Анатомийн хэллэгүүд (Terminology)

Бидний ах, эгч, аав, ээж нарын үед хичээлд хэрэглэдэг анагаах ухааны үг хэллэгүүд нь ихэвчлэн орос/латин хэл дээр байсан бол одоо үед дэлхий даяар эмнэлгийн үг хэллэг нь англи/латин үг хэллэг рүү шилжсэн билээ.

Дэлхийн аль ч улсаас ирсэн бай мэргэжил нэгт эмч нар хоорондоо харилцахдаа бүрэн дүүрэн ойлголцоход туслах үг хэллэгүүдийг оюутан залуус болон залуу эмч та нартаа хэрэглэж дадахад нь туслах үүднээс энэхүү цуврал анатомийн хичээлийг шаардлагатай үг хэллэгүүдийг монгол-англи хослолын хамт, хамгийн суурь ойлголтуудаас нь эхлэн толилуулж байна.

Анатомийн байрлал гэдэг нь хүний биеийн эрхтний байрлалыг дангаар нь, эсвэл бусад эрхтэнтэй харьцуулан тодорхойлоход хэрэглэдэг үндсэн байрлал юм. Энэ нь алдарт “Vitruvian Man”-тай төстэй !

• Үндсэн байрлалын тодорхойлолт
  • Хүн цэх босоо, нүүр урагш харж зогссон
  • Гар шулуун бөгөөд ташаа орчимд, гарын алга урагш харсан
  • Хөл паралель, хөлийн хуруунууд урагш харсан