатны эмчилгээ, оношилгоог хийж гүйцэтгэнэ.

• Шалтгаан
  • Тосгуур ховдлын зангилааны төрөлхийн өөрчлөлт
• Тархвар зүй
  • Пароксизмаль суправентрикуляр  тахикардийн хамгийн түгээмэл хэлбэр
  • Ихэвчлэн залуу насанд тохиолдоно (10. – 12. насанд)
  • <