Чимээгүй орчинд хүмүүс хамгийн хурдан иддэг

Хооллох орчноо та хэрхэн бүрдүүлдэг вэ ? Магадгүй та хооллох үедээ хөгжим сонсох дуртай бол энэ танд ямар нэгэн байдлаар нөлөөлж болох юм. Энэ талаарх нэгэн судалгааны үр дүн саяхан нийтлэгдсэн байна.

Хурдан хэмнэлтэй хөгжимтэй орчинд хүмүүс хоолоо хурдан идэж байсан бол хэмнэл удаан болох үед идэх хурд мөн адил удааширч байжээ.

Үүнээс гадна ар араасаа дараалсан болон холбогдсон авиануудыг (staccato, legato) сонсох нь хооллох хурдад нөлөөлдөг байна.

Хүмүүсийн хооллох үеийн хурдад нөлөөлөх олон хүчин зүйлс байдгийн нэг нь хөгжим юм. Хоол идэх хурд болон биед энерги авах хоёрын хооронд тодорхой хэмжээний харилцаа хамааралтай байдаг байна:[br]Хэдий чинээ хурдан иднэ, төдий чинээ цадах мэдрэмж хүртэл хугацаа уртсаж түүнийхээ хэрээр их идэж авах энергийн хэмжээ ихэсдэг байна. Тиймээс хөгжмийн хэмнэл, авианууд нь хоол идэх хурдад нөлөөлж цадах мэдрэмжийн хугацааг богиносгож чадах уу гэсэн асуулт урган гарч ирж байна. Улмаар авах энергийн хэмжээг мөн удирдах боломжтой эсэх талаар сонирхол татаж байгаа билээ.

Судалгааны загвар

• Оролцогчид: 137 эрэгтэй, эмэгтэй (> 16 нас), дунджаар 33.8 насны 97 оролцогчдын мэдээллийг бүрэн авах боломжтой байсан.
• Судалгааны хүрээ: Данийн Архус хотод олон өдөр үргэлжилсэн судалгааны арга хэмжээ, наадам
  • Ашигласан хүнс: Шоколад (какаоны агууламж 70%), Нэг хүнд оногдох порц 1.8 см диаметртэй шоколад
  • Хөгжим: Хамгийн ихдээ 5 хүний ​​бүрэлдэхүүнтэй бүлгийн оролцогчид Аяыг буюу Soundtracks чихэвчээр орчноосоо бүрэн тусгаарлагдаж сонссон ба хөгжмийн хэмнэл, авиа (legato, staccato) нь идэх явцад өөрчлөгдөж байсан.
• Оролцогчдын даалгавар: Чихэрлэг, гашуун, кремлэг мөн тааламжтай зэрэг шоколадны амтыг нарийвчлан тайлбарлах.
• Хэмжсэн параметр: Оролцогчдод мэдэгдэхгүйгээр шоколад идэх хурдыг хэмжих

Үр дүн

Удаан хэмнэл / legato авиатай хөгжим сонссон бүлэг дунджаар хамгийн удаан буюу 39.9 (цагийн нэгж=ц.н) байсан ба[br]Хурдан хэмнэл / легато авиатай хөгжим сонссон бүлэгтэй – 36.04 ц.н харьцуулахад удаан байжээ.[br]Удаан хэмнэл / staccato авиатай хөгжим сонссон бүлэг 37,18 ц.н[br]Хурдан хэмнэл / staccato авиатай хөгжим сонссон бүлэг 37,56 ц.н.[br]Хамгийн хурдан идсэн бүлэг нь огт хөгжим сонсоогүй бүлэг буюу 24,99 ц.н-ийн дотор багтан өгөгдсөн порцыг идэж дуусгасан байна.

Эмнэлзүйн ач холбогдол

Хөгжмөөр дамжуулан хүний хоол идэх хурдад нөлөөлөх боломжтой нь зарим судалгааны үр дүнгээр батлагдаж байна. Тиймээс судлаачид үүнийг хурдан иддэг, илүүдэл жинтэй хүмүүсийн хооллох зан үйлийг эерэгээр өөрчлөх арга зам гэж үзэж байна. Илүүдэл жин болон таргалалт нь бодисын солилцооны өвчнүүд болох чихрийн шижин, цусны даралт ихсэх, зүрх судасны өвчин болон бөөрний архаг дутагдлын эрсдэлт хүчин зүйл болсоор байгаа билээ.

Санхүүжилт: Gilead Sciences

Эх сурвалж: Mathiesen SL, Mielby LA, Byrne DB, et al.: Music to eat by: A systematic investigation of the relative importance of tempo and articulation on eating time. Appetite 2020; https://doi.org/10.1016/j.appet.2020.104801

Хуваалцах