Анакосинум (Anacosinum)

Шээсний хүчил цусанд ихсэх буюу гиперурикемийн улмаас үе хооронд шээсний хүчлийн давс уратын талст хэлбэрээр хуримтлагдан эмнэлзүйд үений өвдөлт, гэмтлээр илрэх эмгэгийг тулай гэнэ. Тулай нь зонхилон тохиолдох талсжилтаас үүсэх үений үрэвслийн дийлэнх хувийг эзэлдэг. Шээсний хүчил цусанд ихсэхийн хэрээр тулай үүсэх эрсдэл нэмэгдэх ба эмнэл зүйд ихэвчлэн Подагра (хөлийн эрхий хуруу угийн үе цочмогоор үрэвсэж, хэсэг газар улайж хавдах) хэлбэрээр илэрдэг.

Шээсний хүчил нь пурины задралын бүтээгдэхүүн бөгөөд 80% нь бөөрөөр ялгардаг. Пурин нь хоол хүнстэй хамт биед орох эсвэл биеийн эсүүдийн задралын дүнд үүсдэг.

Эмчилгээнд эхний сонголтоор өвдөлт намдаах зорилгоор ҮЭДБЭ-г (Үрэслийн эсрэг дааврын бус эм) түүнчлэн шээсний хүчлийг буулгахаар Ксантин оксидазын ингибитор буюу Аллопуринол сонгон хэрэглэдэг.