Авентро бэлдмэлийн эмчилгээний үед дараах бэлдмэлийг хэрэглэж болохгүй 

• Бета адреномиметик эм, ксантины уламжлалын эм нь бэлдмэлийн бронх өргөсгөх үйлдлийг хүчжүүлж болзошгүй. 
• Уг бэлдмэлийг бета адреномиметик эмтэй хамт хэрэглэвэл нүдний даралт ихсэх өвчний өгүүлэмжтэй өвчтөнд цочмог нүдний даралт ихсэх өвчин үүсэх эрсдэл нэмэгддэг. 

Бэлдмэлийг дараах өвчтөнд болгоомжтой хэрэглэнэ 

• Давсагны хүзүүвч хэсгийн бөглөрөл үүсэх хандлагатай өвчтөн 
• Уйланхайт хатууралтай өвчтөн (уйланхайт хатууралтай өвчтөн хоол боловсруулах замын хөдөлгөөний өөрчлөлтөнд өртөмтгий байдаг) 
• Жирэмсэн,хүүхэд төрүүлэх насны эмэгтэй, хөхүүл эх 
• Эмнэл зүйн өмнөх судалгаагаар эрчүүдэд хэрэглэдэг тунгаас илэрхий өндөр тунгаар ингаляцаар болон хамраар хэрэглэсний дараа үр хөврөл болон урагт хортой нөлөө үзүүлдэггүй болох нь тогтоогдсон 
• Жирэмсэн эмэгтэйд уг бэлдмэлийн аюулгүй эсэх нь тогтоогдоогүй.Жирэмсэн буюу жирэмсэн гэж сэжиглэж байгаа үед бэлдмэлийн эмчилгээний ашигтай үйлдэл болон шинээр төрөх хүүхдэд үзүүлж болох сөрөг нөлөөг сайтар харьцуулж үзэх хэрэгтэй 
• Бэлдмэл хөхний сүүтэй ялгардаг эсэх нь тогтоогдоогүй. Хэдийгээр тосонд уусдаггүй нэгдэл боловч хөхний сүүнд нэвтэрч болохыг анхаарах хэрэгтэй. Ингаляциар хэрэглэж байгаа үед хөхүүл хүүхдэд хүүхдэд ач холбогдол бүхий хэмжээгээр хүрэх магадлал бага.Ихэнх эмийн бэлдмэлүүд хөхний сүүтэй ялгардаг учир уг бэлдмэлийг хэрэглэхдээ болгоомжлох хэрэгтэй. 
• Настангуудад
  • Настангуудын биологийн үйл ажиллагаа ерөнхийдөө багасдаг учир бэлдмэлийн тун болон хэрэглэх хоорондын зайг тогтоохдоо үүнийг анхаарна. 

Дараах тохиолдолд бэлдмэлийг яаралтай зогсоож эмчлэгч эмч болон эм зүйчдээ хандана.(боломжтой бол уг эм хэрэглэх зааврын хамт) 

• Сэтгэцийн зүгээс:
  • толгойн ер бусын өвдөлт,салганах,ховор илрэх толгойн хүчтэй өвдөлт, толгой эргэх,ядрах,нойргүйдэх,гаж мэдрэхүй,нойрмоглох,зохицуулга алдагдах 
• Хоол боловсруулах замын зүгээс:
  • Ер бусын дотор муухайралт,хоол боловсруулах замын хөдөлгөөний өөрчлөлт (өтгөн хатах,суулгах,бөөлжих), хэвлийгээр өвдөх 
• Цусны эргэлтийн зүгээс:
  • зүрх ер бусын дэлсэх, тахикарди,ховдлын дээрх тахикарди, тосгуурын фибриляци, зүрхний цохилт түргэсэх 

• Амьсгалын зүгээс:
  • Ховор тохиолдолд тууралт гарах, загатнах, улайх,үс унах 
• Ууж хэрэглэхэд:
  • Эмнэл зүйн судалгаагаар амьсгалын замын бус гаж нөлөөнөөс хамгийн олон давтамжтай илэрсэн гаж нөлөө нь хоол боловсруулах замын хөдөлгөөний өөрчлөлт (өтгөн хатах, суулгах, бөөлжих), ам хатах, толгой өвдөх гаж нөлөө болох нь тогтоогдсон 
• Харшлын урвал:
  • арьсны тууралт,судасны хаван(нүүр,уруул,хэл хавагнах),чонон хөрвөс (том хэмжээний чонон хөрвөс),төвөнхийн агчил, анафилаксын урвал илэрсэн талаар мэдээлэгдсэн.Ихэнх өвчтөн бусад эмийн бэлдмэл болон шар буурцаг зэрэг хоол хүнсний харшлын өгүүлэмжтэй байсан байна. 
• Нүд улайх шинжтэй хавсарсан нүд өвдөх буюу эвгүй болох, хараа бүрэлзэх,харааны гэрэл ба өнгөний дүрслэл өөрчлөгдөх нь нүдний салст бүрхүүлийн зогсонгишил болон эвэрлэгийн хавангийн улмаас үүсэх бөгөөд эдгээр нь нарийн өнцөгт нүдний даралт ихсэх өвчний шинж байж болно. Эдгээр шинжээс хавсарч илэрвэл хүүхэн хараа нарийсгах үйлдэлтэй дусаалга хэрэглэх ба нарийн мэргэжлийн эмчид яаралтай хандана 
• Бусад
  • Цэр нь амьсгалахад хүндрэлтэй болох буюу амьсгаадах шинжийг дордуулж болно.Бэлдмэлийг хэрэглэх үед дараах гаж нөлөө ажиглагдаж болно. Үүнд: хоолой царгих,дотор муухайрах,хавагнах,цээжээр өвдөх, шээс саатах.Шээс саатах эрсдэл нь шээс ялгаруулах замын бөглөрөл бүхий өвчтөнд ихсэнэ. 

Бусад болгоомжлол 

• Ипратропийн бромидыг хэрэглэсний дараа чонон хөрвөс,судасны хаван,тууралт,бронхын агчил,ам залгиурын хаван,анафилаксын урвал зэрэг харшлын урвал тохиолдож болно. 
• Ипратропийн бромидыг амьсгалын замаар дангаар нь болон нүдэнд дусаадаг бета-2 адреномиметик эмтэй хавсарч хэрэглэх үед ганц нэг тохиолдолд нүдний эмгэг (хүүхэн хараа өргөсөх,нүдний дотоод даралт ихсэх,нарийн өнцөгт нүдний даралт ихсэх өвчин,нүд өвдөх)илэрсэн талаар тэмдэглэсэн байна. 
• Өвчтөн бэлдмэлийн хэрэглэх зааврыг сайтар баримтлах хэрэгтэй.Уусмал болон шүршигдсэн дуслын мананг нүдэнд орохоос болгоомжлох хэрэгтэй.Шүршигчийн уусмалыг амны соруулын тусламжтайгаар хэрэглэнэ.Хэрэв энэ нь болгоомжгүй байвал амьсгалын замаар хэрэглэх маск ашиглаж болно. Нүдний даралт ихсэх хандлагатай өвчтөнд нүдээ хамгаалахыг тусгайлан анхааруулна 
• Тун хэтрэлтийн өвөрмөц шинж үүсдэггүй. Эмчилгээний өргөн хүрээтэй болон хэсэг газар хэрэглэж байгаа учир хүчтэй холинолитик үйлдэл илэрдэггүй. Ам хатах, харааны зохирол өөрчлөгдөх, зүрхний цохилт түргэсэх зэрэг системийн бага зэргийн холинолитик үйлдэл ажиглагдаж болно. 
• Бэлдмэлийг шүршигчид сальбутамолын сульфаттай хольсон тохиолдолд нүдэнд шууд хүрч цочмог явцтай нарийн өнцөгт нүдний даралт ихсэх өвчин илэрсэн талаар мэдээлэгдсэн.