Лево-денк (Levo)

• Бэлдмэлийн нэр Лево-Денк 500. Лево-Денк 500 нь үйлчлэгч бодис левофлоксацин агуулдаг бөгөөд энэ нь хинолины бүлгийн антибиотик юм. 
• Левофлоксацин нь  бие махбодын халдварын шалтгаан болох бактерийг үхүүлэх үйлдэл үзүүлнэ. 
• Лево-Денк 500 бэлдмэлийг дараах халдварын эмчилгээнд хэрэглэнэ. Үүнд: 
• • Синусит (хамрын дайвар хөндийн үрэвсэл)
  • Уушги, амьсгалын удаан хугацааны эмгэгтэй хүмүүс, уушгины хатгаа
  • Шээсний замын халдвар (бөөр, давсаг)
  •  Удаан хугацааны халдвар бүхий түрүү булчирхайн үрэвсэл
  • Арьс, арьсан доорх зөөлөн эд, булчингийн халдвар
• Зарим өвөрмөц тохиолдолд Лево-Денк 500 бэлдмэлийг боом (antrhrax) гэж уушгины эмгэгийн эрсдэл болон уг эмгэгийг үүсгэгч бактерийн халдварын дараа өвчин хүндрэхийг багасгах зорилгоор хэрэглэж болно. 

• Левофлоксацин болон хинолины бүлгийн бусад бэлдмэл (моксифлоксацин, ципрофлоксацин, офлоксацин), бэлдмэлийн найрлага дахь бусад туслах бодист  (6-р хэсэгт жагсаасан) хэт мэдрэг (харшил) хүмүүс. Харшлын шинжид тууралт гарах, залгих буюу эсвэл амьсгалахад хүндрэлтэй болох, уруул, нүүр, хоолой, хэл хавагнах зэрэг шинж орно.
• Уналт таталт  (эпилепси)
• Шөрмөсний эмгэгтэй хүмүүс. Учир нь хинолины бүлгийн эм хэрэглэсэнтэй холбоотойгоор шөрмөсний үрэвсэл илэрдэг. Шөрмөс нь булчинг араг ястай холбодог холбоос юм.
• Хүүхэд ба өсвөр насныхан
• Жирэмсэн үе буюу өөрийгөө жирэмсэн гэж бодож буй жирэмсэн байж болзошгүй эмэгтэйчүүд
• Хөхүүл үе

Хэрэв таньд дээрх байдлын аль нэг нь байвал бэлдмэлийг хэрэглэж болохгүй. 

Ойлгомжгүй зүйл гарвал Лево-Денк 500 бэлдмэлийг хэрэглэхээс өмнө эмчлэгч эмч ба эм зүйчдээ хандаж зөвлөгөө аваарай.