Наклофен дуо - Naklofen Duo

Наклофен Дуо

75 мг

Диклофенак – Diclofenac

KRKA d.d., Novo Mesto

Эмийн хэлбэр: Капсул

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 560

ЭМД хөнгөлөх хэмжээ: 168

Даатгуулагч төлөх дүн: 392

Эмчийн ангилал:

A, B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Үе болон нуруу нугаламын үрэвсэлт ба бүтэцийн өөрчлөлтөт өвчнүүд (ревматоид артрит, ювениль ревматоид артрит, анкилозот спондилит, спондилоартрит, остеоартрит)
Цочмог тулайн артрит
Үений орчмийн зөөлөн эдийн хэрлэгийн эмгэгшлүүд
Нурууны өвдөх хам шинж, мэдрэлийн болон булчингийн өвдөлтүүд
Бэртэл гэмтлийн болон мэс заслын дараах өвдөлт болон үрэвслүүд
Эмэгтэйчүүдийн өвчний үеийн өвдөлтийн буюу үрэвслийн хам шинжүүд (анхдагч дисменорей, өндгөвчний үрэвсэл)
Чих хамар хоолойн үрэвсэлт өвчний үеийн илэрхий өвдөлтийн хам шинжийн үед туслах бодис болгон хэрэглэнэ.

Ходоод гэдэсний шархлаа өвчний хурцдал болон ходоод гэдэсний цус алдалт
Диклофенакт болон уг бэлдмэлийн найрлаганд буй аль нэг бодист хэт мэдрэгшсэн үед
Стероид бус бүтэцтэй үрэвслийн эсрэг нөлөөт бусад бэлдмэл болон ацетил салицилийн хүчил хэрэглэсэнтэй холбоотойгоор үүссэн гуурсан хоолойн багтрааны цочмог хөдлөл, чонон хөрвөс болон хамрын салстын цочмог үрэвслийн үед тус тус хэрэглэхгүй.

Өвчний хүнд хөнгөнтэй уялдуулан хувь хүнд тохируулан тунг сонгоно.
Насанд хүрэгсдэд ерөнхийдөө 1 капсул буюу 75мг-аар өдөрт 1-2 удаа хэрэглэнэ. Хоногийн дээд тун: 150мг. Капсулыг хоол идэх үедээ буюу хоолны дараа бүхлээр залгиж ууна.

Тун хэтрэлт

Шинж тэмдэг
- эмнэлзүйн шинж тэмдэг нь төв мэдрэлийн системийн(толгой өвдөх, толгой эргэх, цочромтгой болох, амьсгаадах ба таталт үүсэх өртөмж нэмэгдэх) болон ходоод гэдэсний замын (хэвлийгээр өвдөх, дотор муухайрах, бөөлжих) өөрчлөлтүүд илэрнэ.
Эмчилгээ
- Өвөрмөц антидот байхгүй. Тун хэтэрсэн үед шинж тэмдэгийн эмчилгээ хийнэ.

Ходоод гэдэсний замын талаас

дотор муухайрах, бөөлжих, суулгах, хэвлийгээр өвдөх, диспепси, гэдэс дүүрэх, хоолны дуршил буурах, өтгөн хатах, зарим тохиолдолд ходоод гэдэсний замын шархлаат эмгэг, цооролт үүсэх болон цус алдах зэрэг гаж нөлөө үүсч болзошгүй.

Төв мэдрэлийн системийн талаас 

заримдаа толгой өвдөх, толгой эргэх, нойр өөрчлөгдөх(нойргүйдэх эсвэл унтамхай болох), цочромтгой болох, зарим тохиолдолд мэдрэхүй өөрчлөгдөх, баримжаа алдагдах, ой санамж, хараа сонсгол болон амтлах мэдрэмж өөрчлөгдөх, чих шуугих, таталт үүсэх, гар хуруу чичигнэх, сэтгэц хямрах, сэтгэл гутрал болон сэтгэл түгшүүрлэх зэрэг өөрчлөлт үүсэж болзошгүй.

Харшлын урвал

 Заримдаа арьсны тууралт, ховор тохиолдолд чонон хөрвөс экзем, олон хэлбэрт улайлт, арьс улайх, цөөн тохиолдолд гуурсан хоолойн багтраа хөдлөх, системийн анафилаксийн урвал илрэх заримдаа васкулит болон пневмонит үүсэх зэрэг өөрчлөлт илэрч болно.

Бөөрний талаас илрэх өөрчлөлт

Ховор: хавагнах, бөөрний үйл ажиллагааны цочмог дутмагшил үүсэх болон бөөрний завсарын эдийн үрэвсэл үүсэх нефротик хам шинж үүсэх, гематури илрэх болон шээсэнд уураг илрэх шинж тэмдэг илэрч болно.

Элэгний талаас илрэх өөрчлөлт

Цусанд трансаминазийн идэвх түр зуур өндөрсөх, хааяа гепатит болон зарим тохиолдолд элэгний хурдан явцтай үрэвсэл үүсэх зэрэг гаж нөлөө илэрч болно.

Цус төлжүүлэх эрхтэний талаас илрэх өөрчлөлт

Зарим тохиолдолд: цус задралтат болон апластик анеми, тромбоцитопени, лейкопени болон агранулоцитоз илэрч болно.

Зүрх судасны системийн талаас

ганц нэг тохиолдолд зүрхний хэм олшрох, артерийн даралт ихсэх, зүрхний үйл ажиллагааны дутмагшил үүсч байсан талаар мэдээлэгдсэн.

Диклофенак нь үрэвслийн эсрэг, өвдөлт намдаах болон халуун бууруулах үйлдэлтэй.
Диклофенак нь простагландины нийлэгжилтийг дарангуйлах замаар үрэвсэл, өвдөлт болон халууралт үүсэх эмгэг жамд нөлөөлнө.
Хэрлэг өвчний үед диклофенакын үрэвслийн болон өвдөлт намдаах үйлдэл нь өвдөлтийг илэрхий  дарангуйлж өглөөний хөшинг, үений хаванг багасган өвчний физиологийн үйл ажиллагааг сайжруулдаг.
Бэртэл гэмтэл болон мэс заслын дараах үед диклофенак нь өвдөлтийн мэдрэмж хийгээд үрэвслийн хаванг багасгана.

Наклофен дуо-ын найрлаганд байгаа 2 төрлийн гранул нь эмийн хэлбэрээсээ диклофенак хэлбэрээр чөлөөлөгдөн ууж хэрэглэснээс хойш богино хугацаанд эхлэх ба хэдэн цагийн туршид үйлдэл үргэлжлэх зэрэг бэлдмэлийн түргэн илрэх болон удаан үргэлжлэх үйлдлийн нөхцөлдүүлдэг болно.
Чөлөөлөгдсөн диклофенак нь хурдан хугацаанд бүрэн шимэгддэг.
Диклофенак сийвэнгийн уурагтай 99% холбогдоно. Диклофенак нь үений шингэнд нэвтэрч тэнд 2-4 цагийн дараа хамгийн их концентрациар буюу сийвэнд байдгаасаа илүүгээр хуримтлагдана.
Ууж хэрэглэх үед ойролцоогоор диклофенакын 50% нь элгээр дамжихдаа анхдагч хувиралд өртдөг.
Хагас ялгаралтын хугацаа 2 цаг байна. 65% бөөрөөр метаболит хэлбэрээр үлдсэн хэсэг нь метаболит хэлбэрээр цөстэй хамт гадагшилна.

Наклофен дуо-той хамт хэрэглэхэд:

Фенитоин, литий болон дигоксин
- цусны сийвэнд тэдгээрийн концентраци өндөрсөж болзошгүй.
Зарим шээс хөөх эмүүд
- шээс хөөх нөлөө нь буурдаг.
Кали хадгалагч шээс хөөх эмүүд
- цусанд калийн концентраци өндөрсөнө.
Кортикостероидууд болон бусад СБҮЭБ
- ходоод гэдэсний талаас илрэх гаж нөлөө үүсэх өртөмж нэмэгдэнэ.
Ацетилсалицилийн хүчил
- цусны сийвэнд диклофенакын концентраци буурна.
Циклоспорин
- Циклоспорины бөөр хордуулах нөлөө ихэснэ.
Чихрийн шижингийн эсрэг бэлдмэл
- Гипо- буюу гипергликеми үүсэж болзошгүй. Энэ хослолыг хэрэглэж байгаа үед цусан дахь сахарын түвшинг хянаж байх шаардлагатай.
Метотрексат(түүнийг хэрэглэхээс өмнөх болон хойших 24 цагийн хугацаанд)
- Метотрексатын концентраци өндөрсөж түүний хорон чанар ихэснэ.
Антикоагулянтууд
- цусны бүлэгнэлтийг тогтмол хянаж байх шаардлагатай

Элэг, бөөр болон ходоод гэдэсний замын эмгэгшлийн өгүүлэмжтэй, системийн улаан чоно яр өвчин, холбох эдийн хавсарсан эмгэг, гуурсан хоолойн багтраа, хамрын салстын харшлын гаралтай үрэвсэл, хамрын салстын ургацагтай өвчтөн болон бэлдмэлийг хэрэглэх эгшинд диспепсийн шинж илэрсэн, артерийн даралт ихэссэн, зүрхний үйл ажиллагааны дутмагшилтай, цус бүлэгнэлтийн өөрчлөлттэй өвчтөнд, мөн түүнчлэн өндөр настай хийгээд мэс ажилбар хийлгэсний дараахан үед уг эмийг маш болгоомжтой хэрэглэнэ.
Бэлдмэлийг эмчилгээнд хэрэглэж байгаа үед захын цусны үзүүлэлт, элэг, бөөрний үйл ажиллагаа болон өтгөнд цус илэрч байгаа эсэхийг тогтмол хянаж байх шаардлагатай.
Уг бэлдмэлийг хүүхдэд хэрэглэдэггүй, учир нь насны энэ бүлэгт түүнийг хэрэглэсэн туршлага хомс байгаа болно.

Тээврийн хэрэгсэл жолоодох, машин механизм дээр ажиллах чадварт үзүүлэх нөлөө

Уг бэлдмэлийг хэрэглэж байгаа өвчтөн сэтгэцийн хөдөлгөөний хурд болон анхаарал төвлөрүүлэх чадвар шаардагдсан үйлдэл хийхээс зайлсхийх шаардлагатай.

Жирэмсний эхний болон II гурван сард зөвхөн эхэд үзүүлэх ашигтай тал нь урагт үзүүлэх сөрөг өртөмжөөсөө давуутай үед л бэлдмэлийг ихээхэн болгоомжтойгоор  хэрэглэнэ.
Наклофенийг жирэмсний сүүлийн 3 сард болон хөхүүл үед хэрэглэдэггүй болно.

Найрлага

1 капсулд: Идэвхтэй бодис: 75мг диклофенак натри агуулагдана. (25мг нь хүчилд тэсвэртэй гранул хэлбэрээр, 50мг нь удаан задралт гранул хэлбэрээр)
Туслах бодис
- сахароз, гидроксипропилцеллюлоз, гипромеллоз, магнийн карбонат, этилакрилат болон метакрилны хүчилийн сополимер, триэтилцитрат, титаны гидроксид натрийн карбоксиметилцеллюлоз, макроголь, натрийн гидроксид, аммоний метакрилатын сополимер

Эмийн эмчилгээний бүлэг