Апаурин
5 мг
Диазепам – Diazepam
KRKA d.d., Novo Mesto
Эмийн хэлбэр: Бүрхүүлтэй шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 120

ЭМД хөнгөлөх хэмжээ: 84

Даатгуулагч төлөх дүн: 36

Эмчийн ангилал:

B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

  • Сэтгэл түгшлийн хямрал.
  • Сэтгэл түгших, хөөрөх, тайван бус болох, нойргүйдэл, булчингийн чангарал, ялангуяа неврозын хам шинж, сэтгэл зүйн шалтгаант биеийн хямрал, архи үгүйлэх хам шинж, бие махбодийн органик эмгэгээс (стенокарди) шалтгаалсан сэтгэл түгшил зэрэг эмнэл зүйн тохиолдолдуудад хэрэглэнэ. Төвийн болон захын булчингийн агчил (агчилын шинж тэмдэг бүхий ТМС-ын өвчин, гипертонус, гиперрефлекс, таталт, нурууны нугаламын шалтгаант булчингийн таталт).  
  • Хэт мэдрэгших
  • ком
  • шок
  • архины цочимог хордлогын улмаас амьдралын чухал үйл ажиллагаа суларсан
  • эмийн цочимог хордлогын улмаас ТМС-ийн үйл ажиллагаа дарангуйлагдсан (ялангуяа наркозын үйлдэлтэй өвдөлт намдаах, нойрсуулах эмийн зүйл)
  • миастени
  • хаалттай өнцөгт глауком (цочимог давшил ба урьдал үе)
  • уушгины архаг бөглөрөлт өвчний хүнд хэлбэр (амьсгалын дутагдал даамжрах эрсдэлтэй), амьсгалын цочимог дутагдал
  • жирэмсэн
  • хөхүүл
  • 3 хүртэлх насны хүүхэд
  • лактаз
  • сахараз
  • изомальтозын дутагдал
  • фруктоз
  • лактоз зохидоггүй
  • глюкоз-галактозын шингээлтийн алдагдалтай хүмүүст хэрэглэхгүй. 

Өвчтөний нас, биеийн байдал, хүндрэлийн шинж тэмдэг зэргийг харгалзан эмчлэгч эмч эмийн тунг тогтооно.

Сэтгэл түгших хямрал, дисфори

  • 2мг-10мг тунгаар хоногт 2-3 удаа. 

Нойргүйдэл(Нойрсоход хүндрэлтэй)

  • 4мг-10мг тунгаар оройд унтахын өмнө. 

Булчингийн чангарал

  • 2мг-10мг тунгаар хоногт 3 удаа. 

Архины үгүйлэх хам шинж

  • Эхний 24 цагт 10мг тунгаар 3 удаа, цаашид 5 мг тунгаар хоногт 3 удаа. 

Мэс заслын өмнөх эмийн эмчилгээ

  • Мэс засалд орохын өмнөх орой 10мг-20мг тунгаар 

Өндөр настан, биеийн байдал сул, мөн атеросклерозтой өвчтөнд эмчилгээг эхлэхдээ

  • 2мг тунгаар хоногт 2 удаа, шаардлагатай бол эмнэл зүйн үр дүн илэртэл тунг нэмэгдүүлж болно.

3-аас дээш насны хүүхэд

  • 1 шахмалаар (2мг) хоногт 2-3 удаа. 

Эмчилгээг зөвлөж буй тунгаар эхлүүлэх бөгөөд 1-2 долоо хоногийн дараа шаардлагатай бол тунг бууруулж хоногт 1 удаа, ялангуяа оройд хэрэглэх нь тохиромжтой. 

Эмчилгээ хэдэн өдрөөс хэдэн долоо хоног үргэлжилнэ. 

Бензодиазепиныг удаан хугацаагаар хэрэглэхэд уг бэлдмэлийн зохимж нь өөрчлөгдөж сэтгэцийн болон бие махбодийн хамаарлын шинж тэмдэгүүд илэрнэ. Өндөр тунгаар, удаан хугацаагаар хэрэглэхэд эмийн хамаарал нэмэгдэнэ. Апаурин бэлдмэлийг удаан хугацаагаар хэрэглэсэн үед тунг аажим бууруулах шаардлагатай учир нь эмчилгээг огцом зогсооход үгүйдлийн хам шинж илэрч болзошгүй (салгалах, хэвлийн болон булчингийн чангарал, бөөлжилт, хөлрөх).

Тун хэтрэх

  • Шинж тэмдэгүүд
    • нойрмоглох, толгой эргэх, ядрах, дизартри, амьсгалын дутагдал, харьцангуй хүнд тохиолдолд ой тогтоолт алдагдах, гипорефлекс, арефлекс, ялангуяа архи болон бусад ТМС дарангуйлах бодистой хамт хэрэглэхэд амьсгал дарангуйлагдах болон дээрх шинж тэмдэгүүд даамжирна.
  • Эмчилгээ
    • тун хэтэрсэн өвчтөнийг эрчимт эмчилгээний тасагт сайтар ажиглана, амьсгал дарангуйлагдсан хүнд тохиолдолд бензодиазепины рецепторын өвөрмөц антагонист – флумазенил хэрэглэнэ. Флумазенилын хагас ялгарлын үе нь ойролцоогоор 1 цаг буюу диазепамын хагас ялгарлын үеэс богино байна.
    • Иймд ухаан санааг бүрэн сэргэтэл флумазенилыг давтан хэрэглэх бөгөөд судсанд дуслаар хийх нь зохимжтой.  Флумазенилын зөвлөж буй эхлэлийн тун 0,3мг бөгөөд судсанд хийж анхааралтай ажиглана.
    • Хэрэв 60 секунд хугацаанд хүлээж буй үр дүнд хүрэхгүй бол давтан 0,1 мг нэмж нийт тунг 2 мг хүргэх эсвэл өвчтөн ухаан ортол хийнэ. Өвчтөн ухаан орсны дараа дахин ухаан алдвал бэлдмэлийг дээрх тунгаар дахин хэрэглэнэ. Энэ тохиолдолд флумазенилыг 0,4-4,0 мг/ц хурдтайгаар хүссэн үр дүнд хүртэл хэрэглэнэ.
    • Флумазенил нь бензодиазепины хордлогын үед үр дүнтэй антидот хэдий ч эпилепситэй өвчтөнд таталт үүсгэж болох тул эдгээр хүмүүст бензодиазепины хордлогын үед флумазенилыг хэрэглэхгүй. 

Гаж нөлөөний давтамжийн ангилал (ДЭМБ)

  • байнга илрэх           >1/10
  • олонтаа илрэх         >1/100 -<1/10
  • хааяа илрэх             >1/1000 - <1/100
  • ховор илрэх             >1/10000 - <1/1000
  • маш ховор илрэх    <1/10000 

Цус төлжилтийн системийн зүгээс

  • маш ховор илрэх: нейтропени (удаан хугацаагаар хэрэглэхэд цусны шинжилгээгээр тогтмол хянана) 

Сэтгэцийн өөрчлөлт

  • олонтаа илрэх: ядрах, нойрмоглох
  • хаяа илрэх: будилах, сэтгэл гутрах, дизартри, хэл яриа бүдэгрэх, идэвхи сулрах, бэлгийн дур буурах. 

Мэдрэлийн системийн зүгээс

  • олонтаа илрэх: атакси
  • хаяа илрэх: толгой өвдөх, толгой эргэх, салгалах, ой тогтоолт алдагдах
  • ховор илрэх: вертиго 

Зүрх судлалын зүгээс

  • хаяа илрэх: брадикарди 

Судасны системийн зүгээс

  • хаяа илрэх: ухаан алдах, зүрх-судасны коллапс, гипотони 

Мэдрэхүйн эрхтэний  зүгээс

  • хаяа илрэх: нүд бүрэлзэх, диплопи, нистагм 

Хоол боловсруулах системийн зүгээс

  • хаяа илрэх: өтгөн хатах, дотор муухайрах, бөөлжих, амны хөндийн салст хуурайших, эсвэл шүлс ихээр ялгарах
  • маш ховор илрэх: шарлалт (удаан хугацаагаар хэрэглэхэд элэгний үйл ажиллагааг шинжилгээгээр тогтмол хянана) 

Арьсны зүгээс

  • ховор илрэх: чоног хөрвөс, арьсны тууралт 

Тулгуур-хөдөлгөөний аппаратын зүгээс

  • хаяа илрэх: булчин сулрах 

Зүрхний зүгээс

  • хаяа илрэх: гипертонийн энцефалопати 

Шээс ялгаруулах  системийн зүгээс

  • хаяа илрэх: шээс задгайрах, шээсний гарц багасах 

Нөхөн үржихүйн системийн зүгээс

  • хаяа илрэх: сарын тэмдэгийн мөчлөг алдагдах 

Бүх төрлийн бензодиазепин хэрэглэх үед өвөрмөц хариу урвал илэрч болно. Сэтгэл хөөрөл, сэтгэл түгшил, хий юм үзэгдэх, булчингийн чангарал, нойргүйдэл,уцаартай болох, нойрсох, нойр хүрэх үйл явц өөрчлөгдөх зэрэг шинж илэрвэл эмчилгээг зогсооно. 

Бензодиазепиныг удаан хугацаагаар хэрэглэхэд уг бэлдмэлийн зохимж нь өөрчлөгдөж сэтгэцийн болон бие махбодийн хамаарлын шинж тэмдэгүүд илэрнэ. Өндөр тунгаар, удаан хугацаагаар хэрэглэхэд эмийн хамаарал нэмэгдэнэ. Апаурин бэлдмэлийг удаан хугацаагаар хэрэглэсэн үед тунг аажим бууруулах шаардлагатай учир нь эмчилгээг огцом зогсооход үгүйдлийн хам шинж илэрч болзошгүй (салгалах, хэвлийн болон булчингийн чангарал, бөөлжилт, хөлрөх). 

Эдгээр шинжүүд удаан хугацаагаар, өндөр тунгаар хэрэглэхэд илэрнэ. Бензодиазепиныгхэдэн сарын турш эмчилгээний тунгаар хэрэглэж байгаад эмчилгээг огцом зогсооход харьцангуй хөнгөн шинж тэмдэг (дисфори, нойргүйдэл) илэрдэг. 

Иймд бэлдмэлийг удаан хугацаагаар хэрэглэж буй бол хоногийн тунг аажим бууруулна.  

Хүнд хэлбэрийн гаж нөлөө илэрсэн тохиолдолд эмчилгээг шууд зогсооно. 

  • Диазепамөргөн хүрээний үйлдэлтэй бензодиазепины уламжлал юм. Сэтгэл засах, тайвшруулах, булчин сулруулах, таталдааны эсрэг үйлдэл нь лимбийн систем, гипоталамус, бага тархинд байрлах бензодиазепины өвөрмөц рецепторт нөлөөлснөөр илэрнэ.
  • Эдгээр рецептор нь  ГАМК (гамма амино маслын хүчил)-ийн рецептортой хамт анатомийн ба үйл ажиллагааны нэгж болдог.
  • Диазепам рецептортой холбогдсоны дараа ГАМК-эргийн дамжуулалт хүчжиж, ТМС дарангуйлагдснаар таталдааны эсрэг, булчин сулруулах үйлдэл илэрнэ. ГАМК-ийн үйлдлийг дэмжсэнээр серотонин, норадерналин, ацетилхолин зэрэг нейромедиаторын идэвхижүүлэх нөлөө буурч тайвшруулах, нойрсуулах үйлдэл илэрнэ. 

Шимэгдэлт 

  • Диазепам нь ходоод гэдэсний замаар түргэн, бүрэн шимэгдэнэ. Ууж хэрэглэхэд ойролцоогоор 75% нь шимэгдэнэ. Биохүртэхүй-90%.  Хоол хүнс диазепамын шимэгдэлтэнд нөлөөлөхгүй. 

Метаболизм 

  • CYP2C19, CYP3A4, CYP3A5, CYP3A7 изоферментүүдийн оролцоотойгоор элгэнд хувирч 3 метаболит үүсгэнэ.  Үндсэн метаболит болох  N-десметилдиазепам нь биологийн идэвхитэй, хагас ялгарлынүе нь диазепамаас урт байна. Оксазепам, темазепам зэрэг метаболитууд нь биологийн идэвхитэй боловч хагас ялгарлынүе нь үндсэн бодистой харьцуулахад богино учир фармакодинамикийн мэдэгдэхүйц үйлдэл үзүүлдэггүй. Цус тархины болон эхэсийн хоригийг нэвтэрнэ, хөхний сүүгээр ялгарах концентраци нь цусны сийвэнгийхтэй харьцуулбал 1/10 байна. Сийвэнгийн уурагтай холбогдолт – 98% байна. 

Тархалт, ялгаралт 

  • Диазепам нь хүний бие махбодид түргэн тархдаг. Тархалтын эзэлхүүн ойролцоогоор 1,1 л/кг байдаг нь сийвэнгийн уурагтай идэвхитэй  холбогдогддогийг илтгэнэ (98-99%).
  • 70% нь глюкуронид хэлбэрээр, 1-2% нь өөрчлөгдөхгүйгээр бөөрөөр, 10% нь өтгөнөөр ялгарна. Ялгаралт нь хоёр үе шаттай: тархалтын эхний түргэн хагас ялгарлын үе (Т1/2-3 цаг), үргэлжилсэн хагас ялгарлын үе (Т1/2-20-70цаг). Десметилдиазепамын хагас ялгарлын үе (Т1/2) – 30-100 цаг, темазепамын хагас ялгарлын үе (Т1/2)  – 9,5-12,4 цаг, оксизепамын хагас ялгарлын үе (Т1/2) – 5-15 цаг байна.
  • Давтан хэрэглэхэд диазепам  ба идэвхит метаболит нь биед хуримтлагдана. Бензодиазепины хагас ялгарлын үе урт буюу  биеэс ялгаралт удаан байдаг өөрөөр хэлбэл метаболитууд нь хэдэн өдрөөс долоо хоног хүртэл цусанд хадгалагдана. 
  • Диазепамын эмчилгээний явцад архи хэрэглэвэл үйлдлийг нь хүчжүүлнэ.
  • Диазепамыг тайвшруулах, сэтгэл гутралын эсрэг, нейролептик, барбитурат, наркозын үйлдэлтэй өвдөлт намдаах, мэдээгүйжүүлэх, моноаминооксидазаг дарангуйлах, гистамины эсрэг, эпилепсийн эсрэг эмүүдтэй хамт хэрэглэвэл ТМС-ийн үйл ажиллагааг дарангуйлах үйлдэл нь нэмэгдэнэ.
  • Эритромицин, рифампицинтай хамт хэрэглэхэд диазепамын үйлдлийг хүчжүүлнэ.
  • Диазепам нь леводопын үйлдлийг бууруулна.
  • Циметидин нь диазепамын клиренсийг багасгаж үйлдлийг нь нэмэгдүүлнэ.
  • Омепразол нь диазепамын метаболизмыг саатуулах тул үйлдэл үргэлжлэх хугацаа, ялгаралыг нэмэгдүүлнэ.
  • Мөөгөнцөрийн эсрэг (итраконазол, флуконазол, кетоконазол) бэлдмэлүүд диазепамын сийвэнгийн концентрацийг нэмэгдүүлснээр гаж нөлөөг ихэсгэнэ.
  • Ууж хэрэглэх жирэмслэлтээс сэргийлэх бэлдмэлүүд нь диазепамын метаболизмыг удаашруулна. 

Болгоомжлол

  • Өвчтөн эпилепси, эпилепсийн таталт өгч байсан өгүүлэмжтэй (диазепамын эмчилгээ эхлэх эсвэл эмчилгээг огцом зогсооход эпилепсийн статус болон таталт үүсэх явцыг түргэсгэдэг), элэг, бөөрний дутагдалтай, тархи ба нугасны атакси, гиперкинези, эмийн хамаарлын өгүүлэмжтэй, сэтгэц нөлөөт эм хэрэглэх дуршилтай, тархины органик эмгэгүүд,  шөнийн амьсгал тасалдал (оношлоглсон эсвэл урьдчилсан таамаглал), өндөр настанд болгоомжтой хэрэглэнэ.

Онцгой анхааруулга

  • Хувь хүний бие махбодийн онцлогоос хамаарч өндөр настан, хүүхэд, ТМС-ийн органик өөрчлөлт бүхий хүмүүст Апаурин бэлдмэлийн эмчилгээг аажим эхэлнэ. Уушгины архаг өвчтэй хүмүүст амьсгалын дутагдалд хүргэж болзошгүй тул болгоомжтой хэрэглэнэ.
  • Бөөрний хүнд эмгэгтэй, зүрхний дутагдалтай, психозтой, архи болон сэтгэц нөлөөт эмийн хамааралтай хүмүүст онцгой анхаарна.  Удаан хугацаагаар хэрэглэхэд уг бэлдмэлийн зохимж өөрчлөгдөнө.
  • Удаан хугацаагаар (3 сараас удаан хугацаагаар) хэрэглэхэд сэтгэцийн болон бие махбодийн хамаарал үүсгэж болзошгүй тул архи болон сэтгэц нөлөөт эмийн хамааралтай, зан төрхийн өөрчлөлттэй хүмүүст эмчилгээний үед онцгой анхаарал хандуулна.
  • Эмчилгээг огцом зогсооход нойргүйдэл, түр зуурын сэтгэл түгшил зэрэг (үгүйдлийн түгшүүр) илэрнэ.
  • Апаурин бэлдмэлийг удаан хугацаагаар хэрэглэсэн үед тунг аажим бууруулах шаардлагатай учир нь эмчилгээг огцом зогсооход үгүйдлийн хам шинж илэрч болзошгүй (салгалах, хэвлийн болон булчингийн чангарал, бөөлжилт, хөлрөх).
  • Эмчилгээний үргэлжлэх хугацаа хэдэн хоногоос 12 долоо хоног хүртэл үргэлжлэх ба үүнд тунг аажим бууруулах үе хамаарагдана. Өвчтөний биеийн байдалд  давтан шинжилгээ сайтар хийсний дараа эмчилгээг үргэлжлүүлж болно.
  • Ямар ч бензодиазепиныг хэрэглэхэд тодорхой өвөрмөц гаж урвал илэрч болзошгүй. Энэ нь хүүхэд болон өндөр настанд ихэвчлэн илэрнэ. Сэтгэл хөөрөл, түгшүүр, ухаан балартах, нойргүйдэх, түрэмгийлэл илэрвэл Апаурин бэлдмэл хэрэглэхийг зогсооно.
  • Эмийн бэлдмэлийн зарим найрлагын талаарх мэдээлэл
  • Апаурин бүрхүүлтэй шахмал (2мг, 5мг) лактоз агуулна. Төрөлхийн галактоз зохидоггүй, лактазын дутагдалтай, лаппа болон глюкоз-галактозын шимэгдэлт алдагддах хам шинж бүхий хүмүүст бэлдмэл хэрэглэхийг зөвлөхгүй.
  • Апаурин бүрхүүлтэй шахмал (2мг, 5мг) сахароз агуулна. Төрөлхийн фруктоз зохидоггүй, сахараз, изомальтазынн дутагдалтай хүмүүст бэлдмэл хэрэглэхийг зөвлөхгүй. Сахароз шүдэнд сөрөг нөлөөтэй.
  • Азолын будаг Е110 (2мг шахмал) нь харшил өгч болзошгүй. 

ЖОЛОО БАРИХ БОЛОН МАШИН МЕХАНИЗМТАЙ АЖИЛЛАХ ЧАДВАРТ БЭЛДМЭЛИЙН ҮЗҮҮЛЭХ НӨЛӨӨ: 

  • Бэлдмэлийг  нь ТМС-ыг дарангуйлах бусад бодистой хамт хэрэглэхэд сэтгэц болон бие махбодийн үйл ажиллагаанд нөлөөлнө. Апаурин бэлдмэл хэрэглэж буй тохиолдолд машин механизм жолоодох болон бусад анхаарал төвлөрөл, хариу урвал шаардагдсан аюултай ажил эрхлэхийг хориглоно. 
  • Апаурин бэлдмэлийг жирэмсэн үед хэрэглэхийг зөвлөхгүй. Төрөхийн өмнө хэрэглэхэд артерийн даралт буурах, амьсгал дарангуйлагдах, нярайд хамаарлын хам шинж илэрнэ.
  • Апаурин бэлдмэл нь хөхний сүүгээр ялгардаг учир хөхүүл үед хэрэглэж болохгүй. Хэрэглэх зайлшгүй шаардлага гарвал хөхөөр хоололтыг зогсооно. 

НАЙРЛАГА 

  • 1 бүрхүүлтэй шахмалд
    • Цөм: 2мг, 5мг
    • идэвхит бодис:        2,00мг                        5,00мг;
    • туслах бодис: лактозын моногидрат, эрдэнэшишийн цардуул, повидон, тальк, магнийн стеарат;
    • бүрхүүл: сахароз, акацийн давирхай, тальк, каполь 600 Фарма;
    • 2 мг тунд: * жаргах нарны шар өнгийн будаг (Е110),
    • 5 мг тунд: * хинолины шар өнгийн будаг (Е104), * индигокармин (Е132), 

*шахмалын жинд тооцогдохгүй. 

Дүрслэл 

  • 2 мг шахмал:
    • 2 талдаа гүдгэр, дугуй, улбар шар өнгийн бүрхүүлтэй шахмал нь цагаан толботой байж болно.
  • 5 мг шахмал:
    • 2 талдаа гүдгэр, дугуй, ногоон өнгийн бүрхүүлтэй шахмал нь цагаан толботой байж болно. 

Савлалт

  • 2мг, 5мг бүрхүүлтэй шахмал.
  • 15 ширхэг шахмалыг блистерт савлана. Хатуу цаасан хайрцаганд 2 блистерэм хэрэглэх зааврын хамт цаасан хайрцагт  савлагдана. 

ХАДГАЛАЛТ

  • 25°С-аас доош хэмд, хүүхэд  хүрэхээргүй газар хадгална. 

ХАДГАЛАХ ХУГАЦАА

  • 5 жил.
  • Савлалтан дээрх хүчинтэй хугацаа дуууссанаас хойш бэлдмэлийг хэрэглэхгүй. 

ЭМИЙН САНГААС ОЛГОХ ЖУРАМ

  • Жороор олгоно. 

ҮЙЛДВЭРЛЭГЧ 

КРКА, д.д., Ново место, Шмарьешка цеста 6, 8501 Ново место, Словения. 

Шинээр нэмэгдсэн:

Засвартай байна...

Энэхүү платформ нь энгийн иргэдэд зориулагдаагүй зөвхөн анагаах ухааны салбарын мэргэжилтнүүдэд зориулагдсан болно. Дур мэдэн өөрийгөө эмчлэхийг хориглоно ! Дур мэдэн хийсэн үйлдлээс гарах үр дагаврыг бид хариуцахгүй.

Бид күүки буюу үйлдлийг бүртгэх технологи ашиглан тодорхой төрлийн мэдээллийг хадгалах ба энэ нь үйлчилгээг сайжруулах, түүнд дүн шинжилгээ хийх зорилготой юм. Таны мэдээлэл бусдад дамжуулагдахгүй.