Дэд гарчиг
Лириби (Lyribi)
JIN YANG PHARM.
- Эмийн хэлбэр
- Капсул
- Олон улсын нэршил
- Прегабалин (Pregabalin)
Тун ба савлагаа
75 мг · 30 капсул
ЭМД-ийн хөнгөлөлт
Үнийн мэдээлэл одоогоор шинэчлэгдэж байна.
- Насанд хүрэгчдэд төвийн болон захын гаралтай мэдрэлийн өвдөлтийн эмчилгээнд хэрэглэнэ.
- Эпилепси: Ерөнхий шинж тэмдэг хавсарсан ба хавсраагүй хэлбэрийн парциал таталтын үеийн нэмэлт эмчилгээнд хэрэглэнэ.
- Фибромиалги эмчилгээнд хэрэглэнэ.
- Бэлдмэлийн идэвхтэй бодис эсвэл агууламж дах бусад нэгдэлд хэт мэдрэг бол хориглоно.
- Тусгай заавар, урьдчилан сэргийлэх арга хэмжээ
- Чихрийн шижинтэй өвчтөн
- Өнөөгийн эмнэлзүйн практикт зааснаар, чихрийн шижинтэй зарим өвчтөнд прегабалин эмчилгээнд биеийн жин нэмэгдсэн тохиолдолд гипогликемийн эмийн тунг тохируулах шаардлагатай болдог.
- Хэт мэдрэгшлийн урвал
- Маркетингийн дараах ажиглалтын явцад хэт мэдрэгийн урвал, түүний дотор ангиневротик хаван үүсэлт илэрсэн тухай мэдээллүүд бий. Ангиневротик хавангийн шинж тэмдэгт нүүр, амны эргэн тойрон, амьсгалын дээд зам хавагнах шинж тэмдэг илэрвэл прегабалины хэрэглээг даруй зогсоох шаардлагатай.
- , нойрмоглох, ухаан алдах, самуурах, сэтгэхүйн чадвар буурах
- Прегабалин нь толгой эргэх, нойрмоглох шинж тэмдэг үүсгэх бөгөөд энэ нь ахимаг насны хүмүүст гэмтэлийн (унах) тохиолдлыг ихэсгэж болзошгүй юм. Маркетингийн дараах тандалтанд ухамсар алдах, төөрөлдөх, сэтгэхүйн чадвар буурсан тайлан байдаг.
- Тиймээс өвчтөнд тухайн эмэнд үзүүлэх нөлөөг мэдэх хүртлээ болгоомжлох нь зүйтэй.
- Харах чадварт үзүүлэх нөлөө
- Хяналтад судалгаанд прегабалин хэрэглэсэн өвчтөнүүдийн ихэнх хувь нь плацебо бүлгийн өвчтөнүүдээс илүүтэй нүд бүрэлзсэн гэж мэдээлсэн бөгөөд ихэнх тохиолдолд эмийг үргэлжлүүлэн хэрэглэснээр алга болсон байна. Нүдний эмчийн үзлэгтэй эмнэлзүйн туршилтаар прегабалин эмчилгээт өвчтөнүүдэд харааны хурц байдал, харах талбайн өөрчлөлт нь плацебо бүлгийн өвчтөнүүдээс өндөр байсан, плацебо бүлгийн өвчтөнүүдэд фундоскопик өөрчлөлтийн тохиолдол өндөр байсан.
- Маркетингийн дараах судалгаанаас харахад нүдний хараа муудах, эсвэл харааны хурц бусад өөрчлөлт зэрэг сөрөг урвалууд илэрсэн бөгөөд ихэнх нь түр зуурын шинжтэй байв. Прегабалины хэрэглээг зогсоосноор эдгээр шинж тэмдгүүд арилах эсвэл сулрахад нөлөөлж болзошгүй юм. Прегабалиныг зогсоосны дараа ийм шинж тэмдгүүд арилах эсвэл хүндрэлийн зэрэг буурч болно.
- Бөөрний дутагдал
- Бөөрний дутагдал үүсэлт бүртгэгдсэн бөгөөд заримдаа прегабалины хэрэглээг зогсоосноор энэхүү сөрөг урвал эргэх боломжтой нь ажиглагдсан.
- Эпилепсийн эсрэг эмийг хасах
- Прегабалин дан эмчилгээнд шилжихийн тулд эмчилгээнд прегабалин нэмснээр таталтын хяналтыг хийсний дараа эпилепсийн эсрэг эмийг зогсоох хангалттай нотолгоо байхгүй байна.
- Орхих шинж тэмдэг
- Богино ба урт хугацааны прегабалины эмчилгээг цуцалсны дараа зарим өвчтөнд орхих шинж тэмдэг илэрч байв.
- Биеийн хараат байдлыг харуулсан дараах үзэгдлүүд ажиглагдсан: нойргүйдэх, толгой өвдөх, дотор муухайрах, сэтгэл түгшил, суулгах, томуу төст хам шинж, түгшүүрлэх, сэтгэл гутрал, өвдөлт, таталт, гипергидроз, толгой эргэх.
- Энэ талаар эмчилгээний эхэнд өвчтөнд мэдэгдэх ёстой.
- Таталдаа, түүний дотор эпилепсийн статус ба их уналт зэрэг нь прегабалин хэрэглэсний дараа эсвэл дараахан тохиолдож болно. Урт хугацааны прегабалины эмчилгээг зогсоох талаар нотлох баримтаас үзэхэд орхих шинж тэмдгүүдийн илрэлийн давтамж, ноцтой байдал нь тунгаас хамаарч болно.
- Зүрхний архаг дутагдал
- Прегабалиныг зах зээлд нэвтрүүлж эхэлснээс хойш зүрх судасны дутагдлын тохиолдол прегабалин хэрэглэсэн зарим өвчтөнд бүртгэгджээ. Зүрх судасны эмгэгтэй өндөр настай өвчтөнүүдэд прегабалинаар невропатийн өвдөлтийг эмчлэхэд ийм хариу үйлдэл ихэвчлэн ажиглагддаг.
- Ийм өвчтөнүүдэд прегабалиныг болгоомжтой хэрэглэх нь зүйтэй.
- Прегабалины хэрэглээг зогсооход энэ хариу урвал арилж болно.
- Нуруу нугасны гэмтлийн улмаас үүссэн төвийн гаралтай невропатийн өвдөлтийг эмчлэх
- Нуруу нугасны гэмтлээс үүдэлтэй төвийн гаралтай невропатийн өвдөлтийг эмчлэхэд ерөнхийдөө төв мэдрэлийн тогтолцооны сөрөг урвал, ялангуяа нойрмоглох байдал нэмэгдсэн. Энэ нь тухайн өвчнийг эмчлэхэд шаардагдах хавсарсан эмүүдийн (жишээлбэл, агчил тавиулах эм) нэмэлт нөлөөтэй холбоотой байж болох юм. Ийм өвчтөнд прегабалины хэрэглээнд нөхцөл байдлыг анхаарч үзэх хэрэгтэй.
- Амиа хорлох сэдэл ба зан үйл.
- Амиа хорлох сэдэл, зан үйлийн илрэлүүд эпилепсийн эсрэг эмэн эмчилгээт өвчтөнүүдэд тодорхой заалтаар бүртгэгдсэн байдаг.
- Эпилепсийн эсрэг эмийн санамсаргүй түүврийн плацебо хяналттай туршилтын мета-анализд амиа хорлох сэдэл, зан үйлийн эрсдлийг нэмэгдүүлсэн болохыг харуулж байна.
- Энэ үзэгдлийн механизм нь тодорхойгүй бөгөөд бэлэн мэдээлэл нь прегабалин хэрэглэснээс болж үүсэх магадлалыг үгүйсгэхгүй.
- Тиймээс өвчтөнүүдийг амиа хорлох сэдэл, зан авирын шинж тэмдэг илрэхийг анхааралтай ажиглаж, илэрвэл зохих эмчилгээг хийлгэх шаардлагатай. Амиа хорлох сэдэл, зан авирын шинж тэмдэг илэрвэл өвчтөнүүд (тэдний асран хамгаалагчид) эмнэлгийн тусламж авах шаардлагатай.
- Ходоод гэдэсний доод замын үйл ажиллагааны доройтол.
- Уг эмийг зах зээл дээр гаргасны дараа опиоидын өвдөлт намдаах эм гэх мэт өтгөн хатаах шинж чанартай эмтэй прегабалин хамт хэрэглэснээр ходоод гэдэсний доод хэсгийн үйл ажиллагаа муудахтай холбоотой үзэгдлүүд (жишээлбэл, гэдэсний түгжрэл, саажилттай гэдэсний түгжрэл, өтгөн хаталт) бүртгэгдсэн.
- Прегабалин ба опиоидыг хослуулан хэрэглэвэл өтгөн хатахаас урьдчилан сэргийлэх арга хэмжээ авна (ялангуяа эмэгтэйчүүд, өндөр настай өвчтөнүүдэд).
- Буруу хэрэглээ, донтуулах чадвар эсвэл хараат байдал
- Зохисгүй хэрэглээ, хараат байдал, донтолтын тохиолдол бүртгэгдсэн байна. Эмийн донтолын түүхтэй өвчтөнүүдэд болгоомжтой хэрэглэх хэрэгтэй. Өвчтөнүүдийн буруу хэрэглээ, прегабалинаас хамааралтай болох шинж тэмдгийг хянах хэрэгтэй (хүлцэл төлөвшил, тунг нэмэгдүүлэх, эм хайх зан төлөв).
- Энцефалопати
- Энцефалопатийн тохиолдол нь энцефалопати үүсгэж болох хавсарсан өвчинтэй өвчтөнүүдэд ихэвчлэн тохиолддог.
- Нөхөн үржихүйн насны эмэгтэйчүүд / Эрэгтэй, эмэгтэйн жирэмслэхээс хамгаалах хэрэгсэл
- Хүнд учруулах эрсдэл нь тодорхойгүй тул нөхөн үржихүйн насны эмэгтэйчүүд жирэмслэхээс хамгаалах эмийг хэрэглэх нь зүйтэй.
Хэрэглэх арга ба тун
Гаж нөлөө
Фармакодинамик
Фармакокинетик
Эмийн харилцан үйлчлэл
Анхааруулга
Жирэмсэн болон хөхүүл үе
Бусад мэдээлэл
Гишүүн болж бүх агуулгыг уншаарай.
Гишүүнчлэлийн эрхтэй бол нэвтэрч үзнэ үү.
Чихрийн шижин - Диабет (Diabet mellitus)
Чихрийн шижин нь инсулиний шүүрэл багасах болон инсулин дааврын үйлдэл алдагдсанаас цусны глюкозын хэмжээ ихэсдэг бодисын солилцооны эмгэг юм.
Гипогликеми (Hypoglycemia)
Гипогликеми нь глюкоз буурснаас автономит болон нейрогликопенийн шинж илэрч, хүнд үед бусдын яаралтай тусламж шаарддаг эмнэлзүйн байдал юм.
Хэт мэдрэгшил, харшилт өвчнүүд (Hypersensitivity reactions, allergic diseases)
Хүрээлэн буй орчны хор хөнөөлгүй өдөөлтийн эсрэг (ж.нь., хүнс, цэцгийн тоос, амьтны үс ноос) өрнөж буй дархлааны хэвийн бус хариу урвал юм.
Толгой эргэх
Тэнцвэрийн мэдрэхүйд саад учрах үед тохиолдох шинж тэмдэг; нүд, дотор чихний тэнцвэрийн эрхтэн болон проприоцепторуудаас тархи руу ирж буй мэдээлэл зөрчилдөхөд үүснэ. Ихэвчлэн дотор муухайрах, бөөлжихийг дагалдана.