Мэс заслын гар угаалт, мэс заслын халат өмсөх, ариун бээлий өмсөх

Мэс заслын гар угаалт, мэс заслын халат өмсөх, ариун бээлий өмсөх үйл явцыг мэс заслын багийн бүх гишүүд мэс засал бүрийн өмнө хийж гүйцэтгэх ёстой.

Мэс заслын гар угаалтаар гар болон шууг халдваргүйжүүлнэ. Дараа нь ариун мэс заслын халат, бээлийг өмсөж, халдваргүй орчинг бүрдүүлнэ.

“Мэс заслын гар угаалт” нь халдварын эрсдэлийг эрс бууруулж, өвчтөнд эмчилгээний үр дүнг сайжруулдаг. Тиймээс үүнийг нухацтай авч үзэж, үргэлж хамгийн өндөр стандартын дагуу гүйцэтгэх ёстой.

Энэ нийтлэлд бид мэс заслын гар угаах, ариун халат өмсөх, ариун бээлий өмсөх үйл явцын талаар авч үзнэ.

Бэлтгэл

1. Гарнаас цаг, бөгж, бугуйвч зэрэг гоёлоо ав (найдвартай газарт хадгалах аа мартваа).
2. Ханцуй тохойноос дээш 5-7см шуугдсан эсэхийг шалга.
3. Ариун халатаа цэвэр ширээн дээр задлахдаа зөвхөн хамгийн гадна ирмэгүүдийг барьж ариун орчныг хангах (доорх зургийг үз)
4. Бээлийний уутыг задлан цэвэр гадаргуу дээр унагах (доорх зургийг үз).
5. Хумсны сойз болон хумсны цэвэрлэгч бэлтгэ.
6. Маскаа зүүж, тохируулж бэхэл.

Мэс заслын гар угаалт

(мэс заслын багийн гишүүдийн халдваргүй орчинд ажиллахад маш чухал үүрэг гүйцэтгэдэг)

1. Усыг гоожуулж (Зураг 1), савангаар хумсны цэвэрлэгч болон сойзоо хучиж, тохойгоо савангийн савны дээр байрлуулан саван түрхэж хумсаа цэвэрлэж, гараа ямар ч бохирдлоос салгах (Зураг 2).
2. ДЭМБ -ын гар угаах журмын дагуу гараа, шуугаа, тохой хүртэл угааж эхэлнэ. Гар хэсгийг угааж, шуу хэсгийг эргэлдэх хөдөлгөөнөөр угаана (Зураг 3). Энэ үйлдэл нь дор хаяж нэг минут үргэлжлэх ёстой.
3. Гар, шуугаа угаасны дараа, гараа өргөөд тохойноосоо доош усыг гоожуулж, угаалтуур руу урсгах (Зураг 4).
4. Энэ үйл явцыг дахин гурван удаа давтана: эхлээд шууны дунд хүртэл (Зураг 5), дараа нь бугуй хүртэл (Зураг 6), эцэст нь зөвхөн гараа (Зураг 7). Бүр нэг минут үргэлжлэх ёстой.
5. Гараа өргөсөн хэвээр байлгаж (Зураг 8), халатны уутанд байгаа ариун алчуураар гараа болон шуугаа арчихдаа арчих бус, дарж арчиж хатаана (Зураг 9). Тус бүр нэг алчуурыг нэг гартаа хэрэглээд хаяна.

Ариун халат өмсөх, ариун бээлий өмсөх

1. Ариун халатаа аваад (Зураг 1) зөөлөн 2 тийш нь займчуулан сэгсэрч задлаарай, энэ үед бусад зүйлд хүргэхээс болгоомжлоорой (Зураг 2).
2. Халатаа задлаад гараа ханцуй руу оруулна (Зураг 3, 4); гараа ханцуйнаас бүтэн гаргахгүйгээр дотор нь байлгана (Зураг 5).
3. Туслах сувилагч/ажилтнаас тусламж хүсч, халатаа мөрөн дээгүүрээ татуулж, ар талдаа уяуулаарай.
4. Баруун гарын бээлийгээ авч, алга хэсгийг нь гар дээрээ доош харуулж, хуруунуудыг бие рүүгээ чиглүүлнэ (Зураг 6).
5. Баруун гарынхаа эрхий болон долоовор хуруугаараа бээлийний ханцуйны доод хэсгийг барьж, зүүн гарынхаа эрхий болон долоовор хуруугаараа бээлийний ханцуйны дээд хэсгийг барьж (аль аль гар нь ханцуй дотор байна), бээлийг баруун гартаа өмсөнө (Зураг 7, 8).
6. Халатны ханцуйг зөөлөн хойш татаж, гараа бээлий рүүгээ оруулахад тусалж, бээлийг бүрэн өмсөнө (Зураг 9); халатны ханцуй бээлийн дотуур алганы ихэнх хэсгийг бүрхсэн байх ёстой.
7. Зүүн гарт ижил аргаар бээлий өмсөнө.

Анхаар!

• Ариун байдлаа хадгалахын тулд явж байхдаа гараа биеийнхээ урд талд, мөрнөөс, хүйс хооронд байрлуулахыг зөвлөж байна. (Гарыг урдаа солбих, 2 суганд солбиж хавчуулах зэрэг нь ариун байдлыг алдагдуулна гэдгийг анхаарна уу!)
• Мэс заслын хэсэгт ариун биш тоног төхөөрөмжид хүрэхээс зайлсхийх хэрэгтэй.
• Доорх зурагт хүрээлсэн хэсгийг ариун гэж тооцно.

ТҮЛХҮҮР САНАА

• Мэс заслын багийн бүх гишүүд мэс заслын өмнө гар угаах, халат өмсөх, бээлий өмсөх үйлдлийг зөв зохих ёсоор хийж дадсан ёстой.
• Гар болон шууг халдваргүйжүүлж, дараа нь ариун мэс заслын халат, бээлий өмсдөг.
• “Гар угаах” үйлдэл нь халдварын эрсдэлийг эрс багасгадаг.