ICD-10

• жирэмсний хяналтаар илэрсэн хэвийн бус үзүүлэлтүүд ( O28.- )
• перинаталь үед үүссэн зарим эмгэг (P00-P96)

Энэхүү бүлэгт эмнэлзүйн болон бусад үзлэг шинжилгээгээр илэрсэн шинж тэмдэг, зовиур, хэвийн бус үзүүлэлтүүд, мөн өөр бүлэгт ангилсан онош тавигдаагүй тодорхойгүй байдлууд хамаарна.

Онош тавихад хангалттай шинж тэмдэг, зовиурыг өөр бүлэгт ангилсан болно. Харин энэхүү бүлэгт нэмэлт нарийвчилсан шинжилгээ хийж эцсийн оношийг тодруулаагүй нөхцөлд хэд хэдэн өвчин буюу хэд хэдэн тогтолцоонд ижил хамаатай мэт шинж тэмдэг, тодорхойгүй байдал хамаарна. Тус бүлгийн бараг бүх ангиудыг “өөрөөр заагаагүй бол”, “шалтгаан тодорхойгүй” буюу “түр зуурын” зэргээр тодорхойлж болно. Ямар шинж тэмдэг, зовиурыг энэхүү бүлэгт хамруулах, ямрыг нь бусад бүлэгт хамруулахыг Цагаан толгойн товъёогоос хар. .8 тэмдэглэгээ бүхий үлдэгдэл дэд ангийг өөр бүлэгт ангилах боломжгүй холбогдох шинж тэмдэгт зориулсан болно.

R00-R99-д ангилсан шинж тэмдэг, зовиур, байдалд дараах тохиолдлууд хамаарна. Үүнд:

• бүх баримт мэдээг судалсны эцэст ч гэсэн илүү тодорхой онош тавих боломжгүй тохиолдлууд
• эхний үзлэгээр илэрсэн боловч түр зуурынх байсан ба шалтгааныг нь тодруулах боломжгүй шинж тэмдэг, зовиур
• оношийг баталгаажуулах давтан үзлэг хийлгэхээр ирээгүй өвчтөнд тавьсан урьдчилсан онош
• онош тавихаас өмнө шинжилгээ, эмчилгээ хийлгэхээр өөр байгууллагад шилжсэн тохиолдлууд
• өөр ямар нэг шалтгаанаар илүү тодорхой онош тавих боломжгүй тохиолдлууд
• нэмэлт мэдээлэл нь өгөгдсөн бөгөөд эмнэлгийн тусламж, үйлчилгээнд дангаараа чухал асуудал болдог зарим шинж тэмдэг.