Левофлоксацин (Levofloxacin)
Энхийн шүүдэр ХХК
Эмийн хэлбэр
Тарилгын уусмал
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
Олон улсын нэршил
Тун ба савлагааны хувилбарууд
Үнийн мэдээлэл одоогоор шинэчлэгдэж байна.
Хэрэглэх заалт
- Синусит (хамрын дайвар хөндийн үрэвсэл), уушги, амьсгалын удаан хугацааны эмгэгтэй хүмүүс, уушгины хатгаа, шээсний замын халдвар (бөөр, давсгийн халдвар), удаан хугацааны халдвар бүхий түрүү булчирхайн үрэвсэл, арьс ба салст, арьсан доорх зөөлөн эдийн халдвар зэрэгт эмчийн заавраар хэрэглэнэ.
Эсрэг заалт
- Левофлоксацин болон хинолины бүлгийн бусад эмэнд хэт мэдрэг хүмүүс, хинолины бүлгийн эм хэрэглэсэнтэй холбоотой шөрмөсний үрэвсэл илэрч байсан гэх мэт шөрмөсний эмгэгтэй хүмүүс, таталдаа (эпилепси) өвчтэй болон хүүхэд өсвөр насныхан, жирэмсэн хөхүүл үед хэрэглэхийг цээрлэнэ.
- Хэрэглэхэд онцгой анхаарах, болгоомжлох зүйлс: урьд өмнө нь хинолин эсвэл фторхинолин агуулсан бүтээгдэхүүнийг хэрэглээд ноцтой гаж нөлөө үзүүлж байсан өвчтөнүүдэд левофлоксациныг хэрэглэхээс зайлсхийх шаардлагатай.
- Фторхинолины уламжлалын бэлдмэл нь бүх насны хүмүүст шөрмөс үрэвсэх болон тасрах эрсдэлийг ихэсгэдэг. Уг эрсдэл нь 60-с дээш насны хүмүүс, кортикостероид хэрэглэж байгаа өвчтөн, бөөр, зүрх, уушги шилжүүлэн суулгасан өвчтөнд илүү илэрдэг.
- Левофлоксацинд ямар нэгэн ноцтой сөрөг урвалын эхний шинж тэмдгүүд илрэх үед хэрэглээг шууд зогсоох хэрэгтэй.
- Бусад төрлийн эмийн бэлдмэлтэй харилцан нөлөөлөх: Левофлоксациныг котрикостероидуудтай цуг хэрэглэхэд шөрмөс тасрах үрэвсэх, варфаринтай хэрэглэхэд цус алдах, теофиллинтэй хамт хэрэглэхэд таталт үүсэх, стероид бус үрэвслийн эсрэг эмүүдтэй хэрэглэхэд таталт үүсэх, циклоспоринтой хэрэглэхэд циклоспорины гаж нөлөө илрэх эрсдэл ихэснэ. Пробенецид ба циметидинтэй хамт хэрэглэхдээ онцгой болгоомжтой хэрэглэнэ.
- Бөөрний үйл ажиллагааны өөрчлөлттэй насанд хүрэгсэд ба настнууд хэрэглэх
- Бэлдмэлийг бага тунгаар хэрэглэж болно.
- Хүүхдэд хэрэглэх
- Бэлдмэлийг хүүхэд болон өсвөр насныханд хэрэглэхгүй.