Ходоодны шархлаа өвчин (Peptic ulcer disease)

Ходоод эсвэл дээд гэдэсний салст бүрхэвч, улмаар салстын доод давхарга, булчин давхаргыг хамарсан, ≥5 мм хэмжээтэй эдийн гэмтлийг шархлаа гэнэ. ≤5 мм хэмжээтэй бол шалбархай /erosion/ гэнэ.

Аюулхай орчим өвдөх, базлах, халуу шатах шинж хамгийн түгээмэл тохиолдох ба ходоодны шархлааны үед хоол идсэний дараа шууд зовиур эхэлдэг бол дээд гэдсэнд байрлалтай шархлааны үед хоол идсэнээс хойш 2-3 цагийн дараа зовиурууд эхэлнэ.

• 1000:1 тохиолдоно 
• Ходоод, дээд гэдэсний шархлааны хүндрэл 1000:0.7
• Тархвар зүй нь Helicobacter pylori (H. pylori) –халдварын тархалттай шууд хамааралтай, халдварын тархалт өндөр орнуудад энэ өвчний тархалт мөн өндөр байна.
• Н. рylori халдвартай хүн халдваргүй хүнээс 6-10 дахин илүү өвчилдөг.
• Хөгжиж буй орнуудад тархалт 0.1-1.5%
• Залуу хүмүүсийн дунд өвчний тархалт буурч, ахимаг насны хүмүүсийн дунд NSAIDs аспирины хэрэглээтэй холбоотой тархалт ихэсч байна.
• Хүйсийн хувьд ялгаагүй тохиолдоно