Амломон
10 мг
Амлодипин – Amlodipine
Монос Фарм ХХК
Эмийн хэлбэр: Шахмал

ЭРҮҮЛ МЭНДИЙН ДААТГАЛЫН ҮНИЙН ХӨНГӨЛӨЛТ

Үнийн дээд хязгаар: 560

ЭМД хөнгөлөх хэмжээ: 168

Даатгуулагч төлөх дүн: 392

Эмчийн ангилал:

B, C, D

А, В - Ангиллын эмийг өрх, сум, тосгоны эрүүл мэндийн төв, клиникүүд

С - Ангиллын эмийг нэгдсэн эмнэлэг, хэвтүүлэн эмчлэх ортой клиник, амаржих газар, тусгай эмнэлэгүүд,

D - Ангиллын эмийг зөвхөн төрөлжсөн мэргэшлийн эмнэлгийн эмч бичих эрхтэй

  • Артерийн даралт ихсэх өвчин, зүрхний бахын үед тус тус хэрэглэнэ.
  • 0-6 насны хүүхэд ба дигидропиридины уламжлалын эмүүдэд хэт мэдрэг хүмүүст   хэрэглэхийг хориглоно. 
  • Артерийн даралт ихсэх өвчний үед эхлээд 5 мг тунгаар хоногт нэг удаа хэрэглэнэ.  
  • Хоногийн дээд тун нь 10 мг (хоногт нэг удаа) байна.
  • Харин жин багатай, бие муутай, өндөр настай хүмүүс, элэгний дутагдалтай өвчтөнд
    • хоногт 2,5 мг-аар нэг удаа хэрэглэх бөгөөд даралтын зэргээс хамаарч тунг нэмж хэрэглэж болно.
  • 6-17 насны хүүхдэд ууж хэрэглэх бэлдмэлийн даралт бууруулах идэвхтэй тун 2,5-5 мг (хоногт нэг удаа хэрэглэнэ) байна. Харин 6-аас доош насны хүүхдэд хэрхэн нөлөөлдөг нь судлагдаагүй.
  • Архаг явцтай болон судас агчилын зүрхний бахын үед  5-10 мг тунгаар хэрэглэнэ. 

Бэлдмэлийг хэрэглэх үед

  • зүрх судасны системийн талаас
    • толгой өвдөх, хавагнах, нүүр улайх, зүрх дэлсэх,
  • зарим тохиолдолд жинхэнэ өвчний үр дагавараас ялгах боломжгүй гаж нөлөөнүүд
    • (зүрхний шигдээс, цээжээр өвдөх, зүрхний хэмнэл алдагдах) илрэх, ядрах нойрмоглох, зарим тохиолдолд сэтгэл санааны байдал өөрчлөгдөх, хараа өөрчлөгдөх, дотор муухайрах, хэвлийгээр өвдөх, гэдэсний үйл ажиллагаа хямрах, буйлны гиперплази, цөс зогсонгиших,  шарлах, элэгний ферментийн түвшин өөрчлөгдөх, их шээх, гинекомасти, булчингийн талаас үе булчин өвдөх, арьсаар тууралт гарах, загатнах, улайх зэрэг харшлын урвал тус тус илэрч болзошгүй. 

III үеийн кальцийн сувагт хориг үүсгэдэг бэлдмэл. Зүрхний булчин болон судасны ханын гөлгөр булчингийн эсийн мембраны кальцийн ионы удаан сувагт хориг үүсгэж эсийн доторх кальцийн агууламжийг багасгасанаар артерийн даралт бууруулах, зүрхний бахын эсрэг үйлдэл үзүүлнэ. Бэлдмэлийн даралт бууруулах үйлдэл нь судасны ялангуяа артериолын ханын гөлгөр булчингийн тонусыг багасгаж, судас өргөсгөсөнтэй холбоотой ба харин зүрхний бахын эсрэг үйлдэл нь захын артериолын судсыг өргөсгөн зүрхний ачааллыг багасган, титэм судсыг өргөсгөн, зүрхний булчингийн цусан хангамжийг сайжруулж байгаатай холбоотой. Артерийн даралт ихсэх өвчний үед бэлдмэлийн хоногийн тунг 1 удаа хэрэглэхэд 24 цагийн турш артерийн даралтыг аажим, найдвартай бууруулна. Зүрхний бах өвчний  үед Амлодипин биеийн хүчний ачаалалд тэсвэрлэх чадварыг ихэсгэж зүрхний бахын өвчин хөдлөлийн давтамжийг багасгах ба мөн нитроглицерины хэрэгцээг бууруулна.

Дигоксин

  • Амлодипиныг дигоксинтой хамт хэрэглэхэд цусны сийвэн дэх дигоксины хэмжээ болон бөөрний клиренс нь хэвийн хэмжээнээс өөрчлөгддөггүй байна. 

Циметидин

  • Хамт хэрэглэхэд амлодипины фармакокинетик өөрчлөгдөөгүй байна. 

Варфарин

  • Варфаринтай хамт хэрэглэхэд протромбины хугацаа өөрчлөгдөөгүй байна. 

Бэлдмэлийг тиазидын бүлгийн шээс хөөх эм,  ангиотензин хувиргагч ферментэд хориг үүсгэдэг бэлдмэл, бета-адреноблокаторууд, удаан үйлдэлтэй нитратууд болон хэлэн доор тавьж хэрэглэдэг нитроглицерин, дигоксин, стеройд бус бүтэцтэй үрэвслийн эсрэг эм, антибиотикууд, ууж хэрэглэдэг цусны сахарын хэмжээг бууруулдаг эмүүдтэй хамт хэрэглэхэд аюулгүй болох нь эмнэлзүйн судалгаагаар нотлогдсон. 

Хадгалах нөхцөл

  • 250С-ээс дээшгүй температурт гэрлээс хамгаалж, хүүхэд хүрэхээргүй газар  хадгална. 

Хүчинтэй хугацаа

  • 2 жил. 

Савлалт

  • Амломон 5 мг, 10 мг шахмал эмийг 10 шахмалаар PVC/PTP блистерт савлаж, 20-30 шахмал бүхий блистрийг хэвлэмэл хаяг бүхий хайрцагт тус тус хийж, хэрэглэх зааврыг хавсаргана.  

Олгох нөхцөл

  • Жороор олгоно. 

Хаяг

  • Монгол улс, 16103-006, Улаанбаатар хот, Баянгол дүүргийн 20-р хороо, Сонсголонгийн зам гудамж 32/2 Утас: 77173117,  1800-1883  

Шинээр нэмэгдсэн:

Засвартай байна...

Энэхүү платформ нь энгийн иргэдэд зориулагдаагүй зөвхөн анагаах ухааны салбарын мэргэжилтнүүдэд зориулагдсан болно. Дур мэдэн өөрийгөө эмчлэхийг хориглоно ! Дур мэдэн хийсэн үйлдлээс гарах үр дагаврыг бид хариуцахгүй.

Бид күүки буюу үйлдлийг бүртгэх технологи ашиглан тодорхой төрлийн мэдээллийг хадгалах ба энэ нь үйлчилгээг сайжруулах, түүнд дүн шинжилгээ хийх зорилготой юм. Таны мэдээлэл бусдад дамжуулагдахгүй.