Хэрэглэх заалт

Энэ бүтээгдэхүүнд кодеин агуулагддаг. Кодеин нь “опиоидын буюу наркотик өвдөлт намдаах эм” гэж нэрлэгддэг эмийн бүлэгт хамаарагддаг эм юм. Түүнийг дангаар нь болон парацетамол гэх мэт наркотик бус өвдөлт намдаах бүлгийн эмүүдтэй хослуулан хэрэглэж болно. Кодеин фосфатын шахмалыг дараах эмгэг ба шинж тэмдгүүдийн үед хэрэглэдэг. Бага ба дунд зэргийн өвдөлтүүд. Кодеиныг 12 – с дээш насны хүүхдэд: өөр бүлгийн эмэнд (жишээ нь парацетамол эсвэл ибупрофенд) үр дүн багатай байгаа дунд зэргийн өвдөлтийг богино хугацаанд хөнгөвчлөх зорилгоор хэрэглэж болно. Хуурай ханиалга ба Суулгалтыг намдаах зорилгоор тус тус хэрэглэнэ.

Кодейн - Codeine

Веркод-30 ®

Хөнгөлөлттэй эмийн жагсаалт

Эмчийн ангилал:

C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Энэ бүтээгдэхүүнд кодеин агуулагддаг. Кодеин нь “опиоидын  буюу наркотик өвдөлт намдаах эм” гэж нэрлэгддэг эмийн бүлэгт хамаарагддаг  эм юм. Түүнийг  дангаар нь болон парацетамол гэх мэт  наркотик бус  өвдөлт намдаах бүлгийн  эмүүдтэй хослуулан хэрэглэж болно. Кодеин фосфатын шахмалыг  дараах  эмгэг ба шинж тэмдгүүдийн үед хэрэглэдэг.

         Бага ба  дунд зэргийн өвдөлтүүд.

Кодеиныг  12 – с  дээш насны хүүхдэд:  өөр бүлгийн эмэнд (жишээ нь парацетамол эсвэл ибупрофенд) үр дүн багатай байгаа дунд зэргийн өвдөлтийг богино хугацаанд хөнгөвчлөх зорилгоор хэрэглэж болно.

         Хуурай ханиалга ба
         Суулгалтыг намдаах зорилгоор тус тус хэрэглэнэ.

Хэрэв дараах шалтгаануудын аль нэг байгаа бол кодеин фосфатын шахмалыг бүү хэрэглээрэй.

Хэрэв та  кодеин  (эсвэл опиоидуудад)  ба энэ бэлдмэлийн найрлага дахь бусад бодисуудад  хэт  мэдрэгшсэн буюу харшилтай бол
Хэрэв Та уушгины ямар нэг эмгэгтэй эсвэл Таны амьсгалд ямар нэг бэрхшээл байдаг бол
Хэрэв Та толгойн гэмтэлтэй, гавал тархины дотоод даралт ихэссэн шинж (нүдний уг руу өвдөх, харааны өөрчлөлт, толгой өвдөх г.м) илэрдэг бол
Хэрэв Та үе үе сэдэрдэг бронхийн багтраа өвчтэй бол
Хэрэв Таны элэг муу, үйл ажиллагааны дутагдалтай бол
Хэрэв Танд гэдэсний түгжрэл үүсэх эрсдэл өндөр байгаа  бол
Хэрэв Та архины хамааралтай болсон бол.
Нойрон дундаа  амьсгал нь үе үе тасалддаг  эмгэгтэй,  бага ба өсвөр насны (0-18 нас)  хүүхдэд – гүйлсэн ( эсвэл аденоид) булчирхайг авах хагалгаа хийсний дараах өвдөлтийг хөнгөвчлөх зорилгоор  хэрэглэх бол
Хэрэв Таны хэрэглэсэн  кодеин,  таны биед тань  маш түргэн хувиралд орж  морфин болон хувирдаг  онцлогтой болох нь тогтоогдсон бол
Хэрэв Та нялх хүүхдээ хөхүүлдэг бол

тус тус  эдгээр бэлдмэлийг хэрэглэхийг хориглодог.

Харшлын урвалууд
- арьсны тууралт, загатнаа, амьсгалахад төвөгтэй болох, ихээр хөлрөх, нилдээ эсвэл нүүрний арьс улайх г.м
Ходоод гэдэсний  эрхтэн тогтолцоонд
- өтгөн хатах, дотор муухайрч бөөлжис цутгах,  ам хатах, хэвлийгээр өвдөх (цөсний сувгийн агчилтаас үүдэлтэй байж болно)
Зүрх  судасны тогтолццоны талаас
- зүрхний цохилтын  хэм удаашрах эсвэл түргэсэх, зүрх дэлсэх, цусны даралт багасах,  босоо байрлалд цусны даралт бага байх
Шээсний  боловсруулах, гадагшлуулах тогтолцоонд
- шээс гарахад хүндрэл бэрхшээлтэй болох, өвдөлттэй шээх, шээсний гарц ховордох
Мэдрэлийн эрхтэн тогтолцоонд
- нойрмоглох,  нозоорох, ядарч сульдах, толгой эргэх, орчин тойрон "эргэлдэх" мэдрэмж төрөх, унаж татах, гавал тархины дотоод даралт ихсэх (нүдний аяга орчмоор өвдөх, нүдний хараа бүүдийх, дагз руу өвдөх), толгой өвдөх, эмийн үйлдэлд дөжрөх (эмийн үр  нөлөө багасах) эсвэл эмийн хамаарал үүсэх (хэрэглээг зогсоомогц “үгүйлэх хам шинж” илрэх-жишээ нь гар хөл салгалах,  ихээр хөлрөх, зүрхний цохилт түргэсэх, амьсгаадах, цусны даралт ихсэх, өвдөлт мэдрэх гэх мэт)
Сэтгэцийн талаас гарах өөрчлөлт
- сэтгэл санааны байдал тогтворгүйтэх, сэтгэлийн дарамт, гутралд орох,  хий үзэгдэл (бодит бус зүйлийг харах эсвэл сонсох), тайван бус цочромтгой байдалд орох,  хар дарж зүүдлэх,  амьдралын идэвхгүй болох
Нүдний хараа
- бүүдийж бүдгэрнэ эсвэл  юм хоёрлож харагдана, хүүхэн хараа маш нарийсна
Бусад
- булчингийн сульдал,  бэлгийн дур хүсэл буурах, амьсгал давчдах, биеийн хэм багасах

Хэрэв танд дараах асуудлууд байдаг бол кодеин фосфатын шахмалыг хэрэглэхээс өмнө эмч, эм зүйчдээ хэлж зөвлөлгөө  аваарай. Үүнд

элэг ба бөөрний эмгэгтэй бол
бөөрний дээд булчирхайн эмгэг (Аддиссоны өвчин) эсвэл бөөрний дээд булчирхайн  хавдрын улмаас цусны даралт ихсэх (феохромоцитома) эмгэгтэй бол
цусан суулга  зэрэг гэдэсний  халдварт өвчтэй бол энэ бэлдмэлийг болгоомжтой хэрэглэнэ.

Машин жолоодох зэрэг осолтой ажил хөдөлмөр эрхлэхэд нөлөөлөх эсэх

Кодеин фосфатын шахмалыг хэрэглэсэн үед Таны нойр хүрч, ухаан бодол буюу анхаарал сарних эсвэл толгой эргэх, бие сульдах, хараа бүүдийх, эсвэл юм давхарлаж харагдах, эсвэл хий юм  харагдах шинж илэрч болзошгүй.  Тиймээс Та жолоо барих зэрэг  өндөр анхаарал, хурд шаардагдах осолтой хөдөлмөр хийхээсээ өмнө өөрийгөө сайтар хянаж, дээр дурьдсан шинжүүд илэрч байгаа эсэхийг анхааралтай ажиглах хэрэгтэй.

Жирэмсэн эхчүүдэд

хэрэв Танд энэ бэлдмэлийг эмчлэгч эмч тань зөвлөөгүй л бол өөрийн дураар бүү хэрэглэ. Жирэмсэн үедээ кодеиныг тогтмол хэрэглэсэн эхээс төрсөн нярайд абстинент хам шинж (кодеиныг үгүйлэх хам шинж) илэрч болзошгүй.

Хөхүүл эхчүүдэд

онц ноцтой шалтгаан гарахгүй л бол энэ эмийг дураараа бүү хэрэглэ. Учир нь кодеин  ба морфин нь хөхний сүүгээр гадагшилдаг.  
Хөхний сүүнд ялгаран гарах энэ эмийн түвшин, таны хүүхдэд аюул учруулахааргүй бага хэмжээнд байдаг учраас кодеин фосфатыг хэрэглэх нь ихэнх тохиолдолд  аюулгүй байдаг.  
Гэсэн хэдий ч,  гаж нөлөөг ихэсгэж  мэдэх өндөр эрсдэл бүхий зарим эмэгтэйчүүд  ямар ч бага тунгаар хэрэглэсэн  хөхний сүүнд нь илүү өндөр тунгаар нэвтрэн орж болдог.
Хэрэв  хэрэглэж байгаа  үед  Танд  болон таны хүүхдэд ямар нэгэн таагүй  гаж нөлөө  (дотор муухайрах,  огих бөөлжих, өтгөн хатах, хоолны дуршил буурах буюу огт байхгүй болох, ядарч сульдах, хэвийн хэмжээнээс илүү хугацаагаар унтах,  амьсгал өнгөц болох эсвэл хэм нь хэт удаашрах гэх мэт) илэрвэл бэлдмэлийн хэрэглээг шууд  зогсоож,  эмчид хандах хэрэгтэй.

КОДЕИН ФОСФАТ БЭЛДМЭЛИЙГ ХЭРХЭН ХАДГАЛАХ ВЭ?

Тасалгааны 30° C-с доош хэмд, нарны шууд тусгалаас хамгаалагдсан, хуурай нөхцөлд  хадгална.  Хадгалалтын хугацаа нь савлагаан дээр бичигдсэн. Хадгалалтын хугацаа дуусах хүлээгдэж буй хугацаа нь тухайн сарын эцсийн өдөр хамаарна. Хугацаа дууссан бэлдмэлийг хэрэглэхийг хориглоно. Хүүхэд хүрэхээргүй газарт хадгал.
Эмийн  үлдэгдлийг бохир усны суваг эсвэл ахуйн хог хаягдлыг цэгт хаяж зайлуулах ёсгүй. Түүнийг хэрхэн хаяж устгахыг тухайн орон нутгийн эмийн сангийн ажилтнаас  асууж зөв устга. Ингэснээр Та  байгаль орчныг хамгаалахад туслах болно.

НЭМЭЛТ МЭДЭЭЛЭЛ

Кодеины фосфатын найрлага
- Идэвхтэй үйлчлэгч бодис
  - Нэг шахмал бүрт 30 мг кодеин  фосфат  ВП агуулагдана.
- Туслах бодисууд
  - жижиг талстат целлюлоз,  натрийн метилпарабен, натрийн пропилпарабен, тальк, стеарат магни,  цардуулт натрийн гликолят, цахиурын коллоидон диоксид