Липримар (Liprimar)
Pfizer Manufacturing Deutschland GmbH
Эмийн хэлбэр
Хальсан бүрхүүлтэй шахмал
Жор бичих эмчийн ангилал
Жороор
А, В – ангиллын эмийг өрх, сум, тосгоны эрүүл мэндийн төв, клиникүүд.
С – ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлгүүд.
D – ангиллын эмийг зөвхөн төрөлжсөн мэргэшлийн эмнэлгийн эмч бичихээр зохицуулсан.
Олон улсын нэршил
10 мг · 30 шахмал
20 мг · 30 шахмал
40 мг · 30 шахмал
80 мг · 30 шахмал
Хэрэглэх заалт
- Анхдагч гиперхолестеринеми (гетерозигот гэр бүлийн ба гэр бүлийн бус гиперхолестеринеми (Фредериксоны ангиллаар IIа хэлбэр))
- Хавсарсан (холимог) гиперлипидеми (Фредериксоны ангиллаар IIa ба IIb хэлбэр)
- Дисбеталипопротеинеми (Фредериксоны ангиллаар III хэлбэр) (хоолны дэглэм дээр нэмэлт болгож)
- Хоолны дэглэмд тэсвэртэй, гэр бүлийн дотоод гипертриглицеридеми (Фредериксоны ангиллаар IY хэлбэр)
- Хоолны дэглэм болон эмийн бус бусад эмчилгээний аргад үр дүн хангалтгүй байгаа гомозигот гэр бүлийн гиперхолестеринеми
- Зүрхний цус хомсрох өвчний эмнэлзүйн илрэлгүй боловч түүнийг үүсгэх хэд хэдэн эрсдэлт хүчин зүйлтэй (никотины хамаарал, артерийн гипертензи, чихрийн шижин, цусны сийвэн дэх Хс-БНЛП-ын концентраци бага байх, удамшлын өртөмтгий байдал, ялангуяа дислипидемийн суурин дээр) өвчтөний зүрх судасны хүндрэлийн анхдагч урьдчилан сэргийлэлт
- Дахин судасжуулах шаардлага ба зүрхний бахын улмаас эмгэлэгт давтан хэвтэх, цус харвалт, зүрхний булчингийн шигдээс, нас баралт зэргийн нийт үзүүлэлтийг багасгах зорилгоор зүрхний цус хомсрох өвчтэй өвчтөний зүрх судасны хүндрэлийн хоёрдагч урьдчилан сэргийлэлт.
- Хүүхдийн практикт 10-17 насны өвчтөнд:
- Хоолны дэглэм барихад дараах нөхцөл илэрсэн, гетерозигот гэр бүлийн гиперхолестеринемитэй өвчтөнд нийт холестерин, холестерин бага нягтралтай липопротеид ба аполипопротеин В-ын түвшинг бууруулах зорилгоор хоолны дэглэм дээр нэмэлт болгож хэрэглэнэ:
- а. Хс-БНЛП-ын түвшин ≥ 190мг/дл
- б. Хс-БНЛП-ын түвшин ≥ 160мг/дл ба:
- Залуу насанд зүрх судасны өвчний тохиолдол илэрсэн гэр бүлийн өгүүлэмжтэй эсвэл
- Зүрх судасны өвчин үүсгэх хоёр ба түүнээс дээш эрсдэлт хүчин зүйлтэй өвчтөн
- Цээрлэлт
- Липримарыг дараах өвчтөнд хэрэглэхийг цээрлэнэ:
- Бэлдмэлийн найрлага дахь үйлчлэгч бодис эсвэл ямар нэгэн туслах бодист хэт мэдрэг хүмүүс (“Тоон ба чанарын найрлага” хэсгийг үз)
- Элэгний өвчний идэвхтэй үе шат эсвэл цусны ийлдэс дэх трансаминазын идэвх шалтгаан тодорхойгүйгээр тогтвортой ихсэх (хэвийн хэмжээний дээд хязгаараас 3-аас олон дахин ихсэх)