Зүрхний ховдлын фибрилляци болон савчилт (Ventricular fibrillation and flutter)
Кардиологи
Тойм
250-320/мин давтамжтай тахикарди бүхий ховдлын зүрхний хэм алдалтыг ховдлын савчилт гэж үздэг. Ховдлын савчилт нь ховдлын фибрилляци руу шилжих нь элбэг тохиолддог бөгөөд энэ үед зүрхний давтамж >320/мин, ховдлын агшилтууд өөр хоорондоо жигд бус байснаар QRS бүрдэл гэж танигдах боломжгүй болдог. Энэ төрлийн хэм алдалт нь ихэвчлэн зүрхний хүнд хэлбэрийн органик өвчин болон зүрхний бус гаралтай өвчний амь насанд аюултай хэлбэрийн хүндрэл болон тохиолддог. Ховдолын фибрилляци болон савчилтын үед яаралтай сэхээн амьдруулах эмчилгээ, дефибрилляци (defibrillation) хийхгүй бол өвчтөн тэр дороо зүрх нь зогсож (Eng. cardiac arrest) нас барна.
Шалтгаан
Зүрхний гаралтай шалтгаанууд:
- ЗТСӨ
- Миокардит
- Кардиомиопати
- Зүрхний дутагдал
- Миокардийн ионы сувгийн төрөлхийн/олдмол эмгэг
- Урт QT синдром
- Эм (ЗХА-н эсрэг I,III бүлгийн эмүүд, сэтгэл гутралын эсрэг эмүүд, сэтгэцийн эмүүд, зарим антибиотик)
- Зүрхний гэмтэл
- Цахилгаанд цохиулах
- Механик гэмтэл
- Зүрхний мэс ажилбарын үед харин тун ховор
Зүрхний бус шалтгаанууд:
- Эрдсийн тэнцвэр алдалт
- Гипокалиеми
- Гипомагнезиеми
- Тархинд цус харвах (stroke/apoplexy)
- Тархины эдийн үрэвсэл (encephalitis)