Адриб (Adrib)
M/S Beta Drugs Limited
Эмийн хэлбэр
Тарьж хэрэглэх лиофилизжүүлсэн нунтаг
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
Олон улсын нэршил
Тун ба савлагааны хувилбарууд
Үнийн мэдээлэл одоогоор шинэчлэгдэж байна.
Хэрэглэх заалт
- Эсийн митоз хуваагдлын эсрэг болон эс хордуулагч үйлдэлтэй бэлдмэл юм. Доксорубициныг цочмог лейкеми, лимфома, зөөлөн эд ба ясны саркома, хүүхдийн хорт хавдар ба насанд хүрэгсдийн хавдар (ялангуяа хөх болон уушгины карцинома) зэрэг хавдрын эсрэг өргөн хэрэглэж байна. Мөн доксорубицин бэлдмэлийг эс хордуулагч бусад эмийн бэлдмэлүүдийн хамт химийн эмчилгээнд цогцоор нь өргөн хэрэглэдэг. Доксорубициныг бактерийн эсрэг бэлдмэл болгон хэрэглэж болохгүй.
Эсрэг заалт
- Бэлдмэлийг доксорубицин ба бэлдмэлийн найрлага дахь аль нэг бодист болон бусад антрациклин ба антраценедионуудад хэт мэдрэгшлийн өгүүлэмжтэй тохиолдолд хэрэглэхийг хориглоно.
- Дараах тохиолдолд венийн судсанд тарьж хэрэглэхийг хориглоно.
- Ужиг явцтай ясны хэм дарангуйлагдсан тохиолдолд
- Хүнд хэлбэрийн элэгний үйл ажиллагааны өөрчлөлт
- Хүнд хэлбэрийн зүрхний үйл ажиллагааны дутагдал
- Зүрхний шигдээс үүсээд удаагүй байгаа үе
- Хүнд хэлбэрийн зүрхний хэм алдагдал
- Өмнө нь доксорубицин, даунорубицин, эпирубицин, идарубицин, бусад антрациклин ба антраценедионыг хамгийн өндөр тунгаар эмчилгээнд хэрэглэсэн тохиолдолд тус тус хориглоно.
- Хэрэглэх үеийн онцгой анхааруулга ба болгоомжлол:
- Доксорубициныг зөвхөн эс хордуулагч эмийн эмчилгээ хийх туршлагатай эмчийн нарийн хяналтан дор хэрэглэнэ.
- Доксорубицин бэлдмэлийн эмчилгээг эхлэхийн өмнө өвчтөнг өмнөх эс хордуулах эмчилгээний цочмог хордлогоос (амны үрэвсэл, цусан дахь нейтрофиль ба тромбоцитын тоо цөөрөх, ерөнхий халдвар зэрэг) гаргасан байна.
- Доксорубицины системийн клиренс таргалалттай өвчтөнд буурдаг (өөрөөр хэлбэл биеийн жин >130%). (4.2 Хэрэглэх арга, тун хэсгээс үзнэ үү).
- Бусад эмийн бэлдмэлүүдийн харилцан үйлчлэлцэл ба харилцан үйлчлэлийн бусад хэлбэрүүд:
- Циклоспорин бэлдмэлийг өндөр тунгаар хэрэглэхэд доксорубицины цусны сийвэн дэх түвшин болон ясны хэмийг хордуулах нөлөө нь ихэсэж болно.
- Доксорубицин бэлдмэлийг ихэвчлэн эс хордуулагч бусад бэлдмэлүүдтэй хавсарч хэрэглэдэг. Нэмэлт хордуулах нөлөө гол төлөв ясны хэм/цус ба хоол боловсруулах замын зүгээс илэрдэг. (4.4 Хэрэглэх үеийн онцгой анхааруулга ба болгоомжлол хэсгээс үзнэ үү).
- Доксорубициныг зүрхэнд хортой нөлөө үзүүлдэг бусад бэлдмэлүүдийн хамт химийн эмчилгээнд хавсран хэрэглэх, түүнчлэн зүрхэнд идэвхтэй үйлчлэх бусад бэлдмэлүүдтэй (кальцийн сувгийг хориглогч гэх мэт) хамт хэрэглэх үедээ эмчилгээний туршид зүрхний үйл ажиллагааг бүрэн хянах шаардлагатай.
- Хавсарсан эмчилгээний улмаас үүссэн элэгний үйл ажиллагааны өөрчлөлт нь доксорубицины метаболизм, фармакокинетик, эмчилгээний үр нөлөө ба хордлого үүсэхэд нөлөөлж болох юм.
- Доксорубициныг хэрэглэхийн өмнө паклитаксел бэлдмэлийг хэрэглэсэн тохиолдолд доксорубицин ба түүний метаболитын сийвэнгийн концентраци ихэснэ. Зарим баримт мэдээлэлд доксорубициныг паклитакселийн өмнө хэрэглэхэд маш бага хэмжээний ихсэлт ажиглагддаг гэж үздэг.
- Эмнэлзүйн судалгаагаар доксорубицинтай хамт сорафинибийг 400мг тунгаар өдөрт 2 удаа хэрэглэхэд доксорубицины AUC 21%-р нэмэгддэг болох нь ажиглагдаж байсан. Энэ үзүүлэлтийн эмнэлзүйн ач холбогдол нь тодорхойгүй байна.