Тунгалгийн хаван (Lymphoedema)

Тунгалгийн судасны урсгалын саатлын улмаас тунгалгийн шингэнд зогсонгшил үүсч субкутан эдэд хаван бүрэлдэхийг тунгалгийн хаван гэх ба тунгалгийн хаван нь бие даасан эмгэг эсхүл суурь өвчний улмаас хүндрэл байдлаар тохиолдоно . Анхдагч хаванг гаж хөгжил гэж тооцдог ба ихэвчлэн генетикийн шалтгаант гэж үздэг бөгөөд энэ нь олон төрлийн эрхтэн системийг хамарсан төрөлхийн хөгжлийн эмгэгийн нөлөөнд бүрэлддэг гэж тооцогддог.

Анхдагч эсхүл хоёрдогчоос үл хамааран эмчилгээний тактик нь ижил байх ба эмчилгээг эрт эхлэн, хүндрэхээс нь өмнө эмчилж эхлэхгүй бол тунгалгийн хаван даамжирч хүндрэх явцтай байдаг.

• Тархалт: ~1,5%
  • Тунгалгийн хаван тийм ч ховор биш
• Хүйсийн харьцаа: › – 90% нь эмэгтэйчүүд.
• Анхдагч тунгалгын хаван (lymphoedema): ихэвчлэн 30 наснаас өмнө эхэлдэг; хожуу эхэлбэл хавдрын (хоёрдогч хэлбэр) талаар үргэлж сэжиглэх шаардлагатай.
• Хөхний хавдрын үед хоёрдогчоор тохиолддог.
  • Хөхний хавдрын үед суганы тунгалгийн зангилааг авах мэс засал хийсний дараа: 10% нь, хэрэв туяа эмчилгээ хавсарвал 50% хүртэл тунгалгийн хаван тохиолддог.