Гэдэс цочролын хам шинж (Irritable bowel syndrome)
Гастроэнтерологи, Үндсэн хам шинжүүд
Тойм
Гэдэс цочролын хам шинж нь Хойд Америк, Европт маш түгээмэл тохиолддог архаг өвчин юм. Энэ эмгэгийн үндсэн шалтгаан нь ходоод гэдэсний хөдөлгөөн, дотоод эрхтнүүдийн хэт мэдрэгшил, ходоод гэдэсний нэвчимтгий байдал өөрчлөгдсөнөөс үүсдэг гэж үздэг.
Өвчтөнүүдэд өтгөний давтамж, хэлбэр эсвэл харагдах байдлын өөрчлөлттэй холбоотойгоор хэвлийн байнгын өвдөлт илэрдэг. Гэдэс цочролын хам шинж нь Ромын IV шалгуурт суурилсан эмнэлзүйн онош бөгөөд бусад оношуудыг үгүйсгэдэг.
Эмийн бус эмчилгээнд хоолны дэглэмийг өөрчлөх 
болон сэтгэлзүй зан үйлийн эмчилгээ орно. Лоперамид, туулгах эмүүд, лубипростон зэрэг эмийн эмчилгээнүүдийг нь суулгалт, өтгөн хаталт бүхий гэдэс цочролын хам шинжийн үед хэрэглэдэг.
Тархвар зүй
- Тархалт: Хойд Америк, Европт 10-20%
- Хүйс: Барууны орнуудад эмэгтэйчүүд эрчүүдээс 1.5-2 дахин их өвчилдөг.
- Нас: 20-39 насны хүмүүст хамгийн их тохиолддог
- Холбоо хамаарал бүхий эмгэгүүд
- Фибромиалгиа, архаг ядаргааны хам шинж
- Сэтгэл гутрах эмгэг, сэтгэлийн түгшүүр, биешсэн эмгэг
- Ходоод-улаан хоолойн сөргөө, үйл ажиллагааны диспепси
- Зүрхний бус шалтгаант цээжний өвдөлт
Ойролцоо контент
