Карбамазепин (Carbamazepine)
- B, C, D
А, В – ангиллын эмийг өрх, сум, тосгоны эрүүл мэндийн төв, клиникүүд,
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулагдсан.
Хэрэглэх заалт
Карбамазепин нь таталтын эсрэг болон гурамсан мэдрэлийн өвдөлтийг өвөрмөцөөр намдаах өвдөлт намдаах бэлдмэл болно. Эмнэлзүйн хяналтат судалгаагаар карбамазепин нь сэтгэц-хөдөлгөөний болон эпилепсийн их уналт, мөн түүнчлэн гурамсан мэдрэлийн гаралтай өвдөлтөнд сайтар үр дүн үзүүлсэн байна.
Карбамазепинийг таталт намдаах зорилгоор хэрэглэнэ. Үүнд:
- Бүрдмэл шинж тэмдэг бүхий хэсэгчилсэн таталт (чамархайн хэсэг болон сэтгэц-хөдөлгөөний системийн хамааралт). Энэхүү таталттай өвчтөнүүд нь бусад хэлбэрийн таталттай өвчтөнтэй харьцуулвал илүү үр дүнтэй сайжирдаг.
- Тоник-клоник ерөнхий таталт (их уналт).
- Дээрх хэсэгчилсэн болон ерөнхий таталт хавсарсан холимог таталт. Харин эпилепсийн бага уналтанд карбамазепин нөлөөлдөггүй болно.
- Гурамсан мэдрэлийн хамааралт өвдөлт.
Эсрэг заалт
- Хэт мэдрэгшсэн өвчтөн,
- Ясны чөмөгний үйл ажиллагаа дарангуйлагдсан өвчтөн,
- МАО фермент хориглох эмийг хэрэглэж буй өвчтөнд тус тус хэрэглэхгүй.