5%-30г – 1
Савлагаа: 1
Дээд үнэ
₮
ЭМД
₮
Төлөх
₮
крем | F20070330MO01616
Кетонал – Salutas Pharma GmbH
Salutas Pharma GmbH
Эмийн хэлбэр
Крем
Жор бичих эмчийн ангилал
Жоргүй
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
Олон улсын нэршил
Тун, савлагааҮнийн дээд хязгаарЭМД-аас хариуцахДаатгуулагч төлөх
Хэрэглэх заалт
- Кетоналын кремийг дараах тохиолдолд хэсэг газрын богино хугацааны эмчилгээнд хэрэглэнэ:
- Биеийн тамирын болон бусад гэмтлийн дараах булчин ба үений өвдөлт (мултрал, булчин шөрмөсний суналт, холбоосны суналт, шөрмөс ба холбоос задрах)
- Хэрэх өвчний үеийн үений өвдөлт ба үрэвсэл
- ЦЭЭРЛЭЛТ
- Кетопрофен болон бэлдмэлийн найрлага дахь ямар нэгэн туслах бодист хэт мэдрэг хүмүүс
- Кетопрофен, тиапрофенийн хүчил, фенофибрат эсвэл нарны хэт ягаан туяанаас хамгаалагч бодис эсвэл үнэртэй ус зэргийн улмаас арьсны харшлын урвал илэрч байсан өгүүлэмжтэй хүмүүс
- Гэрэлд мэдрэгшлийн ямар нэгэн урвалын өгүүлэмжтэй хүмүүс
- Кетопрофен, фенофибрат, тиапрофенийн хүчил, ацетилсалицилын хүчил эсвэл стероид бус үрэвслийн эсрэг бусад бэлдмэл хэрэглэсний улмаас бронхын багтраа, харшлын гаралтай хамрын салст бүрхүүлийн үрэвсэл зэрэг хэт мэдрэгшлийн урвал илэрч байсан хүмүүс
- Намарс эсвэл батга, янз бүрийн хэлбэрийн дерматоз, арьсны халдвар эсвэл ил шарх зэрэг гэмтсэн арьсанд эсвэл арьсны эмгэг өөрчлөлтийн үед хэрэглэх
- Жирэмсний сүүлийн 3 сар
- 15-аас доош насны хүүхэд
- Кетоналын крем түрхсэн хэсгийг крем хэрэглэх явцад болон эмчилгээг зогсоосноос хойш 2 долоо хоногийн турш бүдэг нартай байсан ч нарны туяаны үйлчлэлд (нар тусдаг өрөө, шарлагын аппаратын хэт ягаан туяаг оруулаад) өртүүлж болохгүй
- Хэрэглэх үеийн онцгой анхааруулга ба болгоомжлол
- Кетоналын кремийг зүрх, элэг, бөөрний үйл ажиллагаа буурсан тохиолдолд болгоомжтой хэрэглэх хэрэгтэй: Бөөрийг гэмтээдэг системийн гаж нөлөөний ганц нэг тохиолдол бүртгэгдсэн.
- Багтраа нь хамрын салст бүрхүүлийн архаг үрэвсэл, дайвар хөндийн архаг үрэвсэл, хамрын уйланхай зэрэгтэй хавсарсан тохиолдолд ацетилсалицилын хүчил эсвэл стероид бус үрэвслийн эсрэг бусад бэлдмэлд харшлын урвал илрэх эрсдэл өндөр байдаг.
- Кетоналын кремийг салст бүрхүүл, хошного болон бэлэг эрхтэн орчим, түүнчлэн нүдний эргэн тойрны хэсэгт оруулж болохгүй. Нүдэнд орохоос зайлсхийх хэрэгтэй.
- Арьс гэрэлд мэдрэгших эрсдэлээс зайлсхийхийн тулд бэлдмэлийг хэрэглэж байгаа бүх хугацаанд болон эмчилгээг зогсоосноос хойш 2 долоо хоногийн турш хувцас өмсөж эмчилсэн хэсгийг хамгаалахыг зөвлөнө.
- Октокрилен агуулсан бүтээгдэхүүнтэй хамт хэрэглэсний дараах арьсны урвалыг оруулаад арьсны ямар нэгэн урвал илэрвэл Кетоналын кремийн хэрэглээг шууд зогсооно.
- Октокрилен нь шампунь, сахал хуссаны дараа хэрэглэдэг бүтээгдэхүүн, шүршүүрийн болон ванны гель, арьсны крем, нүүр будалт, хөгшрөлтийн эсрэг крем, нүүрний будаг арилгагч, үсний шүршигч зэрэг гоо сайхны болон эрүүл ахуйн бүтээгдэхүүнд туслах бодис болгон ашигладаг бөгөөд бүтээгдэхүүнийг гэрэлд задрахаас сэргийлэх зорилгоор хэрэглэдэг.
- Кетоналын кремийг битүү боолт (агаар нэвтэрдэггүй, битүү боолт) эсвэл арьсны наалттай хамт хэрэглэж болохгүй.
- Бүтээгдэхүүнийг хэрэглэх бүрийнхээ дараа гараа сайтар угаах хэрэгтэй.
- Удаан хугацаагаар хэрэглэснээр хавьтлын дерматит ба гэрэлд мэдрэгшлийн урвал үүсэх эрсдэлтэй тул бэлдмэлийг хэрэглэх зөвлөсөн хугацааг хэтрүүлж болохгүй.
- Халдвар
- Кетопрофен нь халуурах, өвдөх зэрэг халдварын шинж тэмдгийг далдалж болох тул халдварын зохих эмчилгээг хойшлуулж хүндрэл үүсэх эрсдэлийг нэмэгдүүлж болно. Энэ нь бактерийн гаралтай уушгины үрэвсэл болон салхин цэцэгтэй холбоотой бактерийн гаралтай арьсны халдварын үед ажиглагддаг. Хэрэв та халдвар авсан үедээ уг бэлдмэлийг хэрэглэж байгаа бол таны өвчний шинж тэмдэг хадгалагдах эсвэл дордвол эмчлэгч эмчдээ яаралтай мэдэгдэх хэрэгтэй.
- Бэлдмэлийн зарим туслах бодистой холбоотой мэдээлэл
- Крем нь метилпарагидроксибензоат (E218), пропилпарагидроксибензоат (E216) агуулдаг бөгөөд эдгээр нь харшлын урвал үүсгэж болох ба энэ нь удаан хэлбэрийн байж болно.
- Крем нь пропилен гликол (Е1520) агуулдаг. Энэ нь арьс цочроож болно.
- Эмийн болон бусад хэлбэрийн харилцан үйлчлэл
- Кетопрофеныг арьсанд түрхэж хэрэглэсний дараа түүний цусан дахь концентраци нь бага байдаг учир бусад эмийн бэлдмэлтэй харилцан үйлчлэх магадлал бага байдаг.
- Метотрексатыг (хайрст үлд, хэрэх төст үений үрэвсэл, хавдар зэргийн эмчилгээнд хэрэглэдэг эмийн бэлдмэл) өндөр тунгаар стероид бус үрэвслийн эсрэг бэлдмэлтэй (кетопрофеныг оруулаад) хамт хэрэглэх үед (системийн хэрэглээгээр) ноцтой харилцан үйлчлэл илэрсэн талаар бүртгэгдсэн.
- Кетопрофен метотрексатын ялгаралтыг багасган уг бэлдмэлийн хортой нөлөөг нь ихэсгэдэг.
- Салицилаттай (өвдөлт намдаах зорилгоор ихэвчлэн хэрэглэдэг ацетилсалицилын хүчил гэх мэт) хамт хэрэглэхийг зөвлөдөггүй.
- Кумарины бүлгийн цусны бүлэгнэлтийг саатуулах эмтэй хамт хэрэглэх үед өвчтөнг хянах нь зүйтэй.
- Кетоналын кремийг кетопрофен эсвэл стероид бус үрэвслийн эсрэг бусад бэлдмэл агуулсан арьсанд хэрэглэдэг ямар нэгэн бусад бэлдмэлтэй хамт хэрэглэхгүй.