Розувастатин 10мг (Rosuvastatin 10mg)
10 мг
Lek Pharmaceuticals d.d,
Эмийн хэлбэр: Шахмал
Үндсэн үнэ: 1100 төг
ЭМД хөнгөлөлт: 330 төг
Даатгуулагч төлөх үнэ: 770 төг
Хэрэглэх заалт
Гиперхолестеринемийн эмчилгээ.
- Зөвхөн хоолны дэглэм ба эмийн бус эмчилгээнд (биеийн тамирын дасгал, биеийн жинг багасгах гэх мэт) хангалттай үр дүн үзүүлэхгүй байгаа насанд хүрэгсэд, өсвөр насныхан, 6-аас дээш насны хүүхдийн анхдагч гиперхолестеринеми (IIa хэв шинж, гетерозигот гэр бүлийн гиперхолестеринемийг оруулаад) буюу эсвэл холимог дислипидеми (IIb хэв шинж)-ийн үед эмчилгээний хоолны дэглэм дээр нэмж хэрэглэнэ.
- Гомозигот гэр бүлийн гиперхолестеринемийн үед хоолны дэглэм болон цусан дахь липидийн хэмжээг багасгах бусад эмчилгээн дээр (жишээ нь БНЛП аферез) нэмж буюу эсвэл ийм эмчилгээ хийх боломжгүй байгаа тохиолдолд хэрэглэнэ.
- Зүрх судасны өвчнөөс сэргийлэх зорилгоор хэрэглэнэ.
- Зүрх судасны өвчин үүсэх өндөр эрсдэлтэй өвчтөнд зүрх судасны үндсэн өвчнөөс сэргийлэх зорилгоор бусад эрсдэл хүчин зүйлийн эмчилгээн дээр нэмж хэрэглэнэ.
Эсрэг заалт
- Розувастатин болон бэлдмэлийн найрлага дахь бусад туслах бодист хэт мэдрэг хүмүүс
- Элэгний өвчний идэвхтэй үе, шалтгаан тодорхойгүй тохиолдлыг оруулаад; цусны сийвэн дэх трансаминазын түвшин удаан хугацаагаар ихсэх ба трансаминазын түвшин хэвийн хэмжээний дээд хязгаараас 3 дахин ихсэх.
- Хүнд явцтай бөөрний дутагдал (креатининий клиренс 30мл/мин-аас бага)
- Булчингийн эмгэг
- Циклоспоринтой хавсарч хэрэглэх
- Жирэмсэн болон хөхүүл үе. Түүнчлэн бэлдмэлийг жирэмслэлтээс хамгаалах арга хэрэглээгүй хүүхэд төрүүлэх насны эмэгтэйд хэрэглэхгүй.
- Бэлдмэлийн 40мг тунтай хэлбэрийг булчингийн эмгэг/рабдомиолиз үүсгэх эрсдэлт хүчин зүйл бүхий хүмүүст хэрэглэхгүй. Ийм эрсдэлт хүчин зүйлд:
- Дунд зэргийн явцтай бөөрний дутагдал (креатининий клиренс 60мл/мин-аас бага)
- Гипотиреоз
- Булчингийн төрөлхийн өвчний хувь хүний болон гэр бүлийн өгүүлэмжтэй өвчтөн.
- ГМГ-КоА-редуктаза-г хориглогч бусад бэлдмэл болон фибратын үйлчлэлээр үүссэн булчингийн хордлогот гэмтлийн өгүүлэмжтэй өвчтөн.
- Согтууруулах ундааг их хэмжээгээр хэрэглэх
- Цусан дахь бэлдмэлийн концентраци ихсэж болзошгүй байдал
- Ази гаралтай өвчтөн
- Фибратуудтай хамт хэрэглэх зэрэг хамаарна.
Шинээр нэмэгдсэн:
Засвартай
Санал, хүсэлт илгээх
