Карбоцистеин (Carbocisteine)

Жороор олгох нөхцөл

Жортой / Жоргүй

ATC код

R05CB03

Фармакологийн ангилал

Эмчилгээний бүлэг

Бүгдийг нээхБүгдийг хаах

Карбоцистеин нь өтгөн цэрийг шингэлэх муколитик эм.
Цэрийг гадагшлуулахад хангалттай шингэн уух болон амьсгалын замын үндсэн эмчилгээг үргэлжлүүлэх нь чухал.
Ходоод эсвэл арван хоёр нугалаа гэдэсний идэвхтэй шархтай үед хэрэглэхгүй.
Өмнө нь ходоод гэдэсний шарх, цус алдалттай эсвэл цус алдах эрсдэлтэй эм хэрэглэдэг бол болгоомжтой хэрэглэнэ.
Цустай бөөлжих, өтгөн хар гарах, хэвлийгээр хүчтэй өвдөх эсвэл хүнд тууралт илэрвэл эмийг зогсоож, эмчид хандана.
Ханиалга дарах эмтэй дур мэдэн хавсрах нь цэр гадагшлахыг саатуулж болно.

Бөөрний үйл ажиллагаа буурсан үеийн тогтсон тунгийн өөрчлөлт байхгүй.
Бөөрний хүнд дутагдалтай бол бүтээгдэхүүний найрлага болон шингэний хэрэглээг эмчтэй тохируулна.

Ахмад настанд ходоод гэдэсний шарх, цус алдалтын эрсдэл болон хэрэглэж буй бусад эмийг үнэлнэ.
Цэрээ үр дүнтэй ханиаж гаргаж чадах эсэхийг хянаж, шаардлагатай бол тунг эмч тохируулна.