Хэрэх өвчин (Ревматик халууралт)

Дунгаржав Галсанням

Сүүлийн шинэчлэл:2020/06/23

940

Ашиглах заавар:

Үндсэн агуулгыг аль болох бүгдийг товч багтаахыг хичээсэн ба түлхүүр үгсээр бичсэн болно.
симбол дээр хулганаа аваачихад нэмэлт тайлбар харагдана.
симбол дээр хулганаа аваачихад тухайн эмийн нэмэлт мэдээллүүд харагдана.
Доогуур зураастай эсвэл Bold-р бичсэн хэсэг дээр хулганаа аваачихад тухайн хэсгийн тодорхойлолт гарч ирэх ба цааш унших хэсгийн холбоос гарч ирнэ.

А бүлгийн β цус задлагч стрептококкоор үүсгэгдсэн Стрептококктонсилитис авснаас 2-3 долоо хоногийн дараа хүндрэл хэлбэрээр илрэх системийн үрэвсэлт өвчин.

Дээрх үүсгэгч нь амьсгалын дээд замаар, ихэвчлэн залгиур, гүйлсэн булчирхайд нөлөөлж, цаашдаа цусаар дамжин олон эрхтэн системийг гэмтээдэг. Залуу насныханд элбэг тохиолддог.

Хэрэх өвчин Rheumatic fever нь залгиурын халдвар авснаас 2-3 долоо хоногийн дараа дагалдах өвчин байдлаар илрэх аутоиммун урвал бөгөөд зүрх, үе, төв мэдрэлийн тогтолцоо болон арьсанд экксудат хэлбэрийн үрэвслийн урвалыг үүсгэж даамжрах онцлогтой.

Өвчин үүсгэгч бактери нь А бүлгийн β цус задлагч стрептококк ба тэрээр мио– болон эндокардийн эсрэг эсрэг биеийн нийлэгжилтийг өдөөж өгдөг. Ерөнхий шинж тэмдэг болох халууралт, ядрамтгай байдал болон амархан сульдах зэргээс гадна панкардитис байдлаар шинж тэмдэг илэрч гардаг.

Үүнээс гадна асимметрик полиартралги, мөн арьсны илрэл жишээ нь субкутан зангилаа , эритема аннуларе хам шинжээр илрэх боломжтой.

Оношилгоонд юун түрүүнд лабораторид үрэвслийн үзүүлэлтүүд ихэссэн эсэх болон стрептококкын эсрэг АК титерыг шинжилж үздэг. Нэмэлтээр зүрхний эхо хийж хавхлагын гэмтэл байгааг шалгах нь стандарт шинжилгээний нэг юм. Алтан стандарт болох антибиотик эмчилгээ (Пенилциллин)-нээс гадна шинж тэмдгийн эсрэг үрэвсэл намдаах эмүүд, шаардлагатай тохиолдолд Глюкокортикоид хэрэглэх боломжтой.

Өвчлөл сүүлийн жилүүдэд дэлхийн дунджаар буурч байгаа ба насны хувьд

3-16 насныхан
Хөгжиж буй орнуудад бага насны хүүхдүүдийн дунд зүрхний өвчний голлох шалтгаан болсоор байна
♀> ♂

А бүлгийн β цус задлагч стрептококк
Тонзилитис, Фарингитис

стрептококкын халдвар авсан хүмүүсийн 1-3% орчимд хэрэх өвчин тохиолддог.

Стрептококкийн пиогенээр үүсгэгдсэн цочмог тонзилитис эсвэл фарингитис үүссэний дараа стрептококкийн мембраны бүрэлдэхүүн хэсэг болох өвөрмөц M уураг нь антигены үүрэг гүйцэтгэж эсрэгбие (молекулын мимикри) үсэхэд нөлөөлдөг.

Хөндлөн реактив эсрэгбиеүүд нь зүрхний хавхлагын эндотелийн эсүүдтэй холбож, VCAM-1 молекулын наалдацыг идэвхжүүлдэг. Энэ нь идэвхжсэн лимфоцит ба лизисийн эндотелийн эсүүдийг цуглуулдаг.

Энэ нь ламинин, креатин, тропомиозиныг ялгаралтыг идэвхжүүлдэг бөгөөд зүрхэнд хүрч хавхлагын гэмтлийг нэмэгдүүлдэг.

Стрептококкын антиген нь хүний биеийн антигентэй төстэй байдаг ба үүнийг таньж мэдсэнээр эмгэг жамыг ойлгоход чухал ач холбогдолтой

Өөр нэг таамаглал нь хучуур эдэд стрептококкийн халдвар хүрэх үед нь анхны гэмтэл үүсдэг гэж үздэг. Энэ үед М уураг нь IV коллагентай холбогддог гэж үздэг. Ингээд аутоиммун хариу урвалын дүнд доорхи шинжүүд илэрнэ.

Сийвэн дэх хөндлөн урвал бүхий антисаролеммал эсрэгбиеүүд
Миокард болон Эндокардад холбогдсон эсрэг биеүүд
Хялгасан судас гэмтээх (immuncomplex III), миокард дахь Aschoff-н зангилаа үүсэх, эндокардит веррукоз зэрэгт хүргэдэг дархлааны бүрдэл
Nucleus caudatus болон Nucleus subthalamicus-н эсрэг Эсрэгбиеүүд