Телмидуо плюс (Telmiduo Plus)
Jeil Pharmaceutical Co.,Ltd
Эмийн хэлбэр
Шахмал
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
40 мг + 5 мг + 10 мг · 30 шахмал
80 мг + 10 мг + 20 мг · 30 шахмал
80 мг + 5 мг + 10 мг · 30 шахмал
Хэрэглэх заалт
- Уг бэлдмэл нь зөвхөн телмисартан/амлодипины хавсарсан бэлдмэлийг розувастатинтай хамт хэрэглэх шаардлагатай хүмүүст зориулагдсан.
- o Телмисартан/амлодипины хавсарсан бэлдмэл
- Амлодипин болон телмисартаны дан эмчилгээнд хангалттай хянагдахгүй байгаа цусны даралт ихсэх өвчний эмчилгээнд хэрэглэнэ.
- o Розувастатины кальци
- Анхдагч гиперхолестеролеми (гетерозигот гэр бүлийн гиперхолестеролемийг оролцуулаад IIa хэлбэр) эсвэл холимог хэлбэрийн дислипидеми (IIb хэлбэр): хоолны дэглэм болон дасгал хөдөлгөөнд хангалттай үр дүн үзүүлэхгүй байгаа үед хоолны дэглэм дээр нэмэлт болгон хэрэглэнэ.
- Гомозигот гэр бүлийн гиперхолестеролемийн үед хоолны дэглэм болон липидийн хэмжээг бууруулдаг бусад эмчилгээн (БНЛП-ийн аферез г.м) дээр нэмэлт болгон хэрэглэнэ.
- Гиперхолестеролемитэй өвчтөний нийт-Х болон БНЛП-Х-ыг бууруулах эмчилгээний стратегийн нэг хэсэг болох атеросклерозын явцыг удаашруулна.
- Анхдагч дисбеталипопротеинемитэй (III хэлбэрийн гиперлипопротеинеми) өвчтөний эмчилгээнд хоолны дэглэм дээр нэмэлтээр хэрэглэнэ.
- Зүрх судасны эмгэгийн анхдагч урьдчилан сэргийлэлт: Зүрхний титэм судасны өвчний эмнэлзүйн илэрхий илрэлгүй боловч эрэгтэйчүүдэд 50 болон түүнээс дээш нас, эмэгтэйд 60 болон түүнээс дээш наснаас хамаарч зүрх судасны эмгэг үүсэх эрсдэл нэмэгдсэн, өндөр мэдрэг С-урвалж уураг 2мг/л буюу түүнээс их байгаа болон зүрх судасны өвчний дор хаяж 1 нэмэлт эрсдэлт хүчин зүйл (цусны даралт ихсэх, ИНЛП-ы хэмжээ буурах, тамхи татах) байгаа эсвэл зүрхний титэм судасны эмгэг цагаас урьтаж илэрдэг гэр бүлийн өгүүлэмжтэй хүмүүст уг бэлдмэлийг дараах зорилгоор хэрэглэнэ.
- Цус харвалтын эрсдлийг бууруулах
- Зүрхний булчингийн шигдээсийн эрсдлийг бууруулах
- Артерийн судасны дахин судасжуулах ажилбарын эрсдлийг бууруулах
Эсрэг заалт
- Үйлчлэгч бодис, туслах бодис эсвэл дигидропиридины уламжлалд хэт мэдрэг.
- Удамшлын ангиоэдем эсвэл ACE дарангуйлагч/ангиотензин II рецептор хориглогчоос ангиоэдем үүссэн өгүүлэмжтэй.
- Жирэмсэн, жирэмсэн байж болзошгүй, найдвартай жирэмслэлтээс хамгаалах арга хэрэглэдэггүй нөхөн үржихүйн насны эмэгтэй болон хөхүүл эх.
- Элэгний хүнд дутагдал, цөсний замын бөглөрөл, холестаз эсвэл элэгний идэвхтэй өвчин; трансаминаз шалтгаангүй тогтвортой ихсэх эсвэл хэвийн дээд хэмжээнээс 3 дахин ихсэх.
- Гол судасны хүнд нарийсал, шок.
- Булчингийн эмгэгшил.
- Бөөрний хүнд дутагдал (креатинины клиренс <30 мл/мин).
- Чихрийн шижин эсвэл дундаас хүнд бөөрний дутагдалтай (ТШХ <60 мл/мин/1.73 м²) өвчтөнд алискирентэй хамт хэрэглэх.
- Циклоспоринтай хамт хэрэглэх.
- Булчингийн эмгэгшил/рабдомиолизын эрсдэлт хүчин зүйлтэй өвчтөнд розувастатины 40 мг тун хэрэглэхийг цээрлэнэ.