Ринит (самалдагын үрэвсэл)

• Насанд хүрэгсэд болон 6-аас дээш насны хүүхдэд эхлэх тун нь өдөрт 1 удаа хамрын нүх тус бүрт 1 тунг (хоногт 128 микрограм) шүршинэ. Шаардлагатай үед насанд хүрэгсдэд хоногийн дээд тунг 256 мкг, харин 12 доош насны хүүхдэд 128 мкг хүртэл нэмэгдүүлж болно. 

Хамрын ургацаг

• Насанд хүрэгсэд болон 12-оос дээш насны хүүхдэд өдөрт 2 удаа хамрын нүх тус бүрт 1 шүршилт (64 мкг) тунгаар 3 сар хүртэл хугацаанд хэрэглэж болно. 
• Эмийн барих тунг хувь хүний онцлог, шаардлагад тохируулна. Өвчний шинж тэмдэгийг хянах эмчилгээний сайн үр дүн өгч буй хамгийн бага тунгаар хэрэглэнэ.   
• Зөвхөн эмчийн жороор олгоно.  

Хэрэглэх арга

• Энэ эмийг зөвхөн хамарт шүршиж хэрэглэнэ. Шүршихийн өмнө сайтар сэгсэрнэ 

• Анх хэрэглэхийн өмнө эмийг сайтар сэгсэрээд шахуургыг 5-10 удаа дарна. Эмийг нэгэнт хэрэглэж эхэлсэн бол давтан шүршихийн өмнө шахуургыг дахин дарж хий шүрших хэрэггүй. Хэрэв 2-оос дээш хоног хэрэглээгүй бол 1 удаа эсвэл хэдэн удаа хий дарж сайн шүршиж эхэлмэгц хамартаа шургуулан шүршиж хэрэглэнэ. 

• Эрхий хуруугаар савны ёроолоос тулж долоовор болон дунд хуруугаар хошууг хавчин барьж шахуурганы дээрээс огцом дарж шүршинэ. 

• Шүршлэгийг хамрын аль нэг нүхэнд шургуулаад нөгөө талын нүхийг хуруугаараа таглаж байгаад шүршинэ. Яг шүршихтэй давхцуулан хамраар гүн амьсгал аваад амаар аажим гаргана. Хамрын нөгөө талын нүхэнд шүршихдээ үйлдлийг давтана. 

• Энэ эмийг зөвлөж буй тунгаас хэтрүүлэн хэрэглэж болохгүй. 

• Шүршлэгийг тодорхой цагт хэр тогтмол хэрэглэхээс эмчилгээ үр дүн хамаарна. 

• Мартсан тун: Хэрэв эм шүршихээ мартсан бол нөхөж хэрэглэлгүй дараагийн тунг шууд хэрэглэнэ. Тунг 2 дахин нэмэх хэрэггүй.