2мг – 30 шахмал
Савлагаа: 30 шахмал
Дээд үнэ
₮
ЭМД
₮
Төлөх
₮
бүрхүүлтэй шахмал | FT20190524NP07019
Риперидон
Whan in Pharm.Co., Ltd
Эмийн хэлбэр
Бүрхүүлтэй шахмал
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
Олон улсын нэршил
Тун, савлагааҮнийн дээд хязгаарЭМД-аас хариуцахДаатгуулагч төлөх
Хэрэглэх заалт
Эсрэг заалт
- Уг эмийн найрлага дахь бодист хэт мэдрэгшилтэй эмчлүүлэгч
- Согтууруулах ундаа буюу ТМТогтолцоог дарангуйлах бэлдмэлээс шалтгаалан ТМТогтолцоо дарангуйлагдсан эмчлүүлэгч
- Комын байдал
- Эпинефрин хэрэглэж буй эмчлүүлэгч
- Энэхүү эм нь лактоз агуулдаг тул удамшлын шалтгаант ховор хэлбэрийн галактозын үл тэвчлийн эмгэг, Lapp-лактазын дутагдал буюу глюкоз-галактозын мальабсорбцитой эмчлүүлэгчдэд хэрэглэж болохгүй.
- Хэрэглэхэд зориулсан тусгай анхааруулга болон болгоомжлол
- SSRIs (Серотонины мэдрэлийн төгсгөл рүү эргэн орохыг сонгомлоор саатуулагчид) эмчилгээний бүлгийг хэрэглэхдээ дараах өвөрмөц анхааруулга болон болгоомжлолыг мөрдөнө.
- Хүүхэд
- Хүүхдийн эмчилгээнд энэ эмийг хэрэглэж болохгүй. Эмнэлзүйн судалгаанд плацебо хэрэглэсэн бүлэгтэй харьцуулахад сэтгэл гутралын эсрэг эмчилгээ хийлгэсэн хүүхдүүдэд амиа хорлохтой холбоотой зан авир (амиа хорлох оролдлого, амиа хорлох бодол төрөх) болон түрэмгий зан авир (ихэвчлэн түрэмгий, сөрөг зан авир болон уурлах) илүү их давтамжтай ажиглагдсан. Эмнэлзүйн хэрэгцээ шаардлага дээр үндэслэн, эмчлэх шийдвэр гаргасан хэдий ч эмчлүүлэгчдэд амиа хорлох шинж тэмдгийн илрэлийг сайтар хянах шаардлагатай. Мөн удаан хугацаагаар хэрэглэхэд хүүхдийн өсөлт, бойжилт, танин мэдэхүй болон зан авирт нөлөөлөх аюулгүй байдлын мэдээлэл хомс байна.
- Парадоксал сэтгэл түгшилт
- Түгшүүрт айдастай эмчлүүлэгчдэд сэтгэл гутралын эмчилгээ хийж эхлэхэд сэтгэл түгших шинж тэмдэг ихсэж болзошгүй. Энэхүү парадоксаль хариу урвал нь ихэвчлэн эмчилгээ үргэлжилсэн хоёр долоо хоногийн хугацаанд багасдаг. Сэтгэл түгшилт үүсгэх нөлөөг бууруулахын тулд бага тунгаар эхлэхийг зөвлөнө.
- Таталт
- Хэрэв эмчлүүлэгчид таталт анх удаа илэрвэл буюу хэрэв таталтын давтамж ихэсвэл (өмнө нь эпилепси оношлогдсон эмчлүүлэгчид) эсциталопрамыг хэрэглэхээ зогсоох ёстой. SSRIs–ыг эмчилгээнд засагддаггүй эпилепситэй эмчлүүлэгчдэд хэрэглэхээс зайлсхийх шаардлагатай бөгөөд эмчилгээнд хянагддаг эпилепситэй эмчлүүлэгчдийг сайтар хянах хэрэгтэй.
- Хөөрөл
- SSRIs-ыг сэтгэл хөөрөл / хөөрлийн хөнгөн хэлбэрийн үед болгоомжтой хэрэглэх шаардлагатай. SSRIs-ыг хөөрлийн үе шатанд байгаа аль ч эмчлүүлэгчдэд хэрэглэхээ зогсоох ёстой.
- Чихрийн шижин
- Чихрийн шижинтэй эмчлүүлэгчдэд SSRIs эмчилгээний үед гликемийн хяналтыг өөрчилж болзошгүй (гипогликеми буюу гипергликеми). Инсулин ба/буюу цусны сахар бууруулах ууж хэрэглэх тунг зохицуулах шаардлага гарч болзошгүй.
- Амиа хорлох/амиа хорлох бодол буюу эмнэлзүйн байдал доройтох
- Сэтгэл гутралтай холбоотойгоор амиа хорлох бодол, өөрийгөө гэмтээх болон амиа хорлох (амиа хорлохтой холбоотой үйл ажиллагаа) эрсдэл ихэсдэг. Энэ эрсдэл нь илэрхий намжмал байдалд орох хүртэл үргэлжилнэ. Эхний хэдэн долоо хоногийн эмчилгээнд буюу түүнээс удаан хугацааны эмчилгээнд сайжрал ажиглагдахгүй байж болзошгүй тул сайжирал ажиглагдах хүртэл эмчлүүлэгчийг маш сайн хянах хэрэгтэй. Ерөнхийдөө эмнэлзүйн туршлагаас харахад эхэн үеийн эргэж сэргэх хугацаанд амиа хорлох эрсдэл ихсэж болзошгүй байдаг.
- Сэтгэцийн бусад нөхцөл байдалд уг эмийг зөвлөсөн бол мөн амиа хорлох оролдлого хийх эрсдэл ихсэж болно.
- Нэмж хэлэхэд, эдгээр нөхцөл байдлууд нь сэтгэл гутралын хүнд хэлбэрийн эмгэгүүдтэй хавсран тохиолдох нь бий. Сэтгэцийн бусад эмгэгийн үед ажиглагддаг учраас сэтгэл гутралын хүнд эмгэгтэй эмчлүүлэгчдийг эмчлэхдээ адилхан болгоомжлох нь зүйтэй.
- Эмчилгээ эхлэхийн өмнө амиа хорлохтой холбоотой үйлдэл хийж байсан буюу амиа хорлох санаа нь илэрхий байгаа эмчлүүлэгчдэд амиа хорлох бодол буюу оролдлого үүсэх эрсдэл ихсэх нь тогтоогдсон бөгөөд эмчилгээний явцад сайтар хянах шаардлагатай.
- Сэтгэцийн эмгэгтэй насанд хүрэгчдийг хамруулсан солиорлын эсрэг эмийн плабецо хяналтат мета-анализ эмнэлзүйн туршилт судалгаанд амиа хорлох зан авир үүсэх эрсдэл 25-аас доош насныханд плацебо бүлэгтэй харьцуулахад солиорлын эсрэг эм хэрэглэсэн бүлэгт их байв.
- Эмчлүүлэгчийн хяналтыг нарийсгэж, ялангуяа өндөр эрсдэлтэй эмчлүүлэгчдэд эмчилгээний эхэнд болон тун өөрчилсөний дараа эмэн эмчилгээг сайтар хянах хэрэгтэй.
- Эмчлүүлэгчдэд (мөн эмчлүүлэгчийн асран халамжлагчид) эмнэлзүй ямар нэг байдлаар муудах, амиа хорлох зан авир буюу бодол төрөх болон зан авирын хэвийн бус өөрчлөлтийг хянах талаар анхааруулсан байх ёстой бөгөөд эдгээр шинж тэмдэг илэрвэл эмнэлгийн тусламж яаралтай авах хэрэгтэй.
- Акатизи / сэтгэц хөдөлгөөний тайван бус байдал
- SSRIs / SNRIs (серотонин, норэпинефриний мэдрэлийн төгсгөлд эргэн орохыг саатуулагч) –ыг хэрэглэхтэй холбоотой субьектив таагүй байдал буюу сэтгэл гутарч тайван бус болох шинжээр акатизи илэрч, нэг газар сууж, зогсох чадваргүй болсоноос байнга холхих шаардлагатай болно. Энэ нь ихэвчлэн эмчилгээний эхний хэдэн долоо хоногт ажиглагдах магадлалтай. Эмчлүүлэгчдэд тун ихэсгэхэд эдгээр шинжүүд гүнзгийрэх нь хор хөнөөлтэй байж болно.
- Цусан дахь натрийн түвшин багасах
- Антидиуретик дааврын ялгаралт багассанаас үүдэн цусан дахь натрийн түвшин багасах нь SSRIs –ыг хэрэглэхэд ховор бүртгэгддэг бөгөөд ерөнхийдөө эмчилгээг зогсооход эргэн сайжирдаг. Өндөр настай эсвэл элэгний хатууралтай буюу цусан дахь натрийн түвшинг бууруулж болзошгүй бусад эмийн бэлдмэлийг хавсруулан хэрэглэсэн зэрэг эрсдэл бүхий эмчлүүлэгчдэд болгоомжтой хэрэглэх шаардлагатай.
- Цус алдалт
- SSRIs-ыг хэрэглэхэд цус хуралт, цусархаг толбо зэрэг арьсан дорх цус алдалтын эмгэг өөрчлөлтүүд үүссэн мэдээлэл бүртгэгдсэн. SSRIs ууж байгаа эмчлүүлэгчдэд, ялангуяа цусны бүлэгнэлт саатуулах ууж хэрэглэх бэлдмэлүүд, цусны ялтасын үйл ажиллагаанд нөлөөлдөг эмийн бэлдмэл (солиорлын эсрэг хэв шинжит бус бэлдмэлүүд болон фенотиазинууд, сэтгэл гутралын эсрэг гурван цагирагт ихэнхи бэлдмэлүүд, ацетилсалицилын хүчил болон үрэвслийн эсрэг стероид бус бэлдмэл (ҮЭСББ), тиклопидин болон дипиридамол)-тэй хавсруулан хэрэглэдэг болон цус алдах хандлагатай эмчлүүлэгчдэд болгоомжлох шаардлагатай.
- ЦТЭ (Цахилгаан таталтын эмчилгээ)
- ЦТЭ болон SSRIs-ыг хамт хэрэглэсэн эмнэлзүйн туршлага хомс учраас болгоомжтой хэрэглэнэ.
- Серотонийн хам шинж
- Хэрэв эсциталопрамыг суматриптан буюу бусад триптанууд, трамадол болон триптофан зэрэг серотонин идэвхт мэдрэлийг дэмжих үйлдэлтэй эмийн бэлдмэлүүдтэй хавсруулан хэрэглэх бол болгоомжлох хэрэгтэй. SSRIs хэрэглэж байгаа эмчлүүлэгчдэд серотонин идэвхт мэдрэлийг дэмжих үйлдэлтэй эмийн бэлдмэлүүдтэй хавсруулан хэрэглэх ховор тохиолдолд серотонинийн хам шинж бүртгэгдсэн. Дошгирол, салгалах, миоклоник болон биеийн хэм ихсэх зэрэг шинж тэмдгүүдийн нийлбэр нь энэ нөхцөл байдлын даамжирлыг илтгэж болно. Хэрэв SSRIs, серотонин идэвхт мэдрэлийг дэмжих үйлдэлтэй эмийн бэлдмэлүүдтэй хавсруулан хэрэглэх эмчилгээний үед энэ хам шинж илэрвэл эмчилгээг тэр даруй зогсоож, шинж тэмдгийн эмчилгээг эхлэх хэрэгтэй.
- Алтан цэгцүүхэй
- SSRIs болон алтан цэгцүүхэй агуулсан ургамлын гаралтай эмүүдийг хамт хэрэглэхэд гаж урвалын тохиолдол ихсэж болзошгүй.
- Эмчилгээг зогсооход шинж тэмдэг арилж байгаа нь ажиглагдсан.
- Эмчилгээг зогсооход ялангуяа хэрэв огцом зогсоовол шинж тэмдэг арилах нь түгээмэл байдаг. Эмнэлзүйн судалгаанд ойролцоогоор эсциталопрамаар эмчлүүлсэн эмчлүүлэгчдийн 25%, плацебо хэрэглэсэн эмчлүүлэгчдийн 15%-д нь эмчилгээг зогсооход гаж нөлөө ажиглагдаж байсан.
- Шинж тэмдэг арилах эрсдэл нь эмчилгээний үргэлжлэх хугацаа, тун болон тун бууруулах хурд зэрэг хэд хэдэн хүчин зүйлээс хамаарч болзошгүй. Толгой эргэх, мэдэрхүйн өөрчлөлт (парэстези болон цахилгаан шок мэдрэгдэх зэргийг хамруулна), нойрны өөрчлөлт (нойргүйдэх болон хэт их зүүдлэх зэргийг хамруулна), дошгирол эсвэл сэтгэл түгших, дотор муухайрах ба/буюу бөөлжих, салгалах, ухаан балартах, хөлрөх, толгой өвдөх, суулгах, зүрх дэлсэх, сэтгэл хөдлөл тогтворгүйжих, цухалдах мөн харааны өөрчлөлт зэрэг урвалууд хамгийн түгээмэл бүртгэгдсэн. Ерөнхийдөө эдгээр шинж тэмдгүүд хөнгөнөөс дунд хүртэл байдаг хэдий ч, зарим эмчлүүлэгчдэд хүнд зэргээр байж болзошгүй.
- Эмчилгээг зогсоосон эхний хэд хоногт ихэвчлэн илрэх боловч санамсаргүй тун орхигдуулсан эмчлүүлэгчдэд ийм шинж тэмдгүүд маш ховор бүртгэгдсэн байдаг.
- Ихэвчлэн тэдгээр шинж тэмдгүүд хязгаарлагдмал бөгөөд голлон 2 долоо хоногийн хугацаанд эргэн арилдаг хэдий ч зарим хүнд тэдгээр шинж тэмдгүүд удааширч болно (2-3 сар буюу түүнээс удаан). Тиймээс эмчлүүлэгчийн хэрэгцээ шаардлагын дагуу хэдэн долоо хоног буюу сарын турш эмчилгээг зогсоохдоо эсциталопрамыг аажим бууруулах шаардлагатай.
- Зүрхний титэм судасны эмгэг
- Эмнэлзүйн туршлага хомс учраас зүрхний титэм судасны эмгэгтэй эмчлүүлэгчдэд болгоомжтой хэрэглэнэ.
- QT интервал уртсах
- Эсциталопрам нь тун хамааралтайгаар QT интервал уртасгадаг болохыг тогтоосон. Эмнэлзүйн дараах үед, ихэвчлэн эмэгтэй хүйсний, цусан дахь калийн түвшин багатай эмчлүүлэгчид эсвэл өмнө нь QT интервалын уртсалтай байсан буюу зүрхний бусад эмгэгтэй тохиолдлуудад QT интервал уртсах, torsade de pointes –ыг оролцуулаад ховдлын аритми зэрэг үүссэн мэдээлэл бүртгэгдсэн.
- Зүрхний цохилт илэрхий удааширсан буюу ойрын хугацаанд зүрхний булчингийн цочмог шигдээс эсвэл зүрхний үйл ажиллагааны дасан зохицол алдагдсан дутмагшлын үед болгоомжлох шаардлагатай.
- Цусан дахь кали болон магнийн түвшин багасах зэрэг электролитийн өөрчлөлт нь хорт хэм алдалтын эрсдэлийг ихэсгэх бөгөөд эсциталопрам эмчилгээ эхлэхийн өмнө эмчилсэн байх ёстой.
- Хэрэв эмчлүүлэгч зүрхний тогтвортой эмгэгийг эмчлүүлсэн бол эмчилгээ эхлэхийн өмнө ЗЦБ-ийг дахин хийхийг анхаарах хэрэгтэй.
- Хэрэв эсциталопрам эмчилгээний үед зүрхний хэм алдалтын илрэл ажиглагдвал эмчилгээг зогсоож, ЗЦБ хийх нь зүйтэй юм.
- Хаалттай өнцөгт глауком
- Эсциталопрам зэрэг SSRIs нь хүүхэн харааны хэмжээг өөрчилж, өргөсгөнө. Хүүхэн харааг өргөсгөх нөлөө нь нүдний өнцгийг нарийсгаж, нүдний дотоод даралт ихэсгэх ба ялангуяа хаалттай өнцөгт глаукомтой эмчлүүлэгч өртөх боломжтой. Ийм учраас эсциталопрамыг хаалттай өнцөгт глаукомтой эмчлүүлэгч буюу глаукомын өгүүлэмжтэй эмчлүүлэгчдэд болгоомжтой хэрэглэх шаардлагатай.