Нэвтрэх
    • Өдөр
      Шөнө
    • Нэвтрэх

    • Парацетамолыг урт хугацаагаар хэрэглэх нь даралт ихэсгэдэг

    Судалгаа, эрдэм шинжилгээ, Шинэ мэдлэг, мэдээлэл
    Болдбаатар Энх-оюун2022-02-17

    Эдинбургийн их сургуулийн судлаачдын Circulation сэтгүүлд хэвлүүлсэн судалгаанд парацетамолыг урт хугацаанд хэрэглэх нь даралт ихсэлттэй хүмүүст зүрх судасны өвчний эрсдэл ба харвалтын эрсдэлийг нэмэгдүүлдэг болохыг баталжээ.

    Үрэвслийн эсрэг дааврын бус бэлдмэлүүд (NSAIDs) нь даралт ихэсгэж, зүрх судасны өвчний эрсдэлийг нэмэгдүүлдэг тул өвчин намдаах эмчилгээнд парацетамолыг ихэвчлэн зөвлөдөг. Архаг өвдөлт зэрэг байнгын урт хугацаагаар өвчин намдаах эм хэрэглэх шаардлагатай өвчтөнүүдэд аль болох боломжит богино хугацаагаар өвдөлтийг намдаах хамгийн бага тунгаар хэрэглэхийг судлаачид зөвлөж байна.

    Энэхүү судалгаанд даралт ихэсдэг, архаг өвдөлттэй 110 өвчтөнг санамсаргүйгээр 2 бүлэгт хуваан 14 хоногийн турш нэг бүлэгт 1 гр парацетамолыг өдөрт 4 удаа, нөгөө бүлэгт плацебо эмийг өгч, давхар нууцлалтай хийжээ.

    Плацебо бүлэгтэй харьцуулахад парацетамол ууж байсан бүлгийн өвчтөнүүдийн даралт илэрхий ихэсч байсан нь ажиглагджээ. Энэ нь NSAID-ийн бүлгийн эмүүдтэй адил байгаа ба зүрх судасны өвчин, харвалтын эрсдэлийг 20% орчим нэмэгдүүлж магадгүй гэж судлаачид үзэж байна. Гэхдээ энэ нь зөвхөн парацетамолыг урт хугацаагаар хэрэглэж байгаа, ялангуяа даралт ихсэлттэй эсвэл зүрх судасны өвчин, харвалтын эрсдэлтэй хүмүүст хамаатай гэж судлаачдын баг дурдсан байна.

    “Парацетамолыг богино хугацаанд толгойн өвдөлтөнд эсвэл халуун бууруулахаар хэрэглэхэд зүгээр ба зөвхөн урт хугацаанд хэрэглэж буй хүмүүст (ялангуяа архаг өвдөлтөнд) хамаатай юм” гэж Үндэсний эрүүл мэндийн байгууллагын Лотиан салбарын Эмнэлзүйн фармокологи ба Нефрологийн зөвлөх, судалгааны багийн ахлагч Лэйн МакИнтейр дурджээ.

    “Энэ судалгаагаар дэлхий дахинд хамгийн их хэрэглэгддэг эм болох парацетамол нь даралт ихэсгэж, зүрхний шигдээс, харвалтын эрсдэлийг нэмэгдүүлдэг болох нь харагдаж байна. Тиймээс удаан хугацаанд парацетамолыг хэрэглэхээр төлөвлөж буй тохиолдолд эмч болон өвчтөн (ялангуяа зүрх судасны эрсдэлтэй өвчтөнүүдэд) хамтдаа ашиг тус болон эрсдэлийг тооцох хэрэгтэй”
    Эдинбургийн их сургуулийн Эмнэлзүйн фармокологийн тэнхимийн дарга Профессор Жеймс Дейр
    “Бид эмч нартаа өвдөлтийн менежментийн үед парацетамолыг бага тунгаар эхэлж, тунг үе шаттай ихэсгэж, өвдөлт намдаах шаардлагатай тунгаас хэтрүүлэхгүй байхыг зөвлөдөг. Зарим өвчтөнүүдэд мэдэгдэхүйц даралт ихэсч байгаа тул архаг өвдөлттэй даралт ихэсдэг өвчтөнүүдэд эмч нар шинээр парацетамолыг зөвлөж байгаа бол маш сайн хянах хэрэгтэй”
    Эдинбургийн их сургуулийн Эмчилгээ ба Эмнэлзүйн фармокологийн тэнхимийн дарга, судалгааны ахлагч Профессор Дэвид Вебб

    Парацетамол нь АНУ, Европын улсуудад хамгийн түгээмэл хэрэглэгддэг эм ба манай улсад ч мөн хүмүүс их хэрэглэдэг эм юм. Тиймээс богино хугацаанд өвдөлт намдаах, халуун бууруулахаар зөвлөх гэж байгаа үед энэ судалгааны үр дүнд санаа зовохгүйгээр хэрэглэж болох хэдий ч урт хугацаанд өвчтөнд зөвлөх гэж байгаа тохиолдолд зайлшгүй анхаарах хэрэгтэй юм.

    Эх сурвалж: https://www.ed.ac.uk/research/latest-research-news/regular-paracetamol-use-linked-to-high-blood-press?fbclid=IwAR3d3HCwd8rTiCBRPHsfMgym49RRahbERqQomyxJi4z2KT7evikhMGxpKT0

    Хуваалцах

    FAQ - Тогтмол асуугддаг асуултууд

    Эрдэмед платформ гэж юу вэ ?

    Анагаах ухааны нотолгоо баримтад суурилан батлагдсан болон шинэ, судлагдаж буй мэдлэг, мэдээллийг цахимаар хүргэдэг Анагаах ухааны мэдлэгийн лавлах платформ юм.

    Яагаад эрх авах хэрэгтэй вэ ?

    Хэдийд ч, хаанаас ч өөрийн гар утас, таблет, компьютерыг ашиглан анагаахын мэдлэгийг хурдан хугацаанд лавлан харах боломжтой. Эрдэмед анагаах ухааны мэдлэгийн платформд хамгийн сүүлийн үеийн эмчилгээ, оношилгооны удирдамж зөвлөмжүүдээс гадна анатоми, физиологи зэрэг суурь мэдлэгийн контентуудыг унших боломжтой. 

    • Мэргэжлийн ном худалдан авах гэж шуудан хүлээх эсвэл дэлгүүр явах шаардлагагүй
    • Орчин үеийн E-Learning платформ нь байгальд ээлтэй суралцах аргуудын нэг
    • Олон мэргэжлийн ном худалдан авахаас зайлсхийж таны мөнгө, санхүүг хэмнэнэ
    Хайсан зарим сэдэв байхгүй байна ?

    Тийм, таны зөв. Анагаах ухаан өөрөө маш өргөн хүрээг хамарсан асар их мэдээллийн урсгал байдаг. Одоогоор та 150 гаруй контент, 600 гаруй эмийн мэдээлэл, ICD-10 өвчний олон улсын ангиллын цахим лавлах үзэх боломжтой байгаа ба сэдвийн тоо, цар хүрээ цаашид тогтмол нэмэгдэх юм. Ингэхдээ бид хамгийн түрүүнд зонхилон тохиолдох суурь мэдлэгийн сэдэв, өвчин, эмгэгийг сонгон оруулж байна. Шинээр нэмэгдсэн сэдвийн мэдээллийг бид бүхэн танд тогтмол илгээж байх болно.

    Асуулт байна. Яаж холбогдох вэ ?

    Дэлгэцийн баруун доор байрлах чатаар, info@erdemed.com цахим хаягаар болон сошиал сувгуудаар холбогдож хэрэгцээт мэдээллээ авах боломжтой.

    ErdeMed-г ашиглахад төлбөр төлөх үү?

    Манай платформ нь төлбөртэй үндсэн багцын үйлчилгээ болон үнэгүй үзэж болох контентүүдийг санал болгодог. Мөн та мэдээ уншихад ямар ч төлбөр төлөхгүй.

    Би зөвхөн интернеттэй газар татаж унших уу?

    Тийм. Одоогоор зөвхөн интернеттэй орчинд ашиглах боломжтой байгаа ба удахгүй Апп ашиглалтад орох үед offline горим буюу интернетгүй орчин ашиглах боломж бүрдэх юм.

    Хамтарч ажиллахад яаж холбогдох вэ?

    Бидэнтэй хамтран ажиллахад бидний үүд хаалга ямагт нээлттэй ба info@erdemed.com хаяг болон Fb-чат уруу холбоо барина уу !

    Ашиглахад ямар Web-browser, гар утас, таблет тохиромжтой вэ?

    Бүх Web-browser дээр ашиглах боломжтой ба бид Google Chrome-г санал болгодог. Таны утас Android 5.0 болон iOS 10.01 хувилбараас дээш үйлдлийн системтэй бол ашиглаж болно.

    Хэрэглэгчийн мэдээлэл