Ко-Вамлосет (Co)

• Ко-Вамлосет шахмал нь амлодипин, валсартан, гидрохлоротиазид бүхий гурван эмийн идэвхтэй бодис агуулдаг. Эдгээр эмийн бодис бүр нь цусны даралтыг зохицуулахад тусалдаг: 
• • Амлодипин нь кальцийн сувгийн хориглогч эмийн бүлэгт багтдаг. Амлодипин нь цусны судасны ханын эсийн дотор кальцийн ион нэвчилтийг хориглодог бөгөөд улмаар цусны судсыг нарийсгахаас сэргийлдэг. 
  • Валсартан нь ангиотензин-II рецепторыг хориглогч эмийн бүлэгт багтдаг. Ангиотензин II нь бие махбодоос ялгарч, цусны судсыг агшааж улмаар цусны даралтыг нэмэгдүүлдэг. Валсартан нь ангиотензин II-ийн нөлөөг саатуулдаг. 
  • Гидрохлоротиазид нь тиазидын шээс хөөх эмийн бүлэгт багтдаг. Гидрохлоротиазид нь биеэс ялгарах шээсний хэмжээг ихэсгэж, цусны даралтыг бууруулдаг. 
• Эдгээр гурван үйл ажиллагааны үр дүнд цусны судас өргөсөж, даралт буурдаг. 
• Ко-Вамлосет эмийг амлодипин, валсартан, гидрохлоротиазид эмүүдийн нөлөөгөөр цусны даралт бууруулах эмчилгээ үр нөлөө сайтай байдаг насанд хүрэгсдэд хэрэглэдэг. Энэ өвчтөнүүдэд эдгээр гурван эмийн идэвхтэй бодисыг агуулсан нэг шахмалыг хэрэглэх нь илүү тохиромжтой байдаг. 

• Жирэмсний хугацаа 3 сараас дээш үед хэрэглэхгүй. (Мөн жирэмсний эрт үед Ко-Вамлосет эмийг хэрэглэхээс зайлсхийх нь зүйтэй. “Жирэмсэн үеийн хэрэглээ” хэсгийг үзнэ үү.); 
• Хэрэв та амлодипин эсвэл бусад кальцийн сувгийн хориглогч, валсартан, гидрохлоротиазид, эсвэл сульфонамидын гаралтай эм (уушгины үрэвсэл эсвэл шээсний замын халдварыг эмчлэхэд хэрэглэдэг эм), эсвэл энэ эмийн найрлагад орсон бусад бодист харшилтай бол (6-р хэсэгт бичсэн). Хэрэв та эдгээр бодист  харшилтай гэж сэжиглэж байгаа бол Ко-Вамлосет эмийг ууж болохгүй ба эмчлэгч эмчээс зөвлөгөө авна уу; 
• Хэрэв та элэгний эмгэг, элэгний доторх цөсний сувганцрын эмгэгтэй бол (цөсний гаралтай элэгний хатуурал), элгэнд цөс зогсонгиших (холестаз) эмгэгтэй бол; 
• Хэрэв та бөөрний хүнд хэлбэрийн эмгэгтэй эсвэл диалез эмчилгээ хийлгэдэг бол; 
• Шээс ялгаруулах үйл ажиллагаа алдагдсан бол (анурия); 
• Цусан дахь кали эсвэл натрийн түвшин хэт бага болон цусан дахь кали болон натрийн түвшнийг нэмэгдүүлэх эмчилгээ хийлгэж байгаа бол; 
• Цусан дахь кальцийн түвшин хэт өндөр, улмаар кальцийн түвшнийг бууруулах эмчилгээ хийлгэж байгаа бол; 
• Та тулай өвчинтэй бол (үе мөчинд шээсний хүчлийн талстын хуримтлал үүссэн); 
• Хэрэв та цусны даралт байнга бага байдаг бол (гипотензи); 
• Хэрэв та аортын хавхлагын нарийсалтай (аортын нарийсал) эсвэл зүрхний гаралтай шок (зүрх нь биеийг хангалттай цусаар хангаж чадахгүй); 
• Зүрхний шигдээсийн дараах зүрхний дутагдалтай бол;        
• Хэрэв та чихрийн шижин, бөөрний үйл ажиллагааны дутагдалтай болон цусны даралтыг бууруулах алискирен агуулсан эм ууж буй тохиолдолд. 

Хэрэв дээр дурдсан зүйлсийн аль нэг нь танд байгаа тохиолдолд Ко-Вамлосет эмийг хэрэглэж болохгүй ба эмчлэгч эмчээсээ зөвлөгөө аваарай.