Атенолол Денк 50 (Atenolol Denk 50)

• Зүрх – цусны эргэлтийн үйл ажиллагааны эмгэг (зүрхний гиперкинетик хамшинж, зохицуулгын гипертоник эмгэг) 
• Зүрх судасны эмгэг (зүрхний архаг явцтай тогтвортой бах ба зүрхний цохилт эсвэл цусны даралт ихэссэн зүрхний тогтворгүй бах) 
• Зүрхний цохилт олширсон зүрхний хэмнэл алдагдал 
• • Ховдлын дээрх хэм алдагдал, тиреотоксикозоос шалтгаалсан синусын тахикарди, пароксизмаль ховдлын дээрх тахикарди, тосгуурын фибрилляц ба трепетани (зүрхний гликозидын өндөр тунт эмчилгээнд үр дүнтэй хянагдахгүй байгаа үед)-н тохиолдолд нэмэлт эмчилгээнд. 
  • Ховдлын хэм алдагдал. Үүнд симпатик мэдрэлийн системийн идэвх ихэссэнээс үүссэн (бие махбодийн ачаалал, мэдээгүйжүүлэлтийн оршил үе, галотаны мэдээгүйжүүлэлт, симпатик мэдрэлийг идэвхжүүлэгч бэлдмэл хэрэглэх) ховдлын экстрасистол, ховдлын тахикарди ба ховдлын фибрилляци (зөвхөн урьдчилан сэргийлэх зорилгоор, ялангуяа симпатик мэдрэлийн идэвхжил ихэссэнээс үүссэн ховдлын хэм алдагдлын үед) 
  • Цусны даралт ихсэлт (артерийн гипертони) 

Бэлдмэлийг дараах тохиолдолд хэрэглэхгүй. 

• Атенолол болон бусад бета адренорецепторт хориг үүсгэдэг бэлдмэлд эсвэл бэлдмэлийн найрлага дахь ямар нэгэн туслах бодист хэт мэдрэг хүмүүс 

• Зүрхний булчингийн сулрал (зүрхний илэрхий дутагдал) 

• Шок 

• Тосгуураас ховдол руу чиглэсэн дамжуулах тогтолцооны эмгэг өөрчлөлт (зүрхний хоригийн 2 болон 3-р зэрэг) 

• Синусын занилааны сулралын хамшинж 

• Синусын зангилаа ба тосгуурын хоорондох дамжуулах тогтолцооны эмгэг (синоатриаль хориг) 

• Эмчилгээг эхлэхийн өмнө тайван үеийн судасны цохилт 1 минутад 50-с цөөн (брадикарди) байх 

• Цусны даралт хэт бага байх (гипотони: систолын даралт 90 мм.муб-с бага) 

• Цус хэт хүчилших (ацидоз) 

• Гуурсан хоолой агчих хандлагатай (гуурсан хоолойн урвал хэт ихсэх, гуурсан хоолойн багтраа) байх 

• Захынцусны эргэлтийн эмгэгийн хожуу үе 

• МАО ферментийг саатуулдаг бэлдмэлтэй хамт хэрэглэх (МАО В ферментийг саатуулагчаас бусад) 

Атенололын эмчилгээний үед  верапамил ба дилтиаземын бүлгийн кальцийн сувгийг хориглогч бэлдмэл эсвэл хэм алдагдлын эсрэг бусад бэлдмэлийг (дизопирамид гэх мэт) венийн судсанд тарьж хэрэглэхийг цээрлэнэ (эрчимт эмчилгээнээс бусад тохиолдолд).