Порфироцин (Porphyrocin 250 mg)

Порфироцин

250 мг

Эритромицин – Erythromycin

Medochemie Ltd

Эмийн хэлбэр: Бүрхүүлтэй шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 300

ЭМД хөнгөлөх хэмжээ: 90

Даатгуулагч төлөх дүн: 210

Эмчийн ангилал:

A, B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

Дараах өвчинд хэрэглэнэ

Остеомиелит зэрэг ясны үрэвслүүд
Гадна болон дунд чихий үрэвсэл зэрэг чихний халдварууд
Зовхины үрэвсэл зэрэг нүдний халдварууд
Цөсний хүүдийн үрэвсэл, стафилококкоор үүсгэгдсэн нарийн бүдүүн гэдэсний үрэвсэл зэрэг ходоод гэдэсний халдварууд
Буйлны үрэвсэл, Винсентийн гүйлсэн булчирхайн үрэвсэл зэрэг ам, шүдний халдварууд
Төвөнхийн үрэвсэл, гүйлсэн булчирхайн ойролцоох үрэвсэл,залгиурын үрэвсэл, хамрын дайвар хөндийн үрэвсэл, гүйлсэн булчирхайн үрэвсэл, ханиад томууны үед хоёрдогч халдвар авсан, архаг, хурц гуурсан хоолойн үрэвсэл, гуурсан хоолой тэлэгдэх өвчин, Легионерын өвчин, хатгаа (гуурсан хоолойн, хэв шинжгүй, хэсэг газрын), цагаан мөгөөрсөн хоолойн үрэвсэл зэрэг амьсгалын дээд доод замын халдварууд
Заг хүйтэн, тэмбүү, гонококкын бус гаралтай шээсний сүвийн үрэвсэл, бэлгийн замын лимфгранулом зэрэг бэлгийн замын халдварууд
Буглаа, хатиг, мундас, өөхөн эдийн үрэвсэл, хумсны зөөлөн эдийн үрэвсэл, идээлсэн батга, ёлом зэрэг арьс зөөлөн эдийн халдварууд
Сахуу, улаанууд зэрэг бусад халдварууд
Урьдчилан сэргийлэх зорилгоор: гэмтлийн мэс заслын өмнө дараа, түлэгдэлт, нянгийн эндокардит, хэрэх өвчний халууралт

Эритромицинд хэт мэдрэг (харшилтай) эсвэл ПОРФИРОЦИН-ы найрлаганд орсон бүтээгдэхүүнд харшилтай
Өвс ургамлын харшил халууралтанд хэрэглэдэг астемазол, терфенадин хэрэглэж байгаа
Толгой таллаж өвдөх өвчний эмчилгээнд хэрэглэдэг эрготамин, дигидроэрготамин хэрэглэж байгаа
Цисаприд, пимозид хэрэглэж байгаа

Насанд хүрэгчид болон наймаас дээш насны хүүхэд:

хөнгөн, дунд зэргийн халдваруудын үед 1-2гр, хоногийн тунг хоёр хувааж эсвэл дөрвөн цагийн зайтай өгнө. Хүнд халдварын үед хоногийн тунг 4гр хүртэл ихэсгэх ба  хоногийн тунг хоёр хувааж эсвэл дөрвөн цагийн зайтай өгнө.
ихэвчлэн долоогоос арван дөрөв хоног хэрэглэдэг.

Настай хүн

Зөвлөгдсөн тун байхгүй.

ПОРФИРОЦИН тун хэтрэлт

Жоронд бичигдсэнээс илүүг хэзээ ч бүү уу. Хэрэв та болон хэн нэгэн санаандгүйгээр эритромицины тунг хэтрүүлэн уусан бол эмчдээ хэл эсвэл орон нутгийн эмнэлэгийн яаралтай тусламжийн тасагт хандана уу.  Эмээ савтай нь авч очоорой, сав нь хоосон ч байсан болно.

Хэрэв та ПОРФИРОЦИН хэрэглэхээ мартсан тохиолдолд

Хэрэв уух тунгаа мартсан бол санасан даруйдаа уу. Мартсан эмээ хэрэглэх эмтэйгээ давхарлаж хэрэглэж болохгүй.

Бүх хүнд биш ч гэсэн зарим тохиолдолд ПОРФИРОЦИН хэрэглэх үед хүсээгүй үр нөлөө илэрч болно.

Нүүр хавагнах, амьсгалахад хэцүү болох, арьс загатнах, тууралт гарах, улайх, хавагнах
Хүнд хэлбэрийн цустай суулгалт
Чих өвдөх, дүлийрэх
Арьс нүдний цагаан шарлах, нуруугаар өвдөх
Шалтгаангүй халуурах, ядрах

Ховор тохиолдож бүртгэгдсэн гаж нөлөө:

дотор муухайрах, ходоод гэдэсний хямрал, бөөлжих, суулгах. Арьсны бага зэргийн тууралтаас эхлээд хүнд хэлбэрийн арьсны эмгэг хүртэл ховор тохиолдох эмгэгүүд бүртгэгдсэн.
Цус, бөөр, төв мэдрэлийн тогтолцоог гэмтээсэн гаж нөлөө бүртгэгдсэнээс бус шүдний гаж хөгжил бүртгэгдсэн зүйлгүй.
Эритромицин хэрэглэсэн өвчтөнүүдэд зүрхний хэм алдагдах гаж нөлөө ховор тохиолддог. Цээжээр өвдөх, зүрх дэлсэх, толгой эргэх шинжүүд бүртгэгдсэн. Элэгний үрэвсэл, элэгний үйл ажиллагааны өөрчлөлт илэрдэг /элэгний үйл ажиллагааны шинжилгээний хариу өөрчлөлттэй гарна/.

Эпилепси өвчинд хэрэглэдэг карбамазепин, вальпроны хүчил, фенитойн
Зүрхний эмчилгээнд хэрэглэдэг дигоксин
Багтраа өвчний үед хэрэглэдэг теофиллин
Нойрны өөрчлөлтөнд хэрэглэдэг триазолам
Макролидын бүлгийн антибиотек, кларитромицин
Цисаприд
Эрготамин, дигидроэрготамин
Цус шингэлэх үйлчилгээтэй варфарин болон бусад эмүүд
Өвс ургамлын харшил халууралтанд хэрэглэдэг астемазол, терфенадин
Ходоодны өвчинд хэрэглэдэг циметидин
Сэтгэцийн өвчинд хэрэглэдэг пимозид
Дараах эмүүдийн аль нэг: дизопирамид (зүрхний өвчинд) эрготамин, дигидроэрготамин (толгой таллаж өвдөх өвчинд), хексобарбитон (тайвшруулах эм), циклоспорин (эрхтэн шилжүүлэн суулгасаны дараа), бромкриптон (Паркинсоны өвчинд), алфентанил, мидазолам, фенитойн, хинидин, такролимус, терфенадин, теофиллин, триазолам, зопиклон
Бусад халдваруудын үед хэрэглэдэг бусад антибиотекууд

Порфироцин хэрэглэхдээ болгоомжил

Элэгний өвчтэй эсвэл элэгний эмгэг үүсгэх эм хэрэглэж байгаа
Булчин сулардаг миастени гравис гэдэг өвчтэй
ПОРФИРОЦИН хэрэглэх үед, хэрэглэсэний дараа хүнд удаан хугацаагаар суулгалт илэрсэн. Энэ тохиолдолд эмчдээ тэр даруйд мэдэгдээрэй.
Зүрхний бичлэгт QT интервал уртассан (ховдлын агшилт түргэсэх эрсдэл)
Порфири өвчтэй
Жирэмсэн эсвэл хөхүүл

Тээврийн хэрэгсэл жолоодох болон механизмтай ажиллах:

ПОРФИРОЦИН тээврийн хэрэгсэл жолоодох, механизмтай ажиллах үед нөлөөлдөг гэж тэмдэглэгдээгүй.

Хэрэв та жирэмсэн эсвэл хүүхэдтэй болохыг хүсэж байгаа бол ПОРФИРОЦИН хэрэглэхийн өмнө эмч эсвэл эм зүйчээс зөвлөгөө аваарай. Эритромицин жирэмсэн үед хортой гэдэг нь ажиглагдаагүй.
Эритромицин хөхний сүүгээр бага хэмжээгээр ялгардаг тул хөхөөр хооллож байгаа хүүхдэд нөлөөлж болзошгүй. Та өөрөө уг эмийг хэрэглээд хүүхдээ хөхөөр хооллох бол эмчтэй зөвлөлдөөрөй.

ПОРФИРОЦИН ЮУ АГУУЛДАГ

Идэвхитэй бодис нь эритромицин. Шахмал тус бүр нь 250мг эритромицинтэй тэнцэх эритромицины стеарат агуулна.
Найрлага дах бусад бодисууд: лактоз, жижиг талстат целлюлоз, натрийн кроскармелоз, цахиурын давхар ислийн коллойд, магнийн стеарат, опадри пинк ОҮ-1383(гидроксилпропилметил целлюлоз, титаны давхар исэл, цэвэршүүлсэн тальк, эритрозин хөнгөн цагааны лак (Е127))

ПОРФИРОЦИН -ний харагдах байдал болон савлагааны багтаамж

Бүрээстэй шахмалыг ууж хэрэглэнэ.Поливенилхлоридээр бүрсэн, 10 шахмалыг хөнгөн цагаан фольгитэй блистерт савласан. Цаасан хайрцганд өвчтөнд зориулсан танилцуулгатай хамт 20 ширхэгээр савлагдсан. Хайрцгандаа 100, 250, 500 1000 ширхэгээр савлагдсан.

Худалдаанд зарим савлагаанууд байхгүй байж болно.

Маркетингийн зөвшөөрөл олгогч болон Үйлдвэрлэгч

Medochemie Ltd,

1-10 Constantinoupoleosstreet, 3011

Limassol, Cyprus

Үйлдвэрлэгч мэдээлэл

Савлагааны мэдээлэл