Пирацетам (Piracetam)
Чухал анхааруулга
Пирацетам нь ялтас эсийн бөөгнөрөлд нөлөөлж, цус алдах эрсдэлийг нэмэгдүүлж болно. Тархины цус харвалтын цусархаг хэлбэр, хүнд цус алдалт, том мэс засал, цус шингэлэх эм хэрэглэж байгаа үед болгоомжтой хэрэглэнэ. Тархины цус алдалт болон Хантингтоны өвчний үед хэрэглэхгүй. Кортикал миоклонусын эмчилгээг гэнэт зогсоовол шинж сэдэрч, таталт үүсч болох тул тунг аажмаар бууруулна.
Тунгийн тохируулга
Бөөрний үйл ажиллагаа (DANI)
Пирацетам бөөрөөр бараг өөрчлөгдөхгүй ялгардаг. Креатинины клиренс буурах тусам хоногийн тунг бууруулж, хэрэглэх давтамжийг цөөрүүлнэ. Бөөрний төгсгөлийн дутагдалтай үед хэрэглэхгүй.
Элэгний үйл ажиллагаа (DALI)
Зөвхөн элэгний үйл ажиллагаа буурсан бол тун өөрчлөх шаардлагагүй. Элэг болон бөөрний үйл ажиллагаа хамт буурсан бол бөөрний үзүүлэлтэд тохируулан тунг бууруулна.
Тусгай бүлгийн хэрэглээ
Ахмад настанд хэрэглэх нь
Ахмад настанд бөөрний үйл ажиллагааг үнэлж, креатинины клиренсэд тохируулан тунг сонгоно. Удаан эмчилгээнд бөөрний үйл ажиллагааг тогтмол хянана.