ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ
Үнийн дээд хязгаар: 2480
ЭМД хөнгөлөх хэмжээ: 744
Даатгуулагч төлөх дүн: 1736
Эмчийн ангилал:
B, C, D
Азитромицин нь макролидын бүлгийн антибиотикуудын нэг юм. Үүнийг дараах зарим бактери болон бусад бичил биетнээр үүсгэгдсэн халдварын эмчилгээнд хэрэглэнэ.
- Цээж, хоолой, эсвэл хамрын халдварууд (жишээлбэл гуурсан хоолойн үрэвсэл, уушигны үрэвсэл, гүйлсэн булчирхайн үрэвсэл, хоолой өвдөх [залгиурын үрэвсэл], болон синусит)
- Чихний халдварууд
- Арьс ба зөөлөн эдийн халдварууд (жишээлбэл буглаа эсвэл хатиг)
- Хламид (Chlamydia trachomatis), гонококк (Neisseria gonorrhoeae) зэрэг бичил биетнээр үүсгэгдсэн бэлгийн замын өвчнүүд
Антибиотикуудыг хэрэглэх үедээ бактерийн эсрэг бодисуудыг зохистой хэрэглэх талаарх албан ёсны/орон нутгийн удирдамжийг баримталж хэрэглэх ёстой.
- Хэрэв азитромицин, эритромицин эсвэл кетолид болон макролидын бүлэгт хамаарагдах ямар нэг антибиотикт харшилтай бол
- Хэрэв энэхүү эмийн дараах найрлага дах ямар нэг бодист харшилтай бол
- Шахмалын цөм: Кальцийн гидроген фосфат, бичил талст целлулоз, гипролоз, натрийн додецил сульфат, натрийн карбоксиметилын цардуул (А хэлбэр), натрийн стеарилын фумарат.
- Шахмалын бүрхүүл: Гипромеллоз, макрогол 6000, тальк, титанийн диоксид.
Энэхүү эмийг үргэлж эмчийн зааврын дагуу хэрэглэнэ.
Зөвлөж буй тун
- Насанд хүрэгсэд ба 45 кг-аас дээш жинтэй өсвөр насныханд
- Цээж, хоолой, хамрын халдварууд, чихний халдварууд, арьс зөөлөн эдийн халдваруудын үед
- Нийт тун нь 1500мг азитромицин бөгөөд үүнийг нэг бол 3 өдөр хувааж эсвэл 5 өдөр хувааж хэрэглэнэ.
- 3 өдрийн курс
- 2 ширхэг хальсан бүрхүүлтэй шахмалыг өдөрт нэг удаа (250мг азитромицин) 3 өдрийн турш хэрэглэнэ.
- 5 өдрийн курс
- Өөрөөр хэлбэл нийт тунг 5 өдөр хэрэглэх буюу эхний өдөр 2 хальсан бүрхүүлтэй шахмал (500мг азитромицинтэй дүйцнэ)-ыг ууна, дараагийн өдрөөс 1 хальсан бүрхүүлтэй шахмал (250мг азитромицин)-ыг 4 өдөр хэрэглэнэ.
Бэлгийн замын өвчний үед
- Chlamydia trachomatis-р үүсгэгдсэн өвчний үед азитромициныг 1000мг тунгаар хоногт 1 удаа ууж хэрэглэнэ.
- Neisseria gonorrhoeae-р үүсгэгдсэн өвчний үед азитромициныг 1000мг эсвэл 2000мг-р мөн 250мг эсвэл 500мг цефтриаксонтай хамт хослуулан хэрэглэхийг зөвлөсөн бөгөөд орон нутгийн эмчилгээний удирдамжийг баримтлан хэрэглэнэ. Хэрэв та пенициллин болон цефалоспоринуудад харшилтай бол таны эмч орон нутгийн эмчилгээний удирдамжтай сайтар танилцах ёстой.
Бөөрний үйл ажиллагааны өөрчлөлттэй өвчтөн
- Бөөрний хөнгөн болон дунд зэргийн явцтай өөрчлөлтийн (бөөрний түүдгэнцрийн фильтрацийн хурд буюу GFR 10-80 мл/мин) үед бэлдмэлийн тунг өөрчлөх шаардлагагүй.
Элэгний үйл ажиллагааны өөрчлөлттэй өвчтөн
- Элэгний хөнгөн болон дунд зэргийн явцтай өөрчлөлтийн үед бэлдмэлийн тунг өөрчлөх шаардлагагүй.
- Хэрэв элэг эсвэл бөөрний өвчтэй бол эхлээд эмчлэгч эмчдээ хэлэх хэрэгтэй. Тэгээд таны эмч шаардлагатай тунг тохируулж өгнө.
Хүүхэд ба өсвөр насныхан
- 45 кг-аас бага жинтэй хүүхэд, өсвөр насныханд азитромицины бусад эмийн хэлбэрийг (жишээ нь хөвмөл) хэрэглэнэ.
Өндөр настай өвчтөнүүд
- Өндөр настай өвчтөнд насанд хүрэгсэдтэй ижил тунгаар хэрэглэнэ. Настангууд зүрхний хүнд хэлбэрийн хэм алдагдал бүхий (пируэт хэлбэрийн хэм алдагдал) өвчнүүдэд залуу өвчтөнүүдийг бодвол илүү мэдрэг тул болгоомжтой хэрэглэнэ.
Хэрэглэх арга
- Азитро-Денкийг хоолноос хамааралгүй хэрэглэнэ. Хальсан бүрхүүлтэй шахмалыг шингэнээр даруулан залгиж уух ёстой. Шахмалыг ижил тунгаар хувааж болно.
Хэрэглэх хугацаа
- Азитро-Денкийг 3 өдрийн эмчилгээний горимд 3 хоногийн турш эсвэл 5 өдрийн эмчилгээний горимд 5 хоногийн турш хэрэглэдэг (Тунгийн хэсгээс үзнэ үү).
- Уушигны үрэвслийн (пневмони) эмчилгээнд азитромициныг 5 өдрийн турш хэрэглэх нь үр дүнтэй болох нь батлагдсан. Ихэнх тохиолдолд 3 өдрийн эмчилгээ нь хангалттай байдаг.
- Хэрэв танд Азитро-Денкийн үйлдлийн нөлөө маш хүчтэй эсвэл маш сул санагдаж байвал эмчлэгч эмч болон эм зүйчдээ хэлэх хэрэгтэй.
Бүх эмийн адил гаж нөлөө илрэх ба гэхдээ хүн бүрт илрэхгүй байж болно. Бэлдмэлийн гаж нөлөөний давтамжийг дараах байдлаар үнэлсэн
| Нийтлэг илрэх | 10 өвчтөнд 1-ээс олон тохиолдох |
| Олонтаа илрэх | 10 өвчтөнд 1 хүртэл тохиолдох |
| Хааяа илрэх | 100 өвчтөнд 1 хүртэл тохиолдох |
| Ховор илрэх | 1000 өвчтөнд 1 хүртэл тохиолдох |
| Маш ховор илрэх | 10000 өвчтөнд 1 хүртэл тохиолдох |
| Давтамж тодорхойгүй илрэх | Байгаа мэдээллээс тооцох боломжгүй |
Таны анхаарал хандуулах ёстой гол гаж нөлөөнүүд болон шинж тэмдэгүүд, тэднийг юу нэмэгдүүлж болох талаар
- Зарим тохиолдолд маш ховор тохиолддог гаж нөлөө нь амь насанд аюултай байж болзошгүй. Хэрэв доорх жагсаалтад орсон гаж нөлөө илэрвэл Азитро-Денкийг хэрэглэхээ зогсоон яаралтай эмчлэгч эмчээсээ зөвлөгөө авах хэрэгтэй.
- Хүнд явцтай хэт мэдрэгшлийн харшлын урвал (жишээ нь анафилакси)
- Ховор тохиолдолд амь насанд аюултай харшлын урвал (жишээ нь анафилаксийн шок) илэрвэл яаралтай Азитро-Денкийн эмчилгээг зогсоож яаралтай тусламжийн бүх арга хэмжээг (жишээ нь шаардлагатай тохиолдолд хиймэл амьсгал хийх мөн гистамины эсрэг бэлдмэлүүд хэрэглэх, кортикостероидууд, симпатомиметикууд) авах ёстой.
Бусад илэрч болзошгүй гаж нөлөөнүүд
- Халдварын болон шимэгчийн эмгэг
- Хааяа илрэх: мөөгөнцөртөх өвчнүүд (жишээ нь кандидоз, ам гэмтэх), үтрээний халдвар (үтрээний үрэвсэл), уушигны үрэвсэл (пневмони), бактерийн өвчнүүд, хоолойн салст бүрхүүлийн үрэвсэл(залгиурын үрэвсэл), ходоод гэдэсний үрэвсэл (гастроэнтерит), амьсгалын замын халдварууд, ханиад (хамрын үрэвсэл).
- Давтамж тодорхойгүй илрэх: Бүдүүн гэдэсний үрэвсэл (бүдүүн гэдэсний хуурамч мембрант үрэвсэл)
Цус ба тунгалагийн системийн зүгээс илрэх өөрчлөлт
- Хааяа илрэх: Цусны дүрст элементүүдийн тоо өөрчлөгддөг (Лейкоцит, нейтрофилын тоо цөөрөх, эозинофилын тоо ихсэх).
- Давтамж тодорхойгүй илрэх: Цусны дүрст элементүүдийн тоо өөрчлөгддөг (тромбоцитын тоо цөөрөх, цус задралын цус багадалт)
Дархлааны системийн зүгээс илрэх өөрчлөлт
- Хааяа илрэх: хавагнах, арьсанд шингэн хуримтлагдах (судасны хаван), хэт мэдрэгшлийн урвалууд
- Давтамж тодорхойгүй илрэх: Хүнд явцтай (зарим тохиолдолд амь насанд аюултай) хэт мэдрэгшлийн урвалууд (анафилаксийн урвалууд)
Бодисын солилцоо, тэжээлийн өөрчлөлт
- Хааяа: хоолонд дургүй болох (анорекси)
Сэтгэцийн өөрчлөлт
- Хааяа илрэх: Сэрэмтгий болох, нойргүйдэх
- Ховор илрэх: Хөөрлийн байдалд орох (түгшүүр)
- Давтамж тодорхойгүй илрэх: түрэмгий байдал, түгшүүрэл, төөрөгдөх (делирии), хий юм харах
Мэдрэлийн системийн зүгээс илрэх өөрчлөлт
- Олонтаа илрэх: Толгой өвдөх
- Хааяа илрэх: Толгой эргэх, нойрмоглох, амтлах мэдрэхүй өөрчлөгдөх, биеийн мэдрэхүй алдагдах (парастези)
- Давтамж тодорхойгүй илрэх: муужрах (синкопи), таталдаа, мэдрэхүй багасах (гипостези), хэт хөдөлгөөнтөх (сэтгэл хөдлөлийн хөөрөл), амтлах үнэрлэх мэдрэхүй буурах, үнэрлэх мэдрэхүйн өвчин (паросми), булчин сульдал (грейвсийн миоастени)
Харааны эрхтний зүгээс илрэх өөрчлөлт
- Хааяа илрэх: хараа өөрчлөгдөх
Сонсгол ба тэнцвэрийн эрхтний зүгээс илрэх өөрчлөлт
- Хааяа илрэх: чихний өвчин, тэнцвэрийн шалтгаант толгой эргэх (вертиго)
- Давтамж тодорхойгүй илрэх: сонсгол өөрчлөгдөх, дүлийрэх чих шуугихыг оруулаад
Зүрхний зүгээс илрэх өөрчлөлт
- Хааяа илрэх: Зүрх хүчтэй дэлсэх
- Давтамж тодорхойгүй илрэх: Зүрхний хэм алдагдлын өвчнүүд (пируэт хэлбэрийн ховдлын тахикардийн хэм алдагдлыг оруулаад), зүрхний цахилгаан бичлэгт өвөрмөц сегментийн уртсал (QT интервалын уртсах).
Судасны зүгээс илрэх өөрчлөлт
- Хааяа илрэх: Нүүр улайх
- Давтамж тодорхойгүй илрэх: Цусны даралт буурах (гипотензи)
Амьсгалын систем, цээж, голтын эрхтний зүгээс илрэх өөрчлөлт:
- Хааяа илрэх: Амьсгаадах (диспноэ), хамраас цус гарах
Хоол боловсруулах замын зүгээс илрэх өөрчлөлт
- Нийтлэг илрэх: суулгалт
- Олонтаа илрэх: бөөлжих, хэвлийгээр өвдөх, дотор муухайрах
- Хааяа илрэх: өтгөн хатах, гэдэс дүүрэх, хоол боловсруулах үйл ажиллагаа хямрах (диспепси), горойх (дисфаги), ходоодны салст бүрхүүлийн үрэвсэл (гастрит), хэвлий цэрийх, ам хатах, хэхрэх, ам шархлах, шүлс ихээр ялгарах, хэлбэржээгүй суулгалт.
- Давтамж тодорхойгүй илрэх: хэлний өнгө өөрчлөгдөх, нойр булчирхайн үрэвсэл (панкреатит)
Элэг ба цөс ялгаруулах замын зүгээс илрэх өөрчлөлт
- Ховор илрэх: Элэгний үйл ажиллагаа өөрчлөгдөх, шарлалт, цөс зогсонгшил (холестаз)
- Давтамж тодорхойгүй илрэх: элэгний дутагдал (ховор тохиолдолд нас баралтаар төгсөх), элэгний үрэвсэл (гепатит), элэгний өвөрмөц гэмтэл (түргэн явцтай элэгний үхжил)
Арьс ба арьсан доорх эдийн зүгээс илрэх өөрчлөлт
- Хааяа илрэх: тууралт, арьс загатнах, чонон хөрвөс, арьсны үрэвсэл (дерматит), арьс хуурайших, хөлс ихээр ялгарах
- Ховор илрэх: гэрэлд мэдрэгших, цочмог явцтай экзантем хэлбэрийн тархмал пустулез.
- Маш ховор илрэх: системийн шинж болон эозинофил бүхий эмийн шалтгаант тууралт (DRESS синдром)
- Давтамж тодорхойгүй илрэх: Арьсны ноцтой урвалууд (Стивенс-Джонсоны хам шинж, эпидермийн хордлогот үхжил, олон хэлбэрийн улайрал)
Яс булчин, холбогч эдийн зүгээс илрэх өөрчлөлт
- Хааяа илрэх: остеоартрит, булчин өвдөх, нуруу өвдөх, хүзүү өвдөх
- Давтамж тодорхойгүй илрэх: үений өвдөлт (артралги)
Бөөр ба шээс ялгаруулах замын зүгээс илрэх өөрчлөлт
- Хааяа илрэх: шээхэд өвдөх (дизури), бөөр өвдөх
- Давтамж тодорхойгүй илрэх: бөөрний үрэвсэл (бөөрний завсрын эдийн үрэвсэл), бөөрний цочмог дутагдал
Бэлгийн эрхтэн систем, хөхний булчирхайн зүгээс илрэх өөрчлөлт
- Хааяа илрэх: сарын тэмдгийн өөрчлөлт (умайн цус алдалт), төмсөгний эмгэг
Ерөнхий хямрал ба хэрэглэсэн хэсэгт илрэх өөрчлөлт
- Хааяа илрэх: хаван (ховор тохиолдолд аюултай), сульдах (астени), сэтгэл санаа тайван бус болох, ядрах, нүүрний хаван, цээж орчмоор өвдөх, халуурах, өвдөлт захын хаван
Лабораторийн шинжилгээний өөрчлөлт
- Олонтаа илрэх: лимфоцитын тоо цөөрөх, базофиль, моноцит, нейтрофиль, эозинофилийн тоо олшрох, цусан дахь бикарбонатын агууламж багасах
- Хааяа илрэх: цусан дахь аспартат аминотрансфераз, аланин аминотрансфераз, билирубин, мочевин, креатинин, шүлтлэг фосфатаз, хлор, глюкоз, бикарбонатын төвшин ихсэх, тромбоцитын тоо олшрох, гематокрит багасах, цусан дахь натри калийн концентраци өөрчлөгдөх.
Гэмтэл ба хордлого
- Хааяа илрэх: Ажилбар хийсний дараах хүндрэл
Эмнэлзүйн судалгаа болон худалдаанд гарсны дараах ажиглалтад дээр үндэслэн Mycobacterium avium-ын бүрдлийн эмчилгээ болон урьдчилан сэргийлэлттэй холбоотой илэрч болох гаж нөлөө.
Эдгээр гаж нөлөө нь эмийн бодис нь түргэн болон удаан чөлөөлөгддөг эмийн хэлбэрийг хэрэглэх үед илэрдэг гаж нөлөөтэй харьцуулбал шинж болон давтамжаараа ялгаатай байдаг.
Бодисын солилцоо ба тэжээлийн өөрчлөлт
- Хааяа: хоолонд дургүй болох (анорекси)
Мэдрэлийн системийн зүгээс илрэх өөрчлөлт
- Олонтаа илрэх: Толгой өвдөх, толгой эргэх, биеийн мэдрэхүй алдагдах (парастези), амтлах мэдрэхүй өөрчлөгдөх
- Ховор: мэдрэхүй багасах (гипостези)
Харааны эрхтний зүгээс илрэх өөрчлөлт
- Олонтаа илрэх: хараа өөрчлөлт
Сонсгол ба тэнцвэрийн эрхтний зүгээс илрэх өөрчлөлт
- Олонтаа илрэх: Сонсгол муудах
- Ховор илрэх: сонсгол өөрчлөгдөх, чих шуугих
Зүрхний зүгээс илрэх өөрчлөлт
- Ховор илрэх: Зүрх хүчтэй дэлсэх
Ходоод гэдэсний замын зүгээс илрэх өөрчлөлт
- Нийтлэг илрэх: суулгалт, хэвлийгээр өвдөх, дотор муухайрах, гэдэс дүүрэх, хэвлий орчим эвгүйрхэх, хэлбэржээгүй суулгалт
Элэг ба цөс ялгаруулах замын зүгээс илрэх өөрчлөлт
- Ховор илрэх: элэгний үрэвсэл (гепатит)
Арьс ба арьсан доорх эдийн зүгээс илрэх өөрчлөлт
- Олонтаа илрэх: тууралт, загатнаа
- Ховор илрэх: гэрэлд мэдрэгших, Стивенс-Джонсоны хам шинж
Яс булчин, холбогч эдийн зүгээс илрэх өөрчлөлт
- Олонтаа илрэх: үений өвдөлт (артралги)
Ерөнхий хямрал ба хэрэглэсэн хэсэгт илрэх өөрчлөлт
- Олонтаа илрэх: Ядрах
- Ховор илрэх: сульдаа, сэтгэл санаа тайван биш болох
Гаж нөлөөг мэдээлэх
- Хэрэв танд энэхүү эмийн танилцуулгын жагсаалтад ороогүй ямар нэгэн гаж нөлөө ажиглагдвал эмчлэгч эмч эсвэл эм зүйчдээ хэлэх хэрэгтэй.
Хэрэв та өөр эм хэрэглэх гэж байгаа эсвэл саяхан хэрэглэсэн бол эмч, эм зүйчдээ мэдэгдэх хэрэгтэй.
Макролидын бүлгийн антибиотикууд төрөл бүрийн эмүүдтэй янз бүрийн харилцан үйлчлэл үүсгэх боломжтой бөгөөд ялангуяа элгэнд нөлөөлж болно. Тиймээс хүсээгүй гаж нөлөө илрэх шалтгаан болно. Азитромицин нь эмнүүдтэй харилцан адилгүй үйлчлэх бөгөөд харин зарим талаараа хангалтгүй байдаг. Үүнд:
- Дигидроэрготамин эсвэл усгүйжүүлсэн эргот алкалоидуудын судас агшаах нөлөөний улмаас үүссэн гар хөлийн хурууны цусны эргэлтийн өвчнүүдийн үед аюулгүй байдлын үүднээс Азидро-Денкийг хэрэглэхгүй ч байж болно.
- Дигоксин (зүрхний дутагдлыг эмчлэхэд)-ны төвшинг нэмэгдүүлж гэдсэн дэх үйлдлийг саатуулж болно.
- Колхицин ( халуун орны халууралт болон тулай өвчний үед хэрэглэдэг.)
- Циклоспориныг дангаар хэрэглэсэн үед төвшинг хянах ёстой бөгөөд хэрвээ азитромицинтэй хамт хэрэглэсэн тохиолдолд тунг тохируулах шаардлагатай
- Зидовудин, азитромицинээр үр дүн нь нэмэгддэг.
- Рифабутин. Азитромицин ба рифабутиныг хамт хэрэглэж байгаа үед цусны дүрст элементүүдийн тоо хэмжээний өөрчлөлт ажиглагдсан (цус ба лимфийн өвчин гэсэн 4-р хэсгээс үзнэ үү).
Макролидийн бүлгийн антибиотик (жишээ нь эритромицин) ба азитромицинд, түүнчлэн линкомицин болон клиндамицинд хавсарсан тэсвэржилт үүсэж болохыг анхаарах хэрэгтэй. Тиймээс нэг бүлэгт хамаарах хэд хэдэн эмийн бэлдмэлийг хамт хэрэглэхийг зөвлөхгүй.
Үүний эсрэгээр, макролидуудыг хамт хэрэглэснээр мэдэгдэж буй харилцан үйлчлэл нь доор жагсаасан бэлдмэлүүдэд хамаарахгүй болно.
- Теофиллин. Азитромициныг теофиллинтэй хамт хэрэглэх үедээ аюулгүй байдлын үүднээс теофиллины төвшин нэмэгдсэнтэй холбоотой шинж тэмдэгүүд гарч буй эсэхийг ажиглах хэрэгтэй.
- Варфарин. Кумарины төрлийн уух зориулттай антикоагулянтууд болон азитромициныг хамт хэрэглэх үед антикоагулянтуудын төвшин нэмэгдсэн талаар мэдээлэгдсэн. Гэвч энэ нь хамт хэрэглэсэнтэй холбоотой эсэх нь батлагдаагүй бөгөөд хэрэглэх давтамж болон протромбины хугацааг хянах хэрэгтэй.
- Терфенадин. Харилцан үйлчлэлийн боломж бүхэлдээ болохгүй байх тохиолдол ховор мэдээлэгдсэн. Гэсэн хэдий ч ийм харилцан үйлчлэлийн тодорхой нотолгоо олдохгүй байж болно. Азитро-Денкийг терфенадинтай хамт болгоомжтой хэрэглэнэ.
- Ходоодны хүчил саармагжуулах бодисууд. Азитромициныг ходоодны хүчил саармагжуулах бодисуудтай хамт хэрэглэсэн үед тэдгээр бэлдмэлүүд азитромицины биохүртэхүйг өөрчлөхгүйгээр сийвэнгийн дээд концентрацийг бууруулсан. Тиймээс та Азитро-Денк болон ходоодны хүчил саармагжуулах бодисуудыг хэрэглэхдээ хооронд нь 2-3 цагийн зайтай хэрэглэх хэрэгтэй.
- Циметидин нь азитромицины шимэгдэлтийн хэмжээ болон үзүүлэлтэнд нь нөлөөлдөггүй. Тиймээс Азитро-Денктэй энэхүү бэлдмэлийг хамт хэрэглэж болно.
- Диданозин. Азитромицины үр дүнд нөлөөлдөггүй.
- Нелфинавир. Азитромицины концентрацийг нэмэгдүүлдэг. Гаж нөлөө ажиглагдаагүй бөгөөд тунг тохируулах шаардлагагүй.
Азитро-Денкийг QT интервал уртасгах үйлдэлтэй бусад эмийн бэлдмэлтэй хамт хэрэглэхгүй.
Эмнэлзүйн туршилт судалгаагаар азитромицин дараах эмийн бэлдмэлүүдтэй харилцан үйлчлэл үзүүлдэггүй: Аторвастатин (Булчингийн өвчин [рабдомиолиз]-тэй өвчтөнүүдэд азитромициныг олон төрлийн статины бүлгийн эмүүдтэй хавсруулан хэрэглэсэн туршлагаас мэдээлэгдсэн), карбамазепин, цетиризин, эфавиренз, флуконазол, индинавир, метилпреднизолон, мидазолам, силденафил, триазолам болон триметоприм/сулфаметоксазол. Гэсэн хэдий ч Азитро-Денкийг эдгээр бэлдмэлүүдтэй хамт болгоомжтой хэрэглэх ёстой.
Жолоо барих ба машин механизмтай ажиллах
- Бэлдмэл жолоо барих болон машин механизмтай ажиллах чадварт нөлөөлж болох талаар мэдээлэл байдаггүй. Гэвч зарим гаж нөлөө(“Илэрч болзошгүй гаж нөлөө” 4-р хэсгээс харна уу)-ний улмаас жолоо барих болон машин механизмтай ажиллах чадварыг өөрчилж болзошгүй.
Доорх тохиолдолд Азитро-Денкийг хэрэглэхээс өмнө эмчлэгч эмч болон эм зүйчид мэдэгдэнэ.
- Хэрэв таны элэгний үйл ажиллагаа хүнд хэлбэрийн гэмтэлтэй (Ялангуяа элэгний суурь эмгэгтэй эсвэл өөр эм ууж элгэнд нөлөөлсөн). Энэ тохиолдолд эмчлэгч эмч Азитро-Денкийг зайлшгүй хэрэглэх шаардлагатай гэж үзвэл эмчилгээний турш таны элэгний үйл ажиллагааг хянана. Хэрэв Азитро-Денкээр эмчилж байх үед гэнэт сульдаа болсон юм шиг мэдрэмж төрөх, мөн нүдний цагаан хэсэг болон арьс шарлах, шээс хар өнгөтэй болох, цус амархан гарах зэрэг шинж тэмдэгүүд илэрвэл Азитро-Денк эмчилгээг зогсоож эмчлэгч эмчид хандана.
- Хэрэв таны бөөрний үйл ажиллагаа гэмтсэн (түүдгэнцрийн филтраци зэрэг<10мл/мин).
- Хэрэв та мэдрэлийн болон сэтгэцийн эмгэгээр өвддөг бол
- Мөн та эргот алкалоидууд хэрэглэж байгаа бол. Эргот алкалоидуудыг азитромицинтэй нэгэн зэрэг хамт хэрэглэж болохгүй, макролидын бүлгийн антибиотикуудыг эргот алкалоидуудтай хамт хэрэглэвэл эргот алкалоидуудын хордлогын шинж тэмдгийг нэмэгдүүлдэг. (эрготизм)
- Хэрэв та зүрхний хэм алдагдалтай бол болгоомжтой хэрэглэнэ. Макролидын бүлгийн бусад антибиотикыг хэрэглэх үед зүрхний реполяризацийн хугацаа болон QT интервал уртассан талаар тэмдэглэгдсэн байдаг ба энэ үед “пируэт” хэлбэрийн ховдлын тахикарди, зүрхний хэмнэл алдагдах эрсдэл нэмэгддэг байна. Үүнтэй төстэй үр нөлөө азитромициныг хэрэглэж байх үед илрэх бүрэн боломжтой. (4-р хэсгээс үзнэ үү)
Түүнчлэн
- QT интервал уртсалттай өвчтөнд Азитро-Денкийг хэрэглэхгүй.
- Азитро-Денкийг бусад QT интервал уртсгадаг зарим аритмын эсрэг эмүүд цизаприд, терфенадин, зарим солиорлын эсрэг эмүүд, сэтгэл уналтын эсрэг эмүүд болон фторхинолины бүлгийн антибиотикуудтай хамт хэрэглэхгүй.
- Азитро-Денкийг электролитын тэнцвэр алдагдсан буюу ялангуяа кали, магнийн төвшин буурсан өвчтөнд хэрэглэхгүй.
- Азитро-Денкийг зарим зүрхний өвчин (эмнэлзүйтэй холбоотой брадикарди, зүрхний аритми эсвэл хүнд хэлбэрийн зүрхний дутагдал), түүнчлэн проаритмитай өндөр настан, эмэгтэйчүүдэд хэрэглэхгүй.
- Азитро-Денкийг өндөр настай хүмүүст болгоомжтой хэрэглэнэ: Өндөр настай өвчтөнүүд эмээр үүсгэгдсэн QT интервалын нөлөөнд илүү мэдрэмтгий байдаг.
- Эритромицинд тэсвэртэй грам-эерэг бактерийн халдвар, метициллинд тэсвэртэй стафилококкын халдварын үед Азитро-Денкийг хэрэглэхгүй.
Макролидын бүлгийн антибиотикууд (азитромицин энэ бүлэгт хамаарагдана)-ын эмчилгээний үед бүдүүн гэдэсний хуурамч мембрант үрэвсэл (зогсолтгүй хүнд хэлбэрийн суулгалт бүхий амь насанд аюултай бүдүүн гэдэсний үрэвсэл) илэрсэн талаар мэдээлэгдсэн байдаг. Хэрэв азитромицин эмчилгээний дараа суулгалт нэмэгдвэл энэ талаар анхаарал хандуулах хэрэгтэй.
Хэрэв танд Азитро-Денк эмчилгээний дараа (2 сар хүртэл) эсвэл эмчилгээний үед зогсолтгүй хүнд хэлбэрийн суулгалт илэрвэл нэн даруй эмчдээ мэдэгдэх хэрэгтэй.
Азитромицины эмчилгээний үед давшингуй явцтай булчингийн өвчин (грейвсийн булчин сульдал) илэрч байсан талаар мэдээлэгдсэн.
Азитромицинээр эмчлүүлж байсан өвчтөнүүдэд ховор тохиолдолд хавагнах, арьсанд шингэн хадгалагдах (судасны хаван), цусны даралт буурах, толгой эргэх, дотор муухайрах, мөн амьсгал цөөрөх (анафилакс), түүнчлэн арьсны хүнд хэлбэрийн урвалууд зэрэг харшлын ноцтой уравлууд илэрдэг талаар мэдээлэгдсэн. Эдгээр урвалуудын заримтай холбоо бүхий архаг явцтай шинж тэмдэгүүд нь удаан хугацааны эмчилгээ болон ажиглалтыг шаарддаг. Хэрэв хэт мэдрэгшлийн урвал (харшлын урвал) ажиглагдвал яаралтай эмчдээ мэдэгдэнэ. Азитро-Денкийг хэрэглэхийг зогсоож, тохиромжтой эмчилгээг эхлүүлнэ.
Хүүхэд ба өсвөр насныхан
- Азитро-Денкийн идэвхтэй бодис (төрсний дараах эхний 42 хоногийн эмчилгээ) азитромициныг хэрэглэсний дараа шинэ төрсөн хүүхдэд (нялхсын ходоодны нугалуур хэсэг зузаарч нарийсах, IHPS) ходоодны гарах хэсгийн талбайн нарийсалт үүссэн талаар мэдээлэгдсэн. Хэрэв таны хүүхэд болон өөр хэн нэгний хүүхэд хоолондоо дургүй эсвэл бөөлжих шинж тэмдэг илэрвэл даруй эмчдээ мэдэгдэнэ үү.
Хэрэв Азитро-Денк бэлдмэлийн тунг хэтрүүлсэн тохиолдолд
- Эмчлэгч эмчдээ хэлэх эсвэл хамгийн ойр орших эмнэлгийн яаралтай тусламжийн тасагт даруй очих хэрэгтэй. Тун хэтэрсний улмаас илрэх үндсэн шинж тэмдэгт түр зуурын сонсголгүй болох, хүнд явцтай дотор муухайрах, бөөлжих, суулгах зэрэг шинж хамаарна.
Хэрэв Азитро-Денк бэлдмэлийг хэрэглэхээ мартсан тохиолдолд
- Хэрэв Азитро-Денкийг маш бага хэмжээгээр хэрэглэж байгаа бол мэдсэн даруйдаа алдагдсан тунг хэрэглэж болно. Дараагийн тунг хэрэглэх цагийн хувиарын дагуу хэрэглэнэ.
- Хэрэв бүтэн тунгаар хэрэглэхээ мартсан бол дараагийн цагийн хуваарийн дагуу хэрэглэх бөгөөд тунг давхарлаж хэрэглэж болохгүй гэхдээ өдөрт хэрэглэх эмчилгээний дэглэмийг үргэлжлүүлнэ. Бүх үйл явдлын дараа эмчийн бичсэний дагуу Азитро-Денкийг бүрэн тунгаар нь авч зохих ёсны дагуу эмчдээ мэдэгдэнэ.
Хэрэв Азитро-Денкийг хэрэглэхээ зогсоосон бол
- Эмийн үйлдлийн нөлөө буурахаас сэргийлэхийн тулд эмчийн бичсэн жорын дагуу хэрэглэх бөгөөд эмчлэгч эмчээсээ зөвлөгөө авалгүйгээр эмчилгээгээ зогсоохыг хориглоно.
- Хэрэв энэхүү эмийг хэрэглэхтэй холбоотой нэмэлт асуулт байвал эмчлэгч эмч эсвэл эм зүйчээсээ асууж болно.
Хэрэв жирэмсэн, хөхүүл, жирэмслэхээр эсвэл хүүхэдтэй болохоор төлөвлөж байгаа бол энэхүү эмийг хэрэглэхээс өмнө эмчлэгч эмч, эм зүйчээс зөвлөгөө авах хэрэгтэй.
Жирэмсэн
- Жирэмсэн эмэгтэйчүүдэд азитромициныг хэрэглэсэн талаар мэдээлэл хангалтгүй байдаг. Тиймээс эмчээс тодорхой зөвлөгөө аваагүй тохиолдолд Азитро-Денкийг жирэмсэн үед хэрэглэхгүй.
Хөхүүл үе
- Азитромицин хөхний сүүтэй ялгардаг. Хөхөөр хооллолтын үед нярайд үзүүлэх азитромицины хортой нөлөөний талаарх судалгаа байдаггүй тул хөхүүл үед Азитро-Денкийг эмчилгээнд хэрэглэхгүй.
- Хөхүүл нярайд гэдэсний хэвийн бичил биетэн өөрчлөгдөх болон мөөгөнцөртөж болзошгүй.
- Эмчилгээний үед болон эмчилгээ дууссанаас хойш 2 өдрийн турш хөхөөр хооллохгүй байхыг зөвлөсөн. Дараа нь хөхөөр хооллолтыг хэвийн үргэлжлүүлж болно.
Хадгалалт
- Бэлдмэлийг хүүхэд үзэж хүрэхээргүй газар хадгална
- Савлагаан дээр байх хүчинтэй хугацаа дууссан бол эмийг хэрэглэж болохгүй.
- Хадгалах хугацаа: 36 сар
- 25°С –аас доош хэмд хадгална
- Хальсан бүрхүүлтэй шахмалын бүрхүүлийн харагдах байдалд ямар нэгэн өөрчлөлт ажиглагдаж байвал эм зүйчдээ хэлэх хэрэгтэй.
- Савалгаа нь ямар нэгэн байдлаар гэмтсэн эсвэл хуурамчаар үйлдсэн байх шинж тэмдэг бүхий эмийг хэрэглэхгүй
- Бэлдмэлийг ариутгалгүйгээр хаяхгүй байх
- Бэлдмэлийг удаан хугацаагаар хэрэглэхгүй болсон тохиолдолд хэрхэн хаяхаа эм зүйчээсээ асуух хэрэгтэй. Эдгээр нь хүрээлэн буй орчиныг хамгаалахад чиглэгдсэн арга хэмжээ юм.
Маркетингийн итгэмжлэгдсэн эзэмшигч
DENK PHARMA GmbH & Co.KG
Prinzregentenstr.79
81675 München
Germany
Үйлдвэрлэгч
Artesan Pharma GmbH & Co.KG
Wendlandstr.1
29439 Lüchow
Germany
Шинээр нэмэгдсэн:
Засвартай байна...
