Дэд гарчиг
Адифлам (Adiflam)
Leben laboratories Pvt.Ltd
- Эмийн хэлбэр
- Бүрхүүлтэй шахмал (удаан чөлөөлөгдөх)
- Олон улсын нэршил
- Диклофенак (Diclofenac)
- Жороор олгох нөхцөл
- Жороор
Тун ба савлагаа
100 мг · 100 шахмал
ЭМД-ийн хөнгөлөлт
Үнийн мэдээлэл одоогоор шинэчлэгдэж байна.
- Адифлам ба удаашруулсан үйлдэлт Адифлам SR (диклофенакын натри) бэлдмэлийг:
- Үе мөч, тулгуур эрхтний төрөл бүрийн үрэвсэлт эмгэг (ревматоид артрит, остеоартрит, мөрний үений үрэвсэл, тендинит, теносиновит, бурсит) болон ууц нурууны өвдөлт, анкилоз үүсгэсэн спондилит өвчний үед
- Тулуй өвчний шалтгаант үений өвдөлтийн үед
- Гэмтлийн улмаас үе тулгарсан, мултарсан, шөрмөс татагдсан, зөөлөн эд гэмтсэний улмаас үүссэн өвдөлтөд
- Төрөл бүрийн хагалгааны дараа
- Шүд эрүүний өвдөлтөд
- Эмэгтэйчүүдийн үрэвсэлт өвчний үед тус тус өвдөлтийг дарах ба хөнгөвчлөх, үрэвслийг намдаах зорилгоор хэрэглэнэ.
- Адифлам гелийг (): Хэсэг газрын өвдөлт намдаагч энэ бэлдмэлийг -
- Үе мөч, булчингийн төрөл бүрийн (булчингийн чангарал, татагдалт, зөөлөн эдийн гэмтэл, дарагдал, чинэрэлт) шалтгаант хүчтэй бус өвдөлтийг түр намдаах
- Үений үрэвсэл, ревматизм, люмбаго, фиброзит, радикулит, остеохондроз зэрэг өвчнүүдийн үед ялангуяа өглөөгүүр булчин үе мөч хөшингө байх, хүзүүний булчин хөшиж өвдөх зэрэгт туслах эмчилгээ байдлаар хэрэглэнэ.
- Адифлам шахмал болон Адифлам гелийг: энэ бэлдмэлийн үндсэн үйлчлэгч бодисуудад (диклофенакын натри ба диклофенакын диэтиламин), эсвэл СБҮЭ эмүүдэд харшилтай нь тодорхой болсон хүмүүст
- Мөн түүнчлэн ходоод гэдэсний хүнд хэлбэрийн эсвэл идэвхтэй шатандаа байгаа (пептик) шархлааны үед тус тус хэрэглэхийг хориглоно.
- Бусад эмүүдтэй харилцан нөлөөлөх:
- () ингибиторууд: энэ бүлгийн эмүүдийг СБҮЭ бүлгийн эмүүдтэй нэг зэрэг хэрэглэх үед бөөрний дутагдал үүсгэх эрсдлийг нэмэгдүүлэх ба даралт бууруулах эмүүдтэй антагонист үйлдэл үзүүлнэ.
- Ургаль мэдрэлийн адрено идэвхт нейронуудад: СБҮЭ эмүүд нь адрено идэвхт нейронуудын идэвхийг дарангуйлагч (адреноблокатор) эмүүдийн эсрэг үйлдэл үзүүлдэг. Тухайлбал: Бета-адреноблокаторуудын даралт бууруулах үйлдлийг бууруулна.
- Зүрхний гликозидууд: СБҮЭ эмүүд нь зүрхний гликозидын сийвэн дэх концентрацийг нэмэгдүүлэх ба зарим тохиолдолд зүрхний дутагдлыг гүнзгийрүүлж бөөрний үйл ажиллагааг бууруулах эрсдэлтэй.
- Шээс хөөх эмүүд: диуретикүүд нь СБҮЭ эмийн бөөр хордуулах нөлөөг улам нэмэгдүүлнэ.
- Хэрэглээтэй холбоотой анхааруулга
- Адифлам ба удаашруулсан үйлдэлт Адифлам SR (диклофенакын натри) бэлдмэл:
- Энэ бэлдмэлийг элэг, бөөр ба зүрхний үйл ажиллагааны алдагдалтай, эсвэл цусны бүлэгнэлт нь муудсан, саявтархан ходоод гэдэсний ялангуяа шулуун гэдэсний үрэвслээр өвдөөд эдгэрсэн хүмүүст мөн хүүхдэд болгоомжтой хэрэглэхийг сануулж байна.
- Адифлам гелийг (диклофенак диэтиламин): энэ гелийг шархалсан, гэмтсэн арьсан дээр түрхэж болохгүй. Зөвхөн эмчийн заавраар хэрэглэх бөгөөд түүнийг зөвхөн гадуур түрхэж хэрэглэнэ. Бэлдмэлийг нүднийхээ ойр орчимд, бэлэг эрхтэн, хошногоны амсар орчмын салст дээр, мөн үрэвссэн арьсан дээр түрхэж болохгүй.
- Элэгний үйл ажиллагааны алдагдалтай өвчтөнд: Ходоод гэдэснээс цус алдах ба биед шингэн хуралдах эрсдэл ихтэй учраас СБҮЭ эмүүдийг элэгний үйл ажиллагааны алдагдалтай хүмүүст болгоомжтой хэрэглэх ёстой. Элэгний хүнд өвчтэй хүмүүст хэрэглэхээс зайлсхийгээрэй.
- Бөөрний үйл ажиллагааны алдагдалтай өвчтөнд: СБҮЭ эмүүдийг бөөрний үйл ажиллагааны алдагдалтай хүмүүст хэрэглэхээс аль болохоор зайлсхийх хэрэгтэй. Хэрэв зайлшгүй хэрэглэх бол аль болох бага тунгаар, богино хугацаанд хэрэглэх ба бөөрний үйл ажиллагаанд хяналт тавьж байх ёстой.
Гаж нөлөө
Фармакокинетик
Жирэмсэн болон хөхүүл үе
Гишүүн болж бүх агуулгыг уншаарай.
Гишүүнчлэлийн эрхтэй бол нэвтэрч үзнэ үү.
Үе (Joint, articulation)
Араг яс нь тулгуурын болон дотор эрхтнүүдийг хамгаалах үүргийнхээ нөлөөнд бие махбодид шаардлагатай тогтворт байдлыг хангадаг. Ингэхдээ зэргэлдээ ястайгаа харилцан хөдөлгөөнд оролцох ба яс хоорондын холбоосыг үе хэмээн нэрлэдэг. Товчоор араг ясны бүтцийн хоёр болон түүнээс дээш ясан эсхүл/болон мөгөөрсөн хэсгүүд холбогдох хөдөлгөөнт хэсгийг үе гэнэ.
Хэсэг газрын үрэвслийн хариу урвал (Local inflammatory responses)
Үрэвсэл гэдэг нь эдийн гэмтэл үүсгэх чадвартай халдварт эмгэг төрүүлэгч, механик гэмтэл, химийн болон физикийн цочроогч хүчин зүйлүүдийн эсрэг цусны судасны оролцоотойгоор өрнөх дархлааны хамгаалах хариу урвал юм.
Ревматоид артрит (Rheumatoid arthritis)
Шалтгаан тодорхойгүй, аутоиммун, даамжрах явцтай архаг үрэвсэлт өвчин. Үеийг сонгомолоор гэмтээхээс гадна уушги, зүрх, бөөр, судас гэх мэт бусад эрхтэн тогтолцоог давшингуй гэмтээдэг.
Эм
Диклофенак диэтиламин (Diclofenac diethylamine)
Үе мөч, булчингийн өвдөлтийн үед хэсэг газарт хэрэглэх эм › Хэсэг газарт хэрэглэх үрэвслийн эсрэг стероид бус бэлдмэл
Хэт мэдрэгшил, харшилт өвчнүүд (Hypersensitivity reactions, allergic diseases)
Хүрээлэн буй орчны хор хөнөөлгүй өдөөлтийн эсрэг (ж.нь., хүнс, цэцгийн тоос, амьтны үс ноос) өрнөж буй дархлааны хэвийн бус хариу урвал юм.
Ходоод (Gaster)
Ходоод (Gaster) нь хоол боловсруулах замын хамгийн өргөн хэсэг ба улаан хоолойгоор дамжин ирсэн хоолонд анхан шатны боловсруулалт хийн, цааш шилжих хүртэл хадгална. Ингэхдээ ходоодны булчирхайнаас ялгарсан хүчлийн тусламжтай бүхэл хатуу зүйл нь шингэрэн зутан холимог болдог. Ходоод нь pars anterior, pars posterior гэсэн хоёр ханатай ба амсар (Pars cardiaca), ёроол (Fundus gastricus), их бие …
АХФ
Ангиотензин хувиргагч фермент – Angiotensin-converting enzyme
ACE
Angiotensin-converting enzyme – Ангиотензин хувиргагч фермент
Бөөр (Ren, Nephros)
Бөөр нь хэвлийн гялтан хальсны арын зайд байрладаг шош хэлбэртэй, цуллаг хос эрхтэн юм. Нэг минутад биеэр эргэлдэх нийт цусны 20% буюу 1200 мл орчим цус бөөрөөр эргэлдэх ба энэ нь өөрийн жинтэй нь харьцуулбал хамгийн их цусан хангамжтай эрхтэн болдог.
Зүрх судасны эрхтэн тогтолцооны анатоми (Cardiovascularsystem)
Зүрх судасны эрхтэн тогтолцоо нь цусны судас болон түүнд агуулагдаж байдаг цус, агшилт болон сулралтынхаа тусламжтайгаар цусыг хураах болон түгээх үйлдэл хийдэг булчинлаг эрхтэн болох зүрх гэсэн 3 том эрхтнээс бүтдэг онцлогтой.
Элэг (Hepar)
Элэг нь хамгийн том булчирхай бөгөөд хүний биеийн бодисын солилцооны төв эрхтэн юм. Элэг өрцний эгц дор байрлаж, ихэнх хэсэг нь хэвлийн баруун дээд проекцэд агуулагдах ба зүүн тал руугаа ходоодыг хүртэл нарийссан байдлаар оршино.